ХӨСҮТ-ийн захирал Д.Нямхүү: ХӨСҮТ-д өчигдөр нийт 373 шинжилгээ хийхэд коронавирус илрээгүй. Ажиглалтад байсан 164 хүний тусгаарлалтын хугацаа нь дууссан мөн хоёр удаа шинжилгээ хийхэд коронавирус илрээгүй тул гэрийн ажиглалтад шилжүүллээ. Нэгдүгээр сараас хойш тандалтын зорилгоор 1124 хүнд шинжилгээ хийсэн. Энэ нь Монгол Улсад коронавирусийн халдвар байгаа эсэхийг тогтооход маш чухал судалгаа юм. 243 хүн эмчилгээ хяналтад байна. Замын-Үүдээр 58 хүн орж ирсэн, нэг сэжигтэй тохиолдлыг тусгаарласан. Бусад улсыг ажиглалтад авсан. Хятадын талаас мөн шинжилгээ хийж, хилээр нэвтрүүлсэн. Сэжигтэй тохиолдлын сорьц ХӨСҮТ-д ирсэн.