Хөгжлийн банкны захирал байхдаа зээл олгосон захирлууд болох зургаан хүнийг цагдан хорих санал прокуророос Баянзүрх, Чингэлтэй, Сүхбаатар дүүргийн шүүхэд өчигдөр орой ирсэн. Үүний дагуу өнөөдөр тус шүүх дээр нэр бүхий зургаан хүнийг цагдан хорих эсэх шүүх хурал боллоо.
Хөгжлийн банкны дэд захирал асан Ч.Мөнхбаяр, 2016-2019 онд гүйцэтгэх захирлаар ажиллаж байсан Б.Батбаяр нарыг нэг сарын хугацаагаар цагдан хорих, Монгол Улсын Хөгжлийн банкны гүйцэтгэх захирлын ажлын албаны дарга асан Д.Дэлгэрсайханыг цагдан хорих үндэслэл тогтоогдоогүй гэж үзлээ.
Түүнчлэн Хөгжлийн банкны ТУЗ-ийн даргаар ажиллаж байсан Б.Шинэбаатар, Хөгжлийн банкны тэргүүн дэд захирал Ч.Энхбат нарыг нэг сарын хугацаатай цагдан хорих шийтгэл оногдуулав.
Мөн 2013-2016 оны хооронд Хөгжлийн банкны гүйцэтгэх захирал байсан Н.Мөнхбат болон Ц.Баатарбилэг нарын өмгөөлөгчийн шүүгчээс татгалзах хүсэлтийг шийдвэрлэх хүртэл шүүх хурлыг хойшлуулав.