Цаг уурын байгууллагаас гаргасан мэдээгээр өнөөдөр, маргаашдаа ихэнх нутгаар цас орж, шуурахыг анхааруулсан.
Яг одоо хойд чиглэлд Дархан, Орхоны замд үзэгдэх орчин хязгаарлагдсан, замын нөхцөл хүндэрсэн байдалтай байна. Тиймээс Дархан-Уул аймгийн Засаг дарга, Онцгой байдлын газар, Цагдаагийн газрын шийдвэрээр тээврийн хэрэгслийн орох, гарах хөдөлгөөнийг замын нөхцөл сайжрах хүртэл тодорхойгүй хугацаанд хязгаарлаад байна.
Иймд Хөвсгөл, Булган, Орхон, Сэлэнгэ, Дархан аймгийн чиглэлд зорчихгүй байхыг анхаарна уу.