УИХ-ын дарга З.Энхболд чигдөр БНХАУ-ын БХАТИХ-ын Байнгын хорооны дарга Жан Дөзянтай уулзалт хийв. УИХ-ын дарга З.Энхболд Бүх Хятадын Ардын Төлөөлөгчдийн Их Хурлын Байнгын хорооны дарга Жан Дөзянд хандан хэлсэн үгэндээ, “Монгол Улсын Их Хурал, БНХАУ-ын Бүх Хятадын Ардын Төлөөлөгчдийн Их Хурлын Байнгын хороо хооронд хамтын ажиллагааны байнгын механизм байгуулах тухай харилцан ойлголцлын санамж бичиг”-т гарын үсэг зурж буй нь парламент хоорондын харилцаанд чухал үйл явдал. Сүүлийн жилүүдэд Монгол, Хятадын харилцаа бүх салбарт өргөжин хөгжиж, улс төрийн итгэлцэл гүнзгийрч буйд талархаж байна. БНХАУ-тай сайн хөршийн найрсаг харилцаа, хамтын ажиллагааг урт хугацаанд тогтвортой хөгжүүлэх нь Монгол Улсын гадаад бодлогын тэргүүлэх чиглэлд байдаг. 2014 оны хувьд, хоёр улсын төрийн тэргүүн нар олон улс, бүс нутгийн уулзалтын үеэр тогтмол уулзалт хийж буй нь хоёр улсын хамтын ажиллагааг өргөжүүлэн хөгжүүлэхэд чухал түлхэц болж байна. Монголын талаас дэвшүүлсэн хоёр улсын парламентын хооронд байнгын уулзалтын механизм байгуулах тухай саналыг хятадын тал хүлээн авч, энэ удаагийн айлчлалын үеэр “санамж бичиг”-т гарын үсэг зурах саналыг хүлээн авсан БНХАУ-ын БХАТИХ-ын Байнгын хороонд талархал илэрхийлье гэлээ.
БНХАУ-ын Бүх Хятадын Ардын Төлөөлөгчдийн Их Хурлын Байнгын хорооны дарга Жан Дөзян уулзалтын үеэр хэлсэн үгэндээ, Хятад, Монгол хоёр улсын харилцан айлчлал тогтмолжиж байна. Хятад, Монголын Эдийн засаг бол харилцан биенээ нөхдөг, хамтын ажиллагааны боломж ихтэй. Хятад, Монгол улсууд 2020 он гэхэд хоёр талын худалдааг 10 тэрбум ам.долларт хүргэх зорилт тавьсан байна. Хятад Монголын харилцаа бол Хятад улсын гадаад бодлогын тэргүүлэх чиглэлийн нэг мөн. Энэ жилийн наймдугаар сард БНХАУ-ын дарга Си Зиньпиний Монгол Улсад хийсэн албан ёсны айлчлал, есдүгээр сард Хятад, Монгол, Орос гурван улсын төрийн тэргүүн нарын уулзалтууд Хятад, Монголын харилцааг шинэ шатанд гаргах, дэвшил боллоо. Хятадын тал чин сэтгэлтэй, хүртээмжтэй байхын зэрэгцээ өөрийн хөгжлийн стратегийн давуу талыг уялдуулан, Монгол Улсын хөгжлийг дэмжин ажиллахад бэлэн байна. Хятадын талаас дэвшүүлсэн “Торгоны замын эдийн засгийн бүс” санаачилга болон Монголын талаас дэвшүүлсэн “Талын зам” санаачилгыг хэрхэн уялдуулан хөгжүүлэхийг нухацтай судлаж, Хятад, Монгол, Орос гурван улсыг холбосон эдийн засгийн коридор байгуулах ажлыг судлах хэрэгтэй байна. БНХАУ-ын Бүх Хятадын Ардын Төлөөлөгчдийн Их Хурал болон Монгол Улсын Их Хурлын хоорондын хамтын ажиллагааг чухалчлан үзэж, бид түүхийн шинэ боломжийг ашиглан, хоёр улсын харилцааг шинэ шатанд гаргах ёстой хэмээн мэдэгдлээ. Энэхүү уулзалтын дараа УИХ-ын дарга З.Энхболд, БНХАУ-ын Бүх Хятадын Ардын Төлөөлөгчдийн Их Хурлын Байнгын хорооны дарга Жан Дөзян нар “Монгол Улсын Их Хурал, БНХАУ-ын Бүх Хятадын Ардын Төлөөлөгчдийн Их Хурлын Байнгын хороо хооронд хамтын ажиллагааны байнгын механизм байгуулах тухай харилцан ойлголцлын санамж бичиг”-т гарын үсэг зурлаа.
БНХАУ-ын Бүх Хятадын Ардын Төлөөлөгчдийн Их Хурлын /БХАТИХ/ Байнгын хорооны даргын урилгаар тус улсад албан ёсны айлчлал хийж буй Монгол Улсын Их Хурлын дарга З.Энхболд өчигдөр үдээс хойш БНХАУ-ын дарга Си Зиньпинд бараалхав. 
Ерөнхий сайдын ахлах зөвлөх Л.Гансүхийг АТГ-аас эрүүгийн хэрэг үүсгэн баривчлаад багагүй хугацаа өнгөрч байна. Цагдан хорих 461-р ангид арав гаруй хоногийн өмнөөс өлсгөлөн зарлаад байгаа Л.Гансүхийн батлан даалтад гаргах эсэхийг өнөөдөр Дүүргийн эрүүгийн хэргийн нэгдүгээр шүүхэд хэлэлцэнэ. Л.Гансүх болон түүнтэй хамт хоригдсон М.Тулга нарын цагдан хорих хугацааг сунгах эсэхийг өчигдөр хэлэлцээд М.Тулга нарыг үргэлжлүүлэн хорихоор шийдвэрлэсэн бол Л.Гансүхийн өмгөөлөгч Улсын дээд шүүхэд хурал давхацсан учраас хойшлуулах хүсэлт гаргажээ. Энэ хүсэлтийг шүүх бүрэлдэхүүн хүлээн авч Л.Гансүхийн цагдан хорих хугацааг сунгах эсэх шүүх хурлыг нэг өдрөөр хойшлуулсан байна. Тиймээс өнөөдөр Дүүргийн эрүүгийн хэргийн нэгдүгээр шүүхэд Л.Гансүхийн асуудлыг тусад нь хэлэлцэхээр болжээ.
2013 онд Баянхонгор, Дундговь, Дорноговь аймгууд болон Замын-Үүдийг нийслэлтэй автозамаар холбосон бол энэ онд Өмнөговь, Сүхбаатар, Хөвсгөл аймгуудын замыг ашиглалтад оруулна. Сүхбаатар аймгийн замын хөдөлгөөнийг нээсэн, Хөвсгөлийн замын хатуу хучилтыг энэ долоо хоногт дуусгана. Харин Дорнодын чиглэлд 90 км автозамын өмнөх гүйцэтгэгч “Насны зам” компанитай хийсэн гэрээг цуцалж, өөр гүйцэтгэгч сонгох болсонтой холбоотойгоор барилгын ажлыг ирэх онд гүйцээхээр хойшлуулсан. Сүүлийн 2 жилийн дотор 2500 км автозам барьсны 1300 нь дээрх 6 аймаг, Замын-Үүдийг нийслэлтэй холбосон автозам, үлдсэн 1200 км нь ирэх жилүүдэд холбогдох бусад аймгийн болон баруун бүсийн босоо тэнхлэгийн автозам юм гэж “Бүтээн байгуулалтын цаг” уулзалтын үеэр Зам, тээвэр, барилга, хот байгуулалтын дэд сайд Х.Ержан хэллээ.
БНХАУ-ын Бээжин хотноо энэ сарын 23-ны өдөр БНХАУ-Монгол Улсын Эрчим хүчний салбарын Анхдугаар зөвлөлдөх уулзалт боллоо.
Өчигдөр Бразилд Ерөнхийлөгчийн сонгуулийн хоёр дахь шатны санал хураалт болж өнгөрлөө. Урьдчилсан дүнгээр өдгөө төрийн тэргүүний албыг хашиж буй Дилма Русеф дахин ялалт байгуулж хоёр дахь удаагаа Бразилийн Ерөнхийлөгчөөр сонгогдсон байна. Тэрээр 51 хувийн санал авсан бол түүний өрсөлдөгч Эсио Невеё 49 хувийн дэмжлэг хүртжээ. Ийнхүү Хөдөлмөрчдийн намаас нэр дэвшсэн Дилма Русеф нь хоёр дахь удаагаа төрийн тэргүүнээр сонгогдлоо.
Эрүүл мэндийн сайд Н.Удвал дэлхий нийтийг түгшээж байгаа Эбола вирусийн халдварт өвчний эсрэг ХӨСҮТ бэлэн байдлаа хангаж ажиллаж байгаа эсэхийг шалгалаа. Тэрээр тус төвийн эмийн нөөц, эмч, ажилчдын тоног төхөөрөмжөө ажиллуулж байгаа байдал, энэхүү халдварын эсрэг хариу арга хэмжээг шуурхай авч, ямар зохион байгуулалтаар ажиллаж байгаа талаар сонирхлоо. Өвчтөн хүлээн авахаас өгсүүлээд эмчлэх, тусгаарлах бүхий л ажиллагаа хэрхэн явагдах талаар ч дэлгэрэнгүй мэдээлэл авч, танилцлаа. Мөн эмч, ажилчид хэрхэн бэлэн байдлыг хангаж ажиллаж байгаа болон хэрэглэгдэх багаж, тоног төхөөрөмж ажиллаж байгаа эсэх, эмийн нөөц, халат, малгай,ариутгалын уусмал хангалтай байгаа эсэхийг мөн газар дээр нь үзэж, танилцлаа
УИХ-ын нэр бүхий гишүүдэд өөрийнх нь дугаараас өөрт нь мессэж ирсэн асуудал өнгөрсөн долоо хоногийг шуугианы нэг байлаа. Мобиком компани Румын, Мальта гэсэн хоёр улсын үүрэн холбооны оператороос Монголын хэрэглэгчдийн дугаарыг ашиглан мессэж явуулсан гэсэн мэдэгдэл хийгээд буй. Ийм мессэж явуулахдаа хориод хэрэглэгчийн дугаарыг ашигласан нь одоогоор тогтоогджээ. Мобикомын мэдээллийн дараахан Тагнуулыг ерөнхий газраас мэдээлэл хийж УИХ-ыг зарим гишүүдийн хүсэлтээр энэ мессежний хэргийг шалгаж эхэлсэн хэмээсэн. Тун удалгүй энэ хэрэгтэй холбогдуудан зарим нэг хүнийг шалгаж эхэлсэн талаарх мэдээлэл цацагдсан. УИХ-ын гишүүн М.Зоригт твиттер хуудсаараа дамжуулан өөрийнх нь туслахыг ТЕГ-аас дуудаж шалгасан талаар жиргэсэн юм. Ийнхүү хэд хэдэн хүнийг шалгасны эцэст ТЕГ-ыхан УИХ-ын гишүүд тойрсон өдөөн хатгалагийн мессежүүдийг Монголын эрх бүхий, нэр нөлөөтэй нэгэн явуулсан болохыг тогтоожээ. Гэхдээ тэр хүний нэрийг яаран мэдээлэхгүй гэж байгаа бололтой. Өөрийнхөө дугаараас мессеж авсан болон хэн нэгнээс дарамталсан өнгө аястай элдэв мессеж авсан УИХ-ын гишүүдийн тоо 44-д хүрсэний 30 нь МАН, 14 нь АН-ын гишүүд байжээ.