“Дагшин Алтай” ТББ-ын залуус Өлгий хотын Буддын шашны Раашгэмпэллин хийдтэй хамтран XVII жарны “Цөөвөр” хэмээх Төмөр үхэр жилийн Сар шинийн баярыг угтан ахмад настнуудад хүндэтгэл үзүүлж, гарын бэлэг гардуулжээ.
Тус байгууллага нь Баян-Өлгий аймгийн уугуул монголчуудын биет болон биет бус өв соёлыг судлах, сурталчлах зорилготой залуусын нэгдэл аж. Тэд “Бид 75 наснаас дээш настай ахмадууддаа хүндэтгэл үзүүлсэн. Энэ сайн үйлсийг хийж явахдаа 100 настай урианхай эмээтэй уулзсан. Гэтэл тэр хүний талаар аймгийн удирдлагууд мэдээгүй байсан нь харамсалтай санагдсан. Тиймээс манай ТББ-ын залуус цаашид уугуул монголчуудынхаа нийгмийн байдалд анхаарал хандуулж, энэ чиглэлд олон ажил санаачлан хийх болно. Биднийг дэмждэг бүх хүмүүст баярлалаа” гэлээ.
