Засгийн газраас “Дэлхийн Монголчууд”
хөтөлбөрийг баталсан байна. Хөтөлбөрийн зорилгыг “Хилийн чанадад буй монгол
иргэдэд хандсан нэгдмэл цогц бодлого хэрэгжүүлэх, иргэдэд тулгарч буй асуудлын
шийдлийг тодорхойлох, хилийн чанадад буй Монгол Улсын иргэдээс эх орныхоо
хөгжил дэвшилд хувь нэмрээ оруулах нөхцөлийг бүрдүүлэхэд оршино” гэж
тодорхойлжээ. Хөтөлбөр нь олон улсын томьёолж буй “brain circulation” буюу
иргэд мэдлэг, боловсрол, үйл ажиллагаа, харилцаа холбоогоор эх орныхоо бүтээн
байгуулалтад хувь нэмрээ оруулахыг дэмжих, иргэний бүртгэлийг сайжруулах,
иргэдийн нийгэмлэг холбоодтой хамтран ажиллах зорилтуудыг тусгасан байна. Мөн
энэхүү хөтөлбөр Монгол хэл, соёл, урлаг, зан заншлыг тээгч ард түмнүүдийн
соёлын солилцоо, харилцаа, хамтын ажиллагааг дэмжихэд чиглэгдэх ажээ.