“Яруу эгшиг” хамтлаг монголын хүүхдүүдэд ардын дуу, үндэсний язгуур урлагаа түгээж монгол бахархалаа бий болгох 2010 онд байгуулагдсан аж. Хамтлагын гишүүд 7-10 насны 6 гишүүнтэй юм байна. хүүхдүүдийг өв тэгш хүмүүжүүлж, хөдөлмөрч, эх оронч, өв соёлоороо бахархах сэтгэлтэй бүтээлч иргэн төлөвшүүлэх чиглэсэн аж. “Яруу эгшиг” хүүхдийн язгуур урлагийн хамтлаг одоогоор 33 бүтээлтэй бөгөөд тэмцээн уралдаанд байнга оролцож олон шагнал урамшуулал авчээ. Тус хамтлагынхан төвдугаар сарын 24-ний 14:00, 16:00 цагт, Улаанбаатар чуулгын концертын танхимд анхны бие даасан тоглолтоо хийхээр төлөвлөжээ.
Category: соёл-урлаг
Өнөөдөр “Мишээл экспо” худалдааны төвд “Камертон” хамтлагийнхан “Camerton Best hits Unplugged” тоглолтоо хийх гэж байна. Тоглолт оройн 19.00 цагаас эхлэх бөгөөд ганцхан удаа болох юм. Тасалбарын үнэ нь 50 мянган төгрөг аж. Тэд энэ удаагийн тоглолтдоо сонсогчдын хүртээл болж байсан дуунуудаа амьд хөгжимтэй дуулахаас гадна, тус тусын бие даасан уран бүтээлүүдээсээ толилуулах гэнэ.
Э.Эрдэнэ
Дэлхийд алдартай одой циркчид Монголын циркэд ирж тоглохоор болжээ. Тэднийг Монголын үндэсний циркийнхэн урьсан бөгөөд 20 жилийн өмнө Монголын үзэгчидтэй уулзаж байжээ. Энэ удаа тэд 35 хүний бүрэлдэхүүнтэй баг буюу баавгай, нохой, хонь, ямаа гээд 20 гаруй төрлийн амьтадтайгаа ирэх юм байна. “Бяцхан оддын гайхамшиг” хэмээх энэхүү тоглолтын тасалбарын үнэ 10-25 мянган төгрөгийн үнэтэй байх бөгөөд энэ сарын 25-наас зургадугаар сарын 2-ныг хүртэл үргэлжлэх юм байна.
1400 жилийн өмнө Монгол баатруудын
тоглож байсан “Алтай ятга” хөгжмийг эх олдворт судалгаа хийж дахин сэргээн
бүтээжээ. Алтай ятгыг сэргээснээр монголчууд бид нэгэн шинэ төрлийн хөгжимтэй
болж байгаа бөгөөд дэлхийн хөгжмийн түүхэнд нэн ховор хөгжмийн зэмсэг болж
байгаа юм. Алтай ятга нь 1400 жилийн өмнөх дайчин баатрын хадны булшнаас олджээ.
Бүхэл бүтэн мянга гаруй жил хадгалагдсан уг зэмсэгийн цар нь хоёр мм нимгэн,
тээг нь салаагүй байдалтай олдсон бөгөөд тухайн үед хөгжим урлах өндөр
технологитой байсныг илтгэнэ.
Уг хөгжмийг дахин сэргээж Монголын
язгуур өв соёлоо дэлхий дахин таниулах, соёлын брэнд бүтээгдэхүүн болгож хөгжүүлэх
зорилготой ажлыг Монгол угсаатны хөгжмийн товчооны хамт олон эхлүүлээд байна.
Энэ ажлын эхлэл болгож Алтай ятгыг монгол түмэндээ танилцуулж эгшиг аялгууг нь
сонсгох, дэлхий дахинд зарлах “АЛТАЙ ЯТГЫГ ДУУРЬСГАХ ИХ ЁСЛОЛ”-ыг “Монгол
бахархалын төлөө нэгдэцгээе” уриатайгаар 2014 оны энэ сарын 16-нд АСА циркэнд
зохион байгуулахаар болжээ. Ёслолын ажиллагааны уран сайхны удирдаачаар
Д.Ганпүрэв, зөвлөхөөр Төрийн хошой шагналт, хөгжмийн зохиолч Н.Жанцанноров,
найруулагчаар Натур даанс продакшний найруулагч Д.Энхбаяр, хөгжмийн
найруулагчаар Бро’с рекордсын продюсер М.Болд /Томоо/, нэрт ятгачин Ч.Мөнх-
Эрдэнэ, Бөртэ хамтлаг, Алтай хамтлаг, АСА Циркийн жүжигчид, БЦЭДБЧ-ын найрал
хөгжим, найрал дуучид зэрэг 100 орчим уран бүтээлчтэй баг бүрэлдэхүүн ажиллаж
байгаа гэнэ.
Уг ёслолын ажиллагааны тасалбарын орлого нь
цаашид Алтай ятгыг хөгжүүлж, түгээн дэлгэрүүлэх, дэлхий дахинд брэнд болгох
“Алтай ятга” төсөлд зориулагдах ажээ.
Идэвхжүүлэгч
уран илтгэгч, домогт арилжаачин, Уолл стритийн хөрөнгийн оператор байсан Жордан
Бэлфорт нь 1962 онд АНУ-д төрсөн бөгөөд анх сургуулиа төгсөөд үнэт цаасны
арилжааны салбарт мэргэжлийн гараагаа эхлүүлж байжээ. Тэрээр хөрөнгийн зах
зээлд олон жил ажилласан ба алдаж онож явсан арвин туршлагатай нэгэн юм.
Жордан
Бэлфорт сүүлийн хориод жилийн турш АНУ, Австрали, Африк, Англи гэх мэтийн дэлхийн маш олон орнуудын бүх
төрлийн мянга мянган бизнесүүдэд өөрийн туршлагаасаа хуваалцаж хамтран ажиллаж
өндөр үр дүнд хүрчээ. Харин тэгвэл энэ удаа тэрээр Монголын гадаадын томоохон
хөрөнгө оруулагчдын нэг болох ноён Жеимс Пассин болон СиБиЭм ХХК-ийн урилгаар
Монголд хүрэлцэн ирэхээр болсон байна. 2014 оны зургадугаар сарын 6-нд Blue Sky
Hotel-д Монголын бизнес эрхлэгчид, улс төрчид болон холбогдох хүмүүстэй дараах
сэдвүүдээр нэгэн оройн турш ярилцах юм байна. Тэрээр өөрийнхөө амьдарлын талаар
Wolf of Wall Street гэдэг ном бичиж байсан ба мөн ийм нэртэй кино 2013 онд
Холливудад хийгдсэн байна. Уг кинонд Жордан Бэлфортын дүрийг нэрт жүжигчин
Леонардо Ди Каприо чадварлагаар бүтээсэн байдаг.
Categories
Алтайн ятгыг дуурьсгах ёслол болно
Монгол нутгаас олсон нэн эртний Алтайн ятгыг дуурьсгах их
ёслолыг хийхээр болжээ. 2008 онд Ховд
аймгийн Манхан сумаас VII зууны Түрэгийн үед нүүдэлчдийн хэрэглэж байсан ятга хөгжмийг археологчид илрүүлсэн байдаг.
Энэ нь Монгол Улсад
төдийгүй дэлхийн
хэмжээнд нэн эртний цорын ганц ятгын олдвор болохыг
Герман Улсын Бонны Их Сургуулийн доктор Жан Бэрман онцолсон удаатай. Тэгвэл Алтайн ятгыг өнөөдөр хэрэглээний түвшинд тоглох
боломжтой болжээ. Нэрт ятгачин Ч.Мөнх-Эрдэнэ 2013 оноос Алтайн ятгын хөг хөглөгөө,
тоглох арга барилыг судалгааг явуулж, нэлээд үр дүнд хүрсэн байна. Үүний үндсэн
дээр эл хөгжмийн аялгуу эгшгийг олон нийтэд анх удаа танилцуулж сонсгох “Алтайн
ятгыг дуурьсгах их ёслол”-ыг энэ сарын 16-нд АСА циркт зохион байгуулахаар
болжээ. Ёслолын ажиллагаанд удирдаач Д.Ганпүрэв, Төрийн хошой шагналт, хөгжмийн
зохиолч Н.Жанцанноров, нэрт ятгачин Ч.Мөнх-Эрдэнэ, Бөртэ хамтлаг, Бүх цэргийн
эрдмийн дуу бүжгийн чуулгын найрал хөгжим, Хилийн цэргийн дуу бүжгийн чуулгын
найрал дуучид тэргүүтэй 100 гаруй уран бүтээлчид оролцох аж.
Э.Номин
Токио хотын Нэрима дүүргийн Хикаригаока цэцэрлэгт
хүрээлэнд 5 дугаар сарын 4-5-ны өдрүүдэд “Хаврын баяр- 2014” наадам болов. 14 дэх жилдээ болж байгаа
энэхүү наадмыг Япон дахь Монгол оюутны холбоо /ЯМОХ/ зохион байгуулж, Монгол
улсын Элчин сайдын яам, Нэрима дүүргийн захиргаа, Монгол Улстай найрамдал,
соёлоор хамтран ажилладаг Японы олон нийтийн байгууллагууд, хувь хүмүүс дэмжлэг
үзүүлжээ.
Наадмын талбайд монгол гэр, майхан, асар алаглаж, монгол,
япон олон мянган хүн цугласан байв. Монгол дээл, малгайгаар гангарсан япон
морин хуурчдын Тэнма /”Тэнгэрийн хүлэг”/
хамтлаг Н.Жанцанноровын алдарт “Монгол аялгуу”-г эгшиглүүлснээр “Хаврын
баяр-2014” эхлэв. Наадмыг нээж ЯМОХ-ны дарга Ж.Цэрэнчимид үг хэлж, Элчин сайд
С.Хүрэлбаатар, Нэрима дүүргийн Гадаад харилцааны албаны дарга Х.Озаки нар
мэндчилгээ дэвшүүлэв.
Наадмын нээлтийн тоглолтод Японы уртын дуучин М.Ито
“Урьхан хонгор салхи”, хөөмэйч К.Мураками
монгол хөөмэйн олон хувилбарыг
чадварлаг танилцуулсан бол морин хуурч А.Бат-Эрдэнэ, хуурч, хөөмэйч А.Долгион,
Ё.Мияахара, ятгач Ч.Мягмарсүрэн, дуучин О.Солонго, бүжигчин З.Бүжин,
Х.Оюунчимэг, Д.Батчимэг нар монгол дуу, бүжгийн гайхамшгийг харуулж, япон
бөмбөрчид ч ур чадвараа гайхуулав. Япон, монгол залуус үндэсний хувцасны
загварын шоу үзүүлэв. Мөн өдрийн орой нь поп дуучин С.Бархас, Моханик, Шанз 3
хамтлагийн тоглолт наадамчин олны сэтгэлийг байлдан дагуулав.
Наадмын талбайд барьсан гэр, асруудад Монгол орны түүх,
соёл, эдийн засаг, нийгмийн ололтуудыг сурталчилсан самбар, гэрэл зураг, уран
зургуудыг монгол оюутнууд тайлбарлаж байв. Мөн монгол дээл, япон кимоно өмсөн
зураг авахуулах, шагай шүүрэх, морь уралдуулах гэх зэрэг монгол наадгай
тоглуулж байв.
Монгол бичгийн
уран татлага, монгол зан заншлын булан олны сонирхлыг татаж байв. Монголтой
хамтран ажилладаг 20 гаруй нийгэмлэг, компани сурталчилгааны булан ажиллуулсны
дотор монгол чацарганы ундаа, бэлэг дурсгалын зүйлсийн борлуулалт сайн явагдав.
Монгол, япон хоолны 10 гаруй асар үйлчилж байв.
Наадмын оргил арга хэмжээ нь яах аргагүй монгол бөхийн
барилдаан байв. Монгол, Өвөр Монголын 32 залуу бөх шатарчлан барилдаж, Монгол
улсын бөх Дамба түрүүлж, Өвөр Монгол бөх Жарандолоо үзүүрлэв. Сүмо бөхийн аварга
Хакүхо,Какүрюү тэргүүтэй бөхчүүд монгол бөхийн барилдаан үзэж, наадамчдад
мэндчилгээ дэвшүүлэв.
Наадмын үеэр монгол, япон хүүхдүүдийн дунд “Миний нүдээр
харсан Япон, Монгол орон” сэдэвт зургийн уралдаан явагдаж, 20 гаруй бүтээл
оролцов. Мөн насанд хүрэгчдийн дунд дээрх сэдвээр явагдсан гэрэл зургийн
уралдаанд 10 гаруй бүтээл шалгарав.
“Хаврын баяр-2014” арга хэмжээний хүрээнд Монголын боловсрол, эдийн засаг, нийгмийн хөгжлийн
асуудлаарх “Монгол коллеж” семинар зохион байгуулагдаж, Япон улсаас Монгол
улсад сууж байсан Элчин сайд М.Ханада,
Хитоцүбаши их сургуулийн профессор, монголч эрдэмтэй К.Танака, тус сургуулийн
багш М.Ариунтуяа, Аояама их сургуулийн
багш Н.Ивата, МҮХАҮТ-ийн Япон дахь төлөөлөгч Ө.Өлзий тэргүүтэй эрдэмтэн, эдийн
засагч нар оролцож, илтгэл тавив.
Наадмын талбайд Монголын ЭСЯ-ны Консулын хэлтсийн
ажилтнууд Японы орон нутгаас ирсэн
иргэддээ консулын үйлчилгээ үзүүлж, Монгол улс, Монгол,Японы харилцааны тухай
материал тарааж байв.
“Хаврын баяр -2014” арга хэмжээнд нийт 60 гаруй мянган
хүн хамрагдав.
Амьд хөгжим сонирхогч залуу уран бүтээлчдийн тоо нэмэгдэж байгаа ч тэдэнд дэмжлэг үзүүлэх байгууллага ховор байдаг гэхэд болно. Тэгвэл “Улаанбаатар” чуулга, Монголын “Инди” хөгжмийн холбоотой хамтран залуу уран бүтээлчдийг дэмжин ажиллаж, цуврал тоглолт зохион байгуулахаар болжээ. Түүнчлэн Монголын орчин үеийн амьд хөгжмийн холбоо нээгдсэнийг өнөөдөр албан ёсоор танилцуулав. Тус холбоог “Нисванис” хамтлагийн ахлагч Л.Энх-Амгалан санаачлан байгуулжээ.
Залуу уран бүтээлчдийн цуврал тоглолтыг “UB night” хамтлагийн “Cover” тоглолтоор эхлүүлж байгаагаа тэд өнөөдөр зохион байгуулсан хэвлэлийн бага хурлын үеэр онцлов.Тэдний тоглолт тавдугаар сарын 9-нд 19.00 цагаас ердөө ганцхан удаа тоглогдох нь ээ. Уг тоглолтын үеэр нийт 26 дууг дуулах бөгөөд дэлхийд алдартай хамтлаг, дуучдын бүтээлүүдээс гадна монгол дуучдын дуунуудаас хөгжим сонирхогч залууст хүргэх ажээ.
Өнөөдөр болсон хэвлэлийн бага хуралд “Улаанбаатар” чуулгын дарга Р.Мөнхсайхан, “Инди” хөгжмийн холбооны тэргүүн Л.Энх-Амгалан болон “UB night” хамтлагийн ахлагч Г.Даваасүрэн нар оролцсон юм.
Азийн нэгдсэн хэл бичгийн хүрээлэнгээс “Азийн уран бичигтэн”-г гурван жилд нэг удаа, гурван насны ангилалаар зохион байгуулдаг.
Энэ жил 70 гаруй орноос бүтээл ирсэн бөгөөд манай улсаас дунд насны ангилалд оролцсон “Ирмүүн” сургуулийн сурагч Б.Саруул-Од тэргүүн байранд орсон байна. Тэрээр энэ жил аравдугаар ангийн сурагч бөгөөд тэргүүн байранд орсоноор Азийн нэгдсэн хэл бичгийн хүрээлэнгээс хүссэн сургуульдаа элсэх эрхийн бичгээр шагнагдсан байна.
АНУ-ын Оакланд хотын “Гэр” Хүүхдийн төвийн дэргэдэх “Би монгол” сургуулийн 5 жилийн ойн баяр 2014 оны 5 дугаар сарын 4-нд боллоо. Энэхүү арга хэмжээнд Монгол Улсаас АНУ-ын Сан Франциско хотод суугаа Ерөнхий консулын газар, Калифорни мужийн Бэй Аэриагийн монголчуудын холбоод, бизнесийн байгууллагууд, эцэг эхчүүд, америк иргэд уригдан оролцож тус сургуулийн авъяаслаг сурагчдын толилуулсан хүндэтгэлийн концертыг үзэж сонирхов.
Энэ үеэр “Гэр” Хүүхдийн төвийн удирдлага “Би монгол” сургуулийн үйл ажиллагаанд хувь нэмэр оруулсан байгууллагууд, хүмүүсийг хүндэт өргөмжлөлөөр урамшууллаа. Ерөнхий консул Н.Анхбаяр баяр хүргэж хэлсэн үгэндээ гадаадад суугаа монгол хүүхэд багачуудад төрөлх хэл, соёлыг нь өвлүүлэн уламжлуулахад “Би монгол” сургуулийн хамт олны олсон амжилт, хичээл зүтгэлийг сайшаан тэмдэглээд, тэдний энэхүү сайхан үйлсийг цаашид ч дэмжиж хамтран ажиллахаа илэрхийлэв.
Мөн тэрээр “Гэр” Хүүхдийн төвийн Тэргүүн Т.Эс-Олдоход Боловсрол, шинжлэх ухааны яамнаас түүний хөдөлмөр бүтээлийг үнэлж олгосон “Боловсролын тэргүүний ажилтан“ цол тэмдгийг гардуулав.
Г.Ган