Ч.Бадрал дэлхийн аваргын хошой мөнгөн медальт дуучин болов

ОХУ-ын Ардын жүжигчин, дэлхийн дуурийн дуучдын манлай Елена Образцовагийн нэрэмжит Дуурийн залуу дуучдын олон улсын X уралдаан ОХУ-ын Санктпетербург хотноо боллоо. Уг уралдаанд дэлхийн 19 орны 223 мэргэжлийн дуурийн дуучин авьяас билгээ сорьжээ. Энэ тэмцээнд анх удаа монгол дуучин, тодруулж хэлбэл Цэргийн дуу бүжгийн эрдмийн чуулгын дуучин Ч.Бадрал оролцож, II байр эзэлжээ.