УИХ-ын гишүүн Д.Сумъяабазар Хүний эрхийн үндэсний комисст ханджээ. Тэрбээр Газрын тухай хууль болон холбогдох бусад хуульд иргэний өмчилсөн газар нь хувийн өмч байхаар зааж, түүнийгээ захиран зарцуулах эрх нь өмчлөгчийн бүрэн эрх гэж тунхагласан атал НИТХ-аас гаргасан шийдвэрийн хүрээнд энэ эрх зөрчигдөж байна гэж үзээд ийнхүү ханджээ.Тэрбээр “Иргэн хувийн өмчийн газраа хэдээр үнэлэх, захиран зарцуулах эрх нь зөвхөн хуулиар хязгаарлагдана. УИХ нь иргэний газрыг албадан хурааж, нөхөх олговор олгох эрхийг НИТХ-д олгоогүй. Ийм байтал хуулиас давсан асуудал үүссэн байж болзошгүй байна. Тиймээс энэ асуудлыг судлан шаардлагатай бүхий л арга хэмжээг авч ажиллана уу” гэжээ.
