Хоёр солонгосын дайны үеэр салсан 400 хүн Өмнөд Солонгост цугларчээ. Тэд аравдугаар сарын 20-26-ны хооронд уулзалдах юм. Уг уулзалтыг хоёр үе шаттайгаар зохион байгуулах аж. Хуваагдсан гэр бүлүүдийн гишүүд өдөрт хоёр, хоёр цагаар нийтдээ зургаан цаг орчим уулзах боломжтой болж байгаа юм байна. Хамгийн сүүлд ийм төрлийн уулзалтыг 2014 оны сүүлчээр зохион байгуулж байсан ч Солонгосын хойгийн асуудлаас болж хоёр талын харилцаа хурцадмал байдалд шилжсэн. Тиймээс дээрх уулзалтыг түр хугацаагаар зогсоогоод байсныг ийнхүү дахин сэргээхээр болсон байна.
1950-1953 оны Солонгосын дайнаас болж Өмнөдийн 68 мянган гаруй иргэний төрөл төрөгсөд хуваагджээ. Өнгөрсөн долоо хоногийн эхээр Умард Солонгосын Кымгансан уулын амралтын газарт Улаан загалмайн нийгэмлэгийн оролцоотойгоор хоёр тал хэлэлцээг амжилттай явуулсан байна. Энэ удаагийн уулзалтад оролцогсдод сугалаа сугалуулах замаар ийм эрх олгосон аж.