УИХ-ын чуулганы нэгдсэн хуралдаанаар халдварт өвчний эрт илрүүлэлтийн талаарх гишүүдийн асуултад Эрүүл мэндийн сайд Д.Сарангэрэл, Төв аймгийн Сүмбэр сумын сургуульд сүрьеэгээр өвчилсөн, халдвар авсан тохиолдол бүртгэгдсэн талаар хэлжээ. Тэрээр “2018 оны X сараас эхлэн орон даяар урьдчилан сэргийлэх үзлэгийг Эрүүл мэндийн даатгалын сангаас санхүүжүүлэн явуулж байна. Үр дүнд нь 52 мянган хорт хавдрын тохиолдлыг илрүүлсэн. Мөн сүрьеэгийн асуудлаар тушаал гаргаж ЕБС-иудад урьдчилан сэргийлэх үзлэг хийж байгаа. Үүний дүнд 15 дугаар сургуулийн 38 хүүхэд өвчилсөн, 200 гаруй хүүхэд халдвар авсан тохиолдол илэрсэн. Урьдчилан сэргийлэх үзлэгээр энэ тоо нэмэгдэх хандлагатай байгаа. Төв аймгийн Сүмбэр сумын сургуульд өвчлөлийн зургаа, халдвар авсан 200 тохиолдол бүртгэгдсэн. Эрт илрүүлж эмчлэх нь чухал” гэлээ.