Сүхбаатар дүүрэг үүсэн байгуулагдсаны 50 жилийн ойн хүрээнд “Иргэдийн өдөрлөг” өнөөдөр Их эзэн Чингис хааны нэрэмжит талбайд болж байна.
Өдөрлөгийн үеэр Сүхбаатар дүүргийн ИТХ, Засаг даргын Тамгын газар, дэргэдэх хэлтэс, албад, байгууллага аж ахуйн нэгжүүд 50 жилийн хүрээнд хийж хэрэгжүүлж буй ажлаа танилцуулж, иргэддээ чиглэсэн төрөл бүрийн үйлчилгээ үзүүлж байгаа юм.
Тухайлбал:
- Хороодын өрхийн үйлдвэрлэл эрхлэгчдийн үйл ажиллагааг сурталчлах, үзэсгэлэн худалдаа зохион байгуулах
- Дэргэдэх хэлтэс, нэгжүүд үйл ажиллагааны чиглэлийн дагуу иргэдэд ажлаа танилцуулах, жижиг дунд үйлдвэрлэл эрхлэгчдийн бүтээгдэхүүнээр үзэсгэлэн худалдаа гаргах
- Дүүргийн нутаг дэвсгэрт хоол үйлдвэрлэлийн чиглэлээр үйл ажиллагаа явуулдаг аж ахуй нэгжүүд нийтийн хоолны худалдаа гаргах
- Дүүргийн 50 жилийн ойн арга хэмжээний хүрээнд иргэдийн төлөөлөлд хүндэтгэл үзүүлэх, зэрэг үйл ажиллагаа болох юм.
Мөн цэрэг иргэний хамгаалалтын чиглэлээр үзүүлэх тоглолт, үлээвэр найрал хөгжмийн тоглолт, жагсаалын үзүүлэх тоглолт, зэвсэггүй тулалдах мэх, гардан тулалдааны үзүүлбэр үзүүлэх, сургуулилттай нохойн үзүүлбэр үзүүлэх зэрэг олон сонирхолтой үйл ажиллагааг зохион байгуулж байна.