Засгийн газрын шийдвэрээр улсын хэмжээнд үйл ажиллагаа явуулдаг тусгай 26 санг татан буулгахаар болжээ. Эдгээрээс дурдвал, Цэвэр агаарын сан, Монгол судлалын сан, Сургалтын төрийн сан, Хүний хөгжил сан, бүх нийтийн үүргийн сан, Эрүүл мэндийн дэмжих сан, Замын сан тэргүүтэй нийт 26 санг татан буулгахаар судалгааны ажилдаа орсон байна.
Ч.Сайханбилэгийн тэргүүлж буй Шийдлийн Засгийн газар нь эдийн засгийн хүнд нөхцөл байдлаас үүдэлтэйгээр улс орныг бүхэлд нь хэмнэлтийн горимд шилжүүлэх бодлого барьж ажиллахаа зарласан. Тиймдээ ч 1500 гаруй төрийн албан хаагчийг цомхотгож, хүүхэд болон оюутны мөнгийг заагтай олгоно гэж буй юм. Үүний хүрээнд улсын мөнгийг хий дэмий зарлагаддаг олон жил ашигүй ажиллаж ирсэн агентлаг, төрийн сангуудыг татан буулгах нь тодорхой болжээ.
Тодруулбал иргэдийн хэл ам тасарч үзээгүй Цэвэр агаарын сан байна. Тус сан нь байгуулагдсан цагаасаа зуух тарааснаас өөр дорвитой ганц ч ажлыг хийж ирээгүй гэдэг. Харин улсаас авч зарлагадсан мөнгө нь хэмжээлшгүй их. Хамгийн наад зах нь хуучин удирдлагууд нь улсын 1.9 тэрбум төгрөгийг хувьдаа завшиж ял сонссон байдаг. Улсын хэмжээнд агаарын бохирдлыг бууруулахаар “Агаарын бохирдолыг бууруулах үндэсний хороо”, “Цэвэр агаарын сан”, “Цэвэр агаар төсөл” зэрэг хэд, хэдэн байгууллагууд үйл ажиллагаагаа явуулж байна. Гэтэл өнгөрсөн хугацаанд агаарын бохирдол багассан нааштай үзүүлэлт огт мэдэгдэхгүй байгаа билээ. Тиймээс Цэвэр агаарын санг татан буулгаж Агаарын бохирдолтой тэмцэх үндэсний хороотой нэгтгэх нь зүйтэй гэдэг саналд хүрчээ.
Харин Сургалтын төрийн сангийн хувьд мөн л татан буулгах шаардлагатай гэж үзэж байгаа юм байна. 70 мянган төгрөгийг бүх оюутнуудад ижил, тэгш системээр үргэлжлүүлэн өгөх шийдвэрийг хэвээр үлдээвэл тус сан үлдэж магадгүй гэнэ. Харин 70 мянгыг оюутнуудад өгөхгүй гэвэл тус санг татан буулгахаас өөр аргагүй юм байна. Учир нь тус санд 70 мянгыг тарааж түүнд хяналт тавихаас өөр хийдэг чухал ажил байдаггүй бололтой.
Хүний хөгжил сангийн хувьд 20 мянган төгрөг хүн бүрт тарааж дууссанаас хойш ямар ажил хийж байгаа нь тодорхой бус байгаа юм. Цаашлаад тус санг татан буулгаж эрхэлж буй ажлыг нь яам болон боловсролын газар эсвэл бусад хариуцах албадад өгөх нь бас л хэмнэлт хийх талтай гэж үзэж байгаа аж.
Энэ мэт өөр бусад нь хийж болохоор ажлуудыг тусад нь мөнгө төвлөрүүлж сан байгуулж хийлгэж байхын оронд эртхэнээс цэгцэлж улсын мөнгийг хэмнэх нь зүйтэй гэж Засгийн газар шийдвэрлэхээр болжээ.
Аж үйлдвэрийн сайд Д.Эрдэнэбат өнгөрсөн баасан гаригт мэдээлэл хийв. Тус яам долоон газар, долоон хэлтэстэй ажиллахаар болсон гэнэ.Д.Эрдэнэбат сайд “Аж үйлдвэрийн яамны гол зорилго нь Монгол орныг хэрэглээний эдийн засгаас бүтээгчдийн гарт орсон эдийн засаг руу шилжүүлэхэд оршино. Хийх ажлынхаа хөтөлбөрийг гурван хэмжээст хувааж ойрын буюу 1.5 жил, дунд хугацааны буюу 5-10 жилд Монгол орны аж үйлдвэрийн бодлого ямар төвшинд хүрсэн байх вэ, урт хугацаанд буюу 10-20 жилд Монгол орны нөхцөл байдал яаж өөрчлөгдсөн байх вэ гэдэг бодлогын зураглал гаргана” хэмээн хэллээ. Үүний хүрээнддотоодын үйлдвэрлэлээ нэмэгдүүлэх чиглэлд импортын барааны гаалийн татварыг өөрчлөх асуудлыг ирэх даваа гаригт Засгийн газрын хуралдаанд оруулахаар төлөвлөжээ. Шинэ он гарахад Төрөөс аж үйлдвэржилтийн талаар баримтлах бодлогыг УИХ-д өргөн мэдүүлнэ. Энэ хүрээнд Ерөнхийлөгчийн Тамгын газарт боловсруулагдаж байгаа Үйлдвэржилтийн тухай хуулийн төсөлд хамтарч ажиллах, жижиг дунд үйлдвэрийг сэргээх, чөлөөт бүсүүдийг сэргээх, аж үйлдвэрийн паркийг бодитоор бий болгохтой холбоотой хэд, хэдэн хуулийн төслүүдийг УИХ-д оруулж хэлэлцүүлэх аж. Түүнчлэн эрчим хүчний дутагдлаас гарахын тулд хөрөнгө оруулагч нартай хэлэлцээрийг дуусгаж, ажилд нь татан оролцуулах чиглэлээр сонгон шалгаруулалтыг хийх зэрэг ажлуудыг ч шуурхайлахаар болсон гэнэ. 
Засгийн газар долоо хоног бүрийн даваа гаригт хуралддаг. Тэгвэл шийдлийн Засгийн газар оны хамгийн сүүлийн буюу 66 дахь хуралдааныг ирэх мягмар гаригт хийхээр болжээ. Учир нь даваа гаригт бүх нийтийн амралтын өдөр таарч байгаа юм. Мягмар гаригийн хуралдаанаар Боомтын нэгдсэн захиргааны талаар авах арга хэмжээний тухай, 2015 оны төсвийн тодотгол, яамдын бүтцийн өөрчлөлтийн хөтөлбөр батлах тухай асуудлуудыг хэлэлцэх гэнэ. 
Улсын Их Хурлын 2014 оны хаврын ээлжит чуулганы өчигдрийн үдээс хойших нэгдсэн хуралдаан хаалттай горимоор болж, Монгол Улсын Ерөнхийлөгч Ц.Элбэгдорж улс орны нийгэм, эдийн засгийн нөхцөл байдлын талаар мэдээлэл хийлээ. Мөн Монгол Улсын Ерөнхий сайд Ч.Сайханбилэг, Засгийн газрын гишүүн, Монгол Улсын сайд М.Энхсайхан, Монголбанкны ерөнхийлөгч Н.Золжаргал нар гишүүдэд мэдээлэл өгчээ. 
Өнгөрсөн долоо хоногийн пүрэв гаригийн чуулганы хуралдаанаар Монголын үндэсний олон нийтийн телевизийн зөвлөлд нэр дэвшигчдийг хэлэлцэх үеэр, тэдэнд хандаж УИХ-ын дарга З.Энхболд “100 хүний хийдэг ажлыг 700 хүн хийдэг, архидалт замаа алдсан, хулгайн кино гаргахаа болих хэрэгтэй” гэсэн агуулга бүхий үг хэлсэн.
Засгийн газрын ээлжит хуралдаан энэ сарын 30-ны өдрийн 10.00 цагт болно. Хуралдаанаар дараах асуудлыг хэлэлцэнэ. Тус хурлаар Боомтын нэгдсэн захиргаа болон боомтын захиргаадын талаар авах арга хэмжээний тухай, Яамдын үл ажиллагааны стратеги, бүтцийн өөрчлөлтийн хөтөлбөр батлах тухай, Монгол Улсын нэгдсэн төсвийн 2015 оны төсвийн хүрээний мэгдэл 2016-2017 оны төсвийн төсөөллийн тухай хуульд өөрчлөлт оруулах тухай Хөрөнгийн албан татварын тухай, Нийслэл хотын албан татварын тухай хуулийн төсөл болон эдгээр хуулийн төсөлтэй холбогдуулан боловсруулсан бусад хуулийн төслийн тухай, Аудитын тухай болон Нягтлан бодох бүртгэлийн тухай хуулийн шинэчилсэн найруулгын төслий үзэл баримтлалын тухай хэлэлцэх юм байна. 
Монгол Улсын Засгийн газрын 66 дахь ээлжит хуралдаан 2014 оны арванхоёрдугаар сарын 30-ны мягмар гарагт 10.00 цагт Засгийн газрын хуралдааны танхимд болно. Тус хуралдаанаар дараах асуудлуудыг хэлэлцэх юм байна. 
УИХ-ын Хууль зүйн байнгын хороо өнөөдөр /2014.12.26/ үдээс хойш 57,9 хувийн ирцтэй хуралдаж, Хүний эрхийн дэд хорооны бүрэлдэхүүнд өөрчлөлт оруулах тухай асуудал хэлэлцлээ.
УИХ-ын чуулганы үдээс хойшхи хуралдаан хаалттай горимоор үргэлжилж байна. Чуулганы хуралдаанд Ерөнхийлөгч Ц.Элбэгдорж оролцож, мэдээлэл хийж буй бөгөөд улсын нууцын зэрэглэлд хамаарах асуудлын тухай ярьж байгаа тул хуралдаан ийнхүү хаалттай горимоор үргэлжилж байгаа юм. Үүнтэй холбоотойгоор Төрийн ордонд интернэт түр хугацаагаар ажиллахгүй болгоод байгаа аж. Гишүүд хаалттай хуралдааны үеэр мэдээллийг гар утас, цахим төхөөрөмж ашиглан гадагш гаргахыг хориглодог билээ.