2017 оны Ерөнхийлөгчийн сонгуулийн дахин санал хураалт 22.00 цагт өндөрлөлөө. Ингээд санал хураах хэсгийн хороод санал тоолох ажлаа эхлүүллээ. Оюуны өмч, улсын бүртгэлийн газраас ирүүлсэн мэдээллээр нийт 1.982.733 сонгогч сонгогчдын нэрийн жагсаалтад бүртгэгдсэн байгаа. Ирц 50 хувиас дээш гарч байж сонгууль хүчинтэйд тооцогдоно. Мөн хэн нэгэн нэр дэвшигч нь олонхийн санал авсан байх ёстой. СЕХ-ноос 23.00 цагт албан ёсны мэдээлэл хийнэ. Гадаад улсад ажиллаж, амьдарч байгаа монголчуудын саналыг 22.00 цагаас тоолох бөгөөд Сонгуулийн ерөнхий хорооны төв байранд болно. Зургадугаар сарын 26-нд болсон сонгуульд 4714 иргэн саналаа өгсөн бол нэмэлт санал хураалтад 2699 сонгогч саналаа өгчээ.
Б.ОД