ЭМЯ-ны хэлтсийн дарга Д.Нарангэрэл:
Дөрвөн хоногийн дотор дэлхий дахинаа 1 сая хүн коронавирусын халвдар авч байна. Энэ нь вирэс маш олон орон нутаг дэвсгэрийг дамжин халдварлаж байгаагийн нотолгоо болж байна. Одоогоор 7,7 сая хүн эдгэрч, 4,8 сяа хүн эмчлэгдэж байна. 24 цагийн дотор 186000 хүн шинээр коронавирусын халдвар авч 3000 гаруй хүн эндсэн байна.
АНУ-д 24 цагийн дотор 54000 хүн шинээр халдвар авч, 33 мужид өвчлөл эрс нэмэгдсэн байна. Иймээс өвчлөл ихтэй 33 мужид өвчлөл багатай зарим муж хэсгээс коронавирусын эсрэг хамгийн үр дүнтэй гэж хэрэглэгдэж байгаа эмийг татан авч түгээх арга хэмжээ авч байгаа юм байна. Мөн эмнэлгийн орнуудын ачаалал эрс нэмэгдсэн хандлагатай байна. Үүнтэй холбоотойгоор ард иргэдийг амны хаалт зүүхийг нутгийн захиргааны эрх баригчид уриалж байгаа юм байна.
Австралид улирлын томуутай зэрэгцэн коронавирусын халдвар нэмэгдэж байгаа. 2020 2021 оны улирлын томуу бол коронавирусын халдвартай давхцах магадлал өндөр байгаа учир хүн болгон дархлаагаа сэргээж, айл өрх албан газар бүх хүмүүс бэлэн байдлаа хангах шаардлагатай байна. Тус улсад өвчлөл нэмэгдэж байгаа олон мужид хөл хорио тавигдаж байгаа ч гэсэн Австралийн Квийслэнд мужид 120 хүнийг хамарсан улирлын томуугийн вакцинаас гадна коронавирусын вакцины эмнэл зүйн туршилтуудыг хийж эхэлсэн байна. Энэ вакцин үр дүнтэй болох юм бол 2021 оны эхээр худалдаанд гаргана гэж мэдээлсэн байна.
Дэлхийн 10 гаруй орон хүнсний үйлдвэр, үйлдвэр худалдаатай холбоотойгоор улирлын томуугаас гадна халдвар дамжин тархаж байна гэдгийг эрдэмтэн судлаачид тогтоосон. Томоохон хотуудад дахин хатуу хөл хорионы дэглэмийг тогтоож эхэлсэн байна.
ОХУ-д 24 цагийн дотор 6615 хүн шинээр өвчилж, 1310 хүн эндсэн байна. Манай олон аймагтай хил залгадаг Буриад, Тува, Читад өвчлөл 37-44 хүнээр нэмэгдсэн сүүлийн сар гарны хугацаатай харьцуулвал ялимгүй буурах хандлага ажиглагдаж байна. Гэхдээ Эрхүү хотод 209 хүн шинээр өвчилж нийт өвчлөлийн тоо 10000 болж өвчлөлийн хурд тасралтгүй нэмэгдэж байна.
Манай орны хувьд ажиглалтад 70 хүн шинээр орж, 295 хүн ажиглалтаас гарч гэрийн тусгаарлалтанд шилжээд одоо ажиглалтад 2774 хүн байна. Үүнд бол 1-5 насны 163 хүүхэд, 103 жирэмсэн эх, 228 архаг хууч өвчтэй хүмүүс байна. Эдгээрт 44 их эмч, 72 ресидэнт эмч тусламж үйлчилгээ үзүүлж байна.
Цэргийн төв эмнэлэгт үүргийн онгоцоор ирсэн 73 хүн байгаагаас эрчимт эмчилгээний тасагт 6 хүн хэвтэн эмчлэгдэж байгаа ба эдгээрт 14 их эмч, 42 сувилагч асрагч эмнэлгийн тусламж үйлчилгээ үзүүлж байна. 24 цагийн хугацаанд 119 тоот дугаарт 112 дуудлага ирж халдварын шинж тэмдгийн талаар зөвлөмж, зөвөлгөө авсан байна.
Х.ЕСҮ