Монголын үндэсний олимпын хорооны ээлжит хуралдаан өнөөдөр болж, 92 хувийн саналаар Б.Баттүшиг Ерөнхийлөгчөөр сонгогдсон.
Түүнчлэн
- 29 хувийн саналаар МҮОХ-ны Ерөнхийлөгчийн үүрэг гүйцэтгэгч Дэд ерөнхийлөгчөөр ажиллаж байсан Ч.Наранбаатар Тэргүүн дэд ерөнхийлөгчөөр,
- 27 хувийн саналаар Монголын каноэгийн холбооны Ерөнхийлөгч О.Одбаяр МҮОХ-ны Дэд ерөнхийлөгчөөр сонгогдлоо.
Гүйцэтгэх зөвлөлд 11 гишүүнийг сонгохоор санал хураалт үргэлжилж буй юм.
Ч.Наранбаатарын намтар
Боловсрол:
– Нийслэлийн 5-р дунд сургууль
– Монгол улсын багшийн их сургууль
– Германы Залуучуудын дээд курс дүүргэсэн /БНАГУ/
– 1975 онд Хөнгөн атлетикийн өндрийн харайлтын төрлөөр Монгол улсын спортын мастер
– 1997 онд Боловсрол судлалын магистрын зэрэг
– 2012 онд Сурган хүмүүжүүлэх ухааны доктор /Ph.D/ цол
Ажилласан байдал:
– Монголын мастеруудын биеийн тамир, спортын хорооны Ерөнхийлөгч
– 2002-2005 онуудад Нийслэлийн Биеийн тамир, спортын хорооны дарга
– 2005-2012 онуудад Засгийн газрын хэрэгжүүлэгч агентлаг Биеийн тамир, спортын газрын даргаар тус тус ажилласан.
Гавьяа шагнал:
– 1984 онд Монгол улсын Засгийн газрын жуух бичиг
– 2000 онд Хөдөлмөрийн гавьяаны улаан тугийн одон
– 2003 онд Монгол улсын Биеийн тамир, спортын тэргүүний ажилтан
– 2005 онд Монгол улсын Эрүүлийг хамгаалахын тэргүүний ажилтан
– 2008 онд Монгол улсын гавьяат дасгалжуулагч