Болгарын Софи хотноо болох “Токио-2020” олимпийн наадмын эрх олгох дэлхийн аварга шалгаруулах тэмцээнд оролцохоор шигшээ багийн 5 бөх, 3 дасгалжуулагч Казахстан улсад бэлтгэл сургуулилтаа хийж байгаа талаар Монголын чөлөөт бөхийн холбооноос мэдээллээ.
Монголын багийн бүрэлдэхүүнд үндэсний шигшээ багийн ахлах дасгалжуулагч Б.Баттулга, шигшээ багийн эрэгтэй багийн дасгалжуулагч А.Цэдэнсодном, эмэгтэй багийн дасгалжуулагч Ө.Ууганбаяр тэргүүтэй гавьяат тамирчин Э.Бэхбаяр /57 кг/, Олон улсын хэмжээний мастер Б.Бямбадорж /74 кг/, гавьяат тамирчин П.Өнөрбат /86 кг/, ОУХМ Ч.Алтангэрэл /97 кг/, ОУХМ Х.Болортуяа /эмэгтэй 62 кг/ нар байгаа аж.