“Загреб-2018” чөлөөт бөхийн өсвөр үеийн ДАШТ-ий охидын 46 кг-д “Женко” клубын тамирчин Долгоржавын Отгонжаргал алтан медалийн төлөө барилдах эрхтэй боллоо.
Тэрбээр энэ жилийн өсвөр үеийн Ази тивийн АШТ-ий хүрэл хүртсэн бөгөөд өсвөр үеийн УАШТ-ий алт, мөнгө, хүрэл медальтай шилдэг залуу бөх юм. Д.Отгонжаргал 1/8 шигшээд Энэтхэгийн Деви Санжу, шөвгийн наймд Румыний Ана Марья Пирву, хагас шигшээд АНУ-ын Оливия М Шорыг тус бүр цэвэр ялснаар маргааш Японы Сакүра Мотокитой аваргын төлөө барилдана. Мөн 53 кг-д “Женко” клубын тамирчин Б.Эрдэнэсувд маргааш дагах барилдаан хийхээр болжээ.
Тус тэмцээний охидын 40, 46, 53, 61, 69 кг жингийн хагас шигшээ барилдаанууд ийнхүү өчигдөр болж манай хоёр тамирчин үлдээд байгаа юм.