Өнгөрсөн амралтын өдрүүдэд буюу энэ сарын 17-18-ны өдрүүдэд Тээврийн цагдаагийн албанд зам тээврийн ослын шинжтэй 301 дуудлага иржээ. Бүртгэгдсэн зам тээврийн ослын улмаас зургаан хүн гэмтэж бэртсэний дөрөв нь хүүхэд байжээ. Ноцтой зам тээврийн ослын улмаас нэг хүний амь нас хохирсон байна.
Нийт хүн бэртсэн ослыг хэлбэрээр нь авч үзвэл,
- Явган зорчигч мөргөх хэлбэрээр-3
- Чаргатай гулгаж байгаад автомашинд мөргүүлсэн тус бүр гурван тохиолдол бүртгэгдсэн байна.
Нийслэлийн онцгой комиссоос өнөөдрөөс эхлэн цаны бааз, иргэдийг агаарлах боломжийг нээж өгч байгаа. Үүнтэй холбоотойгоор иргэд агаарт гарах, ууланд гулгахдаа хүүхдүүдээ чаргатай нь машинаар чирэх тохиолдол гарч байгаа нь гэмтэж, бэртэх эрсдэлтэй тул ийм үйлдэл гаргахгүй байхыг иргэдэд анхааруулж байна.