Чингэсийн одонт физикч Х.Намсрайг шагналын даллага авсан хүн гэж тодорхойлж болно. Тэрбээр цагаан сарын өмнөхөн “Өнөөдөр” сонины Морин жилийн алдартануудын нэг болсон билээ. “Энэ бол нэгд миний хөдөлмөр зүтгэл юм. Хоёрдугаарт миний аз юм. Хүмүүс шинжлэх ухааныг үнэлж, намайг алдаршуулж байгаад баяртай байдаг” гэж тэрбээр хэлсэн юм.“Монголын физикчид дэлхийн түвшинд хүлээн зөвшөөрөгдөх ирээдүй байна. Залуучууд шинжлэх ухаанд, оюуны бүтээлдхошуурч ажиллаж байгаа.Энэ бол зүй тогтол гэж би хувьдаа үзэж байгаа” хэмээн энэ эрхэм хэлсэн юм.Х.Намсрай гуайЦагаан сараар зочид ихтэй байдаг. “Манай залуус, ах дүү нар, үр хүүхэд ирдэг” гэлээ. Шинийн нэгний өглөө тэрбээр “Нарандаа мөргөдөг” гэсэн юм. МөнУлаанбаатарынхаа байгалийн үзэсгэлэнт газраар, уул хадаар аялж шинэлдэг аж. Сонирхуулахад алдартай физикчийн гэргий нь мөн физик, математикийн багш мэргэжилтэй агаад том охин нь аавынхаа мэргэжлийг өвлөжээ.