Ардчилсан намын Үндэсний зөвлөлдөх хорооны ээлжит бус хуралдаан өнөөдөр 15:00 цагт Төрийн ордонд болно. Хуралдаанаар улс төрийн үүссэн нөхцөл байдалтай холбоотойгоор улс төрийн шийдвэр гаргах асуудлыг хэлэлцэх юм. Шинэчлэлийн Засгийн газар өнгөрсөн лхагва гарагт огцорсны дараа тус намын Гүйцэтгэх зөвлөл яаралтай хуралдаж, Үндэсний зөвлөлдөх хорооны ээлжит бус хурлын товыг зарласан билээ. Хуралдаанаар мөн Засгийн газрынхаа эсрэг кноп дарж, унагаасан гишүүдэд хариуцлага тооцох гэх зэрэг асуудлыг хэлэлцэх юм.
Category: улс-төр
УИХ-ын чуулганы нэгдсэн хуралдаан өнөөдөр 10.00 цагаас эхэлнэ. Чуулганаар дараахь асуудлыг хэлэлцэнэ.
1.Төрөөс мөнгөний бодлогын талаар 2015 онд баримтлах үндсэн чиглэл батлах тухай Улсын Их Хурлын тогтоолын төсөл /Засгийн газар 2014.09.30-ны өдөр өргөн мэдүүлсэн, анхны хэлэлцүүлэг/;
2.Үндсэн хуулийн цэцийн 2014 оны 10 дугаар сарын 22-ны өдрийн 06 дугаар дүгнэлтийг хүлээн зөвшөөрөх эсэх асуудал;
-Үндсэн хуулийн цэцийн 2014 оны 06 дугаар дүгнэлтийг Үндсэн хуулийн цэцийн гишүүн Д.ГАНЗОРИГтанилцуулна;
-Хууль зүйн байнгын хорооны санал, дүгнэлтийг Улсын Их Хурлын гишүүн Н.НОМТОЙБАЯР танилцуулна.
3.Олон талын хөрөнгө оруулалтыг баталгаажуулах байгууллагын Конвенцид орсон нэмэлт, өөрчлөлтийг соёрхон батлах тухай хуулийн төсөл /Засгийн газар 2014.10.22-ны өдөр өргөн мэдүүлсэн, соёрхон батлах/;
-Хууль санаачлагчийн илтгэлийг Засгийн газрын гишүүн, Гадаад харилцаа, эдийн засгийн хамтын ажиллагааны сайдын үүргийг гүйцэтгэгч Ч.САЙХАНБИЛЭГ танилцуулна;
-Аюулгүй байдал, гадаад бодлогын байнгын хорооны санал, дүгнэлтийг Улсын Их Хурлын гишүүнМ.БАТЧИМЭГ танилцуулна.
4.Хүүхэд харах үйлчилгээний тухай хуулийн төсөл /Монгол Улсын Ерөнхийлөгч 2014.10.31-ний өдөр өргөн мэдүүлсэн, хэлэлцэх эсэх/;
-Хууль санаачлагчийн илтгэлийг Монгол Улсын Ерөнхийлөгчийн Хүний хөгжил, нийгмийн бодлогын зөвлөхР.БОЛД танилцуулна;
-Нийгмийн бодлого, боловсрол, соёл, шинжлэх ухааны байнгын хорооны санал, дүгнэлтийг Улсын Их Хурлын гишүүн З.БАЯНСЭЛЭНГЭ танилцуулна.
14.00 цагаас:
Төрөөс мөнгөний бодлогын талаар 2015 онд баримтлах үндсэн чиглэл батлах тухай Улсын Их Хурлын тогтоолын төсөл Улсын Их Хурлын тогтоолын төсөл /Засгийн газар 2014.09.30-ны өдөр өргөн мэдүүлсэн, эцсийн хэлэлцүүлэг/.
Ерөнхий сайдыг огцруулах асуудлыг дэмжиж, намын даргынхаа эсрэг санал өгсөн гишүүддээ хариуцлага тооцох асуудлаар тус намын Хяналтын ерөнхий хороо өчигдөр хуралджээ. Хурлаас МАН-аас өргөн барьсан Ерөнхий сайдыг огцруулах эсэх тухай асуудлыг дэмжиж, санал өгсөн найман гишүүнийг намаасаа хасах тогтоол гаргасан байна.
Өнөөдөр Эдийн засгийн байнгын хорооны хуралдаан болно. Мөн Төсвийн байнгын хорооны ажлын дэд хэсгийн хуралдаан болох юм.
Ингээд хэлэлцэх асуудлын хуваарийг танилцуулья.
НЭГ.АЖЛЫН ХЭСГИЙН ХУРАЛДААН:
Монгол Улсын 2015 оны төсвийн тухай, Нийгмийн даатгалын сангийн 2015 оны төсвийн тухай, Хүний хөгжил сангийн 2015 оны төсвийн тухай хуулийг хэлэлцүүлэгт бэлтгэх үүрэг бүхий Төсвийн байнгын хорооны ажлын дэд хэсгийн хуралдаан 09.00 цагаас 334 тоот өрөөнд.
НЭГ. АЖЛЫН ХЭСГИЙН ХУРАЛДААН:
Монгол Улсын 2015 оны төсвийн тухай, Нийгмийн даатгалын сангийн 2015 оны төсвийн тухай, Хүний хөгжил сангийн 2015 оны төсвийн тухай хуулийг хэлэлцүүлэгт бэлтгэх үүрэг бүхий Төсвийн байнгын хорооны ажлын дэд хэсгийн хуралдаан 09.00 цагаас 334 тоот өрөөнд.
ХОЁР. БАЙНГЫН ХОРООНЫ ХУРАЛДААН:
1.Эдийн засгийн байнгын хорооны хуралдаан 08.30 цагаас “А” танхимд:
Төрөөс мөнгөний бодлогын талаар 2015 онд баримтлах үндсэн чиглэл батлах тухай Улсын Их Хурлын тогтоолын төсөл /Засгийн газар 2014.09.30-ны өдөр өргөн мэдүүлсэн, анхны хэлэлцүүлэг/.
2.Эдийн засгийн байнгын хорооны хуралдаан 13.00 цагаас “А” танхимд:
Төрөөс мөнгөний бодлогын талаар 2015 онд баримтлах үндсэн чиглэл батлах тухай Улсын Их Хурлын тогтоолын төсөл /Засгийн газар 2014.09.30-ны өдөр өргөн мэдүүлсэн, эцсийн хэлэлцүүлэг/.
Монгол Улсын Ерөнхийлөгч Ц.Элбэгдоржид өнөөдөр Бүгд найрамдах Конго, Арабын Бүгд найрамдах Египет, Европын холбоо, Унгар, Бүгд найрамдах Кипр улсын Элчин сайд нар Итгэмжлэх жуух бичиг барилаа.
Жуух бичиг барьсны дараа Ерөнхийлөгч Элчин сайд нарыг хүлээн авч уулзав.
Бүгд найрамдах Конго улсаас Монгол Улсад суух Онц бөгөөд Бүрэн эрхт Элчин сайд Даниел Овасса Ерөнхийлөгч Ц.Элбэгдоржтой хийсэн уулзалтын эхэнд Конго улсын Ерөнхийлөгчийн мэндчилгээг уламжилсан бол Арабын Бүгд найрамдах Египет улсын Элчин сайд Магди Махмоуд Хелмит хоёр орны хооронд дипломат харилцаа тогтоосноос хойш 51 жил болж буйг тэмдэглэж харилцаагаа цаашид өргөжүүлэхийн төлөө ажиллана гэдгээ илэрхийлэв.
Европын холбооноос Монгол Улсад суух Онц бөгөөд бүрэн эрхт Элчин сайд Ханс Дитмар Швайсгуттэй хийсэн уулзалтын үеэр Ерөнхийлөгч энэ жил хоёр талын хооронд дипломат харилцаа тогтоосны 25 жилийн ой тохиож буйг тэмдэглэлээ. Өнгөрсөн 25 жилийн хугацаанд Монгол Улс, Европын холбооны хооронд гурав дахь хөршийн хэмжээнд харилцаа, хамтын ажиллагаа идэвхтэй хөгжиж ирснийг мөн дурдав. Энэ хугацаанд Европын холбоо Монгол Улсын гадаад худалдааны гурав дахь том түнш болсон гэлээ.
УИХ-ын чуулганы өнөөдрийн хуралдаан 09.00 цагт эхэлж хэд, хэдэн асуудлыг хэлэлцэх байлаа. Тодруулбал, Үндсэн хуулийн цэцийн дүгнэлтийг хүлээн зөвшөөрөх эсэх асуудал, Олон талын хөрөнгө оруулалтыг баталгаажуулах байгууллагын Конвенцид орсон нэмэлт, өөрчлөлтийг соёрхон батлах хуулийн төсөл, Хүүхэд харах үйлчилгээний тухай хуулийн төсөл зэргийг хэлэлцэж батлах байсан юм.
Тэгвэл ирц бүрдэхгүй гэх шалтгаанаар хуралдааныг хойшлууллаа. Учир нь АН-ынхан дотоод асуудлаа шийдэхээр хуралдаж байгаа аж. Харин МАН-ынхан чуулганы танхимд хүлээж байгаад буцлаа. Энэ байдлаар үргэлжилбэл маргаашийн чуулган ч хуралдахааргүй байна. Учир нь маргааш АН-ын Үндэсний зөвлөлдөх хороо хуралдаж намын даргаа сонгох юм.
Улсын Их Хурлын 2014 оны намрын ээлжит чуулганы Лхагва гараг(2014.11.05)-ийн чуулганы нэгдсэн хуралдаан эхлэхээс өмнө Төрийн байгуулалтын байнгын хороо хуралдаж, УИХ-ын нэр бүхий 28 гишүүдээс Ерөнхий сайдыг огцруулахаар өргөн барьсан саналыг дэмжье гэсэн саналын томъёоллоор санал хураалгахад Байнгын хорооны хуралдаанд оролцсон 17 гишүүний 11 нь буюу 64.7 хувь нь дэмжсэн. Монгол Улсын Ерөнхий сайд Н.Алтанхуяг хэлэлцэж буй асуудалтай холбогдуулан хэлэхдээ, энэ Засгийн газар бүрдсэнээс хойшхи хугацаанд Ерөнхий сайдыг огцруулах асуудлыг УИХ дахь МАН-ын бүлгээс хоёр дахь удаагаа тавьж байна. Улс орны эдийн засгийн нөхцөл байдлын тухайд бидэнд ярилцаж ойлголцох асуудал байгаа. Харин ардчилсан Үндсэн хуультай орны тухайд шүүхийн эцсийн шийдвэр гараагүй байхад хүнийг буруутгаж гүтгэдэг, тэр дундаа бусдын буруутай үйлдлийг хэн нэгэнд халдааж тохох гэдэг хууль бус үйлдэл байж таарахгүй. Иймээс би иргэн хүний хувьд нэр төрөө сэргээлгэхээр дүүргийн шүүхэд хандаад байгаа гэв.
Ерөнхий сайд Н.Алтанхуягийг огцруулах шийдвэр гарсны дараа АН-ын Гүйцэтгэх зөвлөл Төрийн ордонд хуралдав. Гүйцэтгэх зөвлөлөөс энэ сарын 7-ны баасан гаригийн 15:00 цагт ҮЗХ-г хуралдуулахаар товлосон байна. Энэ тухай АН-ын Ерөнхий нарийн бичгийн дарга Ц.Оюундарь мэдээлэв.
“Тендер авч өгнө”, “тендерт зуучлана” хэмээн иргэд, компаниудыг хууран мэхлэж, их хэмжээний мөнгө залилсан тохиолдол гарсан тул Нийслэлийн Худалдан авах ажиллагааны газраас сэрэмжлүүлж байна.
Уг хэргийг шалгуулахаар Нийслэлийн Худалдан авах ажиллагааны газраас хүсэлт гаргасаны дагуу Цагдаагийн байгууллага шалгаж байгаа бөгөөд одоогоор 30 гаруй хохирогч гомдол мэдүүлээд байгаа юм. Худалдан авах ажиллагааг мэргэжлийн байгууллага зохион байгуулах болсноор тендер нээлттэй, ил тод явагддаг болсныг Нийслэлийн Худалдан авах ажиллагааны газраас дахин сануулж, тендерт оролцогчдыг зальт этгээдийн хохирогч болохгүй байхыг сануулж байна гэж Нийслэлийн Худалдан авах ажиллагааны газраас мэдээллээ.
Монгол Улсын Ерөнхийлөгч Ц.Элбэгдоржид өнөөдөр Бүгд найрамдах Конго, Арабын Бүгд найрамдах Египет, Европын холбоо, Унгар, Бүгд найрамдах Кипр улсын Элчин сайд нар Итгэмжлэх жуух бичиг барив.
Жуух бичиг барьсны дараа Монгол Улсын Ерөнхийлөгч Ц.Элбэгдорж Элчин сайд нарыг хүлээн авч уулзлаа. Бүгд найрамдах Конго улсаас Монгол Улсад суух Онц бөгөөд Бүрэн эрхт Элчин сайд Даниел Овасса Монгол Улсын Ерөнхийлөгчтэй хийсэн уулзалтын эхэнд Конго улсын Ерөнхийлөгчийн мэндчилгээг уламжиллаа. Тэрээр “Монгол, Конго хоёр эртний уламжлалт харилцаатай орнууд. Сүүлийн үед харилцаа удааширсан боловч уламжлалт харилцааг идэвхжүүлэн хөгжүүлэхийн төлөө Элчин сайдын хувьд анхаарч ажиллах болно” гэлээ. Монгол Улсын Ерөнхийлөгч Ц.Элбэгдорж Элчин сайд Даниел Овассад ажлын амжилт хүсч хоёр орны харилцааг идэвхжүүлэхэд анхаарал тавьж ажиллана гэдэгт итгэж байна гэв.
Арабын Бүгд найрамдах Египет улсаас Монгол Улсад суух Онц бөгөөд Бүрэн эрхт Элчин сайд Магди Махмоуд Хелмитэй хийсэн уулзалтын үеэр Монгол Улс нь ардчилалд амжилттай шилжиж үлгэр дуурайлал болсон орон гэдгийг Египетэд сайн мэднэ гээд хоёр орны хооронд дипломат харилцаа тогтоосноос хойш 51 жил болж буйг тэмдэглэж харилцаагаа цаашид өргөжүүлэхийн төлөө ажиллана гэдгээ илэрхийлэв. Монгол Улсын Ерөнхийлөгч ирэх 2015 онд Монголын анхны ардчилсан сонгуулийн 25 жилийн ой болох гэж байгааг тэмдэглэж, Египет улсын Ерөнхийлөгч Абдел Фаттах Сисид чин сэтгэлийн мэндчилгээ дэвшүүлж буйг уламжилж өгөхийг хүслээ.
Европын холбооноос Монгол Улсад суух Онц бөгөөд Бүрэн эрхт Элчин сайд Ханс Дитмар Швайсгуттэй хийсэн уулзалтын үеэр Монгол Улсын Ерөнхийлөгч энэ жил хоёр талын хооронд дипломат харилцаа тогтоосны 25 жилийн ой тохиож буйг тэмдэглэлээ. Өнгөрсөн 25 жилийн хугацаанд Монгол Улс, Европын холбооны хооронд гурав дахь хөршийн хэмжээнд харилцаа, хамтын ажиллагаа идэвхтэй хөгжиж ирснийг мөн дурдав. Энэ хугацаанд Европын холбоо Монгол Улсын гадаад худалдааны гурав дахь том түнш болсон гэлээ. Өнгөрсөн 2013 онд Монгол Улс, Европын Холбооны Тvншлэл, хамтын ажиллагааны хэлэлцээрт гарын үсэг зурсан нь хоёр талын харилцаанд илүү их түлхэц өгч буйг тэмдэглээд Европын холбооны Ерөнхийлөгчөөр шинээр сонгогдсон Жан Клауд Жанкерт халуун дотно мэндчилгээ дэвшүүллээ.
Унгар улсаас Монгол Улсад суух Онц бөгөөд Бүрэн эрхт Элчин сайд хатагтай Цецилиа Силаштай уулзах үеэрээ ирэх жил хоёр орны хооронд дипломат харилцаа тогтоосны 65 жилийн ой тохиох гэж буйг тэмдэглэж энэ үеэр Унгарын талаас Элчин сайдын яамаа Улаанбаатарт сэргээн байгуулах талаар санал дэвшүүлж буйг дурдлаа. Монгол Улсын Ерөнхийлөгчийн саяхан Унгарт хийсэн ажлын айлчлал амжилттай болсон гээд айлчлалын үеэр ярилцсан асуудлуудыг ажил хэрэг болгох талаар хоёр тал хамтран ажиллана гэдгийг тэмдэглэв.
Бүгд найрамдах Кипр улсаас Монгол Улсад суух Онц бөгөөд Бүрэн эрхт Элчин сайд Агис Лоизутай хийсэн уулзалтын үеэр хоёр тал боловсрол, худалдаа, хөрөнгө оруулалтын салбарт хамран ажиллах боломж их байгааг тэмдэглэв. Ялангуяа боловсролын хамтын ажиллагааг ихээхэн үр дүнтэй хөгжүүлэх боломжтой гэлээ.