Коронавирус (COVID-19) дэлхийн 216 орон нутаг дэвсгэрт бүртгэгдэн 8241000 хүн өвдөж, 444 мянган хүн нас бараад байна.
ХӨСҮТ-ийн захирал Д.Нямхүү: “Өчигдөр нийт 316 хүнд шинжилгээ хийхэд коронавирус илрээгүй. Үүнийг задалбал:
Ажиглах байранд тусгаарлагдсан 267 хүний давтан шинжилгээ
Тандалтын зорилгоор 23 хүний сорьц шинжилгээг санамсаргүйгээр сонгон авсан. Сонголтонд Дундговь аймгийн нэгдсэн эмнэлгийн сорьц, Баянгол дүүргийн нэгдсэн эмнэлэг, мөн Хан-Уул дүүргийн нэгдсэн эмнэлгийн сорьцноос сонгож хийлээ.
Алтанбулагийн боомтоор орж ирсэн 22 авто тээврийн жолооч
Сэлэнгэ аймагт тусгаарлагдсан 4 хүний давтан шинжилгээ
Хоёр хүн эдгэрч ХӨСҮТ-ээс гарлаа. Энэхүү хоёр иргэний нэг нь Батлан хамгаалахын оюутан, 19 настай эрэгтэй33 хоногийн эмчилгээний дараа, нөгөө нь 15 настай сурагч 31 хоногийн дараа тус тус эдгэрлээ. Ийнхүү улсын хэмжээнд батлагдсан 197 хүн, эдгэрсэн 111 хүн байна. ХӨСҮТ-дхалдвартай 86 хүн эмчилгээнд байна. Биеийн байдлын хувьд 78 нь хөнгөн, 8 хүн хүндэвтэр байна.”
ЭМЯ-ны газрын дарга Д.Нарангэрэл: “Дэлхийн 216 орон нутаг дэвсгэрт бүртгэгдэн 8241000 хүн өвдөж, 444 мянган хүн нас бараад байна. Сүүлийн 24 цагийн байдлаар 132000 хүн шинээр өвчилж 6000 гаруй хүн нас барсан энэ нь өвчлөл өмнөх өдрөөс 14 мянган хүнээр нас баралт 3000 гаруй хүнээр нэмэгдсэн байна. ЯлангуяаБразил улсад 30 мянган хүн шинээр бүртгэгдсэн нь нэг өдөрт шинэ халдвархамгийн олноор бүртгэгдсэн тохиолдол боллоо. Шинэ Зеландад гаднаас ирсэн хоёр хүнд 14 хоногийн тусгаарлалтын үеэр халдвар илэрчээ. “Энэ оны 6-8-р саруудад өвчлөл буурна гэж байсан ч байдал өөр тийш эргэлээ” хэмээн Харвардын их сургуулийн эрдэмтэд анхааруулжээ. ОХУ-д сүүлийн 24 цагийн байдлаар 8248 хүн халдвартай нь бүртгэгдэн, нийт 545 мянга болж 7284 хүн нас бараад байна”АНУ-ын эрдэмтдын компьютер загварчлалын аргаар хийсэн судалгаагаар 00-оос ус татахад агаарт коронавирус агуулсан дуслууд дэгдэж гарч байгааг тогтоосон байна.”
ЭМЯ-ны Гадаад харилцааны хэлтсийн дарга Б.Янжмаа: “АНУ-д зургадугаар сарын 15-ний байдлаар 18500 шинэ тохиолдол 496 нас баралт бүртгэгдэн, нийт халдварын тоо 2.1 саяд хүрч, 116 мянга гаруй хүн нас бараад байна. Япон улсад зургадугаар сарын 16-ны 12 цагийн байдлаар 72 шинэ тохиолдол 1 нас баралт бүртгэгджээ. Шинэ халдварын 60 нь дотоодоосоо, 12 нь гадаадаас орж иржээ. БНСУ-д шинээр бүртгэгдсэн тохиолдол 43, 1 нас баралт бүртгэгдсэн ба 31 дотоодын халдвар байна. БНХАУ-д өчигдөр 44 шинэ тохиолдол бүртгэгдсэний 33 хүн дотооодоос илэрсэн ба тэдний 31 нь Бээжин дэх хүнсний захаас улбаатай байна. Тиймээс уг захаар үйлчлүүлсэн 200 мянган хүнд шинжилгээ хийжээ. Оксфордын их сургуулийн судлаачид үе мөчний өвчин, уушигны багтраа зэрэгт хэрэглэдэг гормоны эмчилгээ болох дексаметазоныг хэрэглэхэд нас баралтыг бууруулж байна гэв. Дексаметазоныг хэрэглэсэн 2000 өвчтөн ба хэрэглээгүй 4000 өвчтөний биеийн байдлыг харьцуулахад нь амьсгалын аппараттай, биеийн байдал маш хүнд өвчтөний нас барах эрсдэл 40-28 хувь болгож бууруулсан бол хүчилтөрөгч шаардлагатай өвчтөний нас барах эрсдэлийг 25-20 хувь болгож бууруулжээ. Өөрөөр хэлбэл амьсгалын аппараттай 8 өвчтөний нэгийг аврах боломжтой бол хүчилтөрөгчийн хангамж шаардлагатай 25 хүн тус бүрийн нэгийг аврах боломжтой гэв. Цар тахал анх дэгдэж эхэлсэн цагаас энэхүү эмийг хэрэглэж байсан бол зөвхөн Их Британи улсад гэхэд 5000 гаруй хүний амийг аврах боломжтой байсан байна гэж судлаачид дүгнэжээ” гэв
Х.ЕСҮ