Эрүүл мэндийн яамнаас ээлжит мэдээллээ хийлээ. Дэлхий дахинаа коронавирус нь 216 улс орон, нутаг дэвсгэрт бүртгэгдэж, 10228000 хүн өвчилж, 503000 хүн нас барсан байна. 5,5 сая хүн эдгэрч 4,1 сая хүн эмчлэгдэж байна.
ХӨСҮТ-ийн захирал Д.Нямхүү:
Зургадугаар сарын 28-ны өдөр 216 хүний сорьцонд шинжилгээ хийхэд 215 хүнд коронавирус илрээгүй. Харин нэг хүнд коронавирусилэрлээ. Нур-Сулстан-УБ-ын онгоцоор ирсэн хүний гурав дахь шинжилгээгээр буюу 19 хоногийн дараа коронавирус илэрлээ. Монгол улсад 220 хүн халдвартай нь батлагдаж, 175 хүн эдгэрээд байна.
ЭМЯ-ны хэлтсийн дарга Д.Нарангэрэл:
АНУ, Бразил, Энэтхэг улсууд шинэ халдварын тоогоор тэргүүлсээр байгаа. Мөн Зүүн Европын 30 оронд хөл хориог сулруулсантай холбоотойгоор халдвар нэмэгдсэн тул 11 орон буцаад хөл хорионы дэглэмээ чангаруулах арга хэмжээ авч байна. ОХУ-д 6,791 хүн шинээр халдвар авч 104 хүн эндсэн. Манай улсын хил залгаа бүс нутгуудад халдвар нэмэгдсээр байгаа. Эрхүү мужид сүүлийн 14 хоног халдварын тоо тасралтгүй өссөөр байна. Тувад өмнө сар гаруй хугацаанд халдвар нэмэгдсээр байгаа. Манай улсын хувьд өчигдөр 87 хүн шинээр ажиглалтад орж, 16 хүн гэрийн тусгаарлалтад шилжлээ. Одоо ажиглалтад 2,710 хүн байна. Үүргийн онгоцоор ирсэн 78 хүн Цэргийн төв эмнэлэгт хэвтэн эмчлүүлж байгаа. Үүнээс 51 хүн архаг хууч өвчтэй бөгөөд 5 хүний биеийн байдал хүнд байна.
ЭМЯ-ны Гадаад харилцаа, хамтын ажиллагааны газрын дарга Б.Янжмаа:
Өнгөрсөн ням гарагт халдвар авсан хүн 10 сая, нас барсан хүний тоо хагас саяыг давлаа. 6-р сарын 28-нд АНУ-д 44 мянган хүн шинээр халдвар авлаа. Тархалт улам бүр нэмэгдэж байгаа учир Флорида мужид 7-р сарын хоёр амралтын өдөр наран шарлагын газруудыг хаах шийдвэр гаргалаа.
Х.ЕСҮ