Хорват улсын төрийн тэргүүнээр анх удаа эмэгтэй хүн сонгогдлоо. Хорватын ерөнхийлөгчийн сонгуульд сөрөг хүчний нэр дэвшигч Колинда Грабарь-Китарович ялалт байгуулжээ. Өдгөө 46 настай Колинда Грабарь-Китарович өрсөлдөгчөөсөө нэг хувийн саналаар илүүрхэн ялалт байгуулсан аж. Харин Ерөнхийлөгч Иво Ёсипович нэгхэн хувийн саналаар ялагдал хүлээснээр улиран сонгогдож чадаагүй байна. Өдгөө 57 настай Ивао Ёсипович 2010 онд Хорватын Ерөнхийлөгчөөр сонгогдсон аж. Хорватын ерөнхийлөгчийн сонгуулийн сонгогчдын ирц 58.9 хувьтай байжээ. Энэ сонгууль нь 2015 оны сүүлээр явагдах парламентын сонгуулийн урьдчилсан сунгаанд тооцогддог аж.
Колинда Грабарь-Китарович Хорватыг хуучин Югославаас 1991 онд тусгаар тогтноход түлхэц үзүүлсэн Ардчилсан холбооны (HDZ) гишүүн юм. Гадаад хэргийн сайд асан Колинда Грабарь-Китарович НАТО-гийн Ерөнхий нарийн бичгийн даргын туслахаар ажилладаг байна. Тэрээр Хорватыг хөгжингүй, чинээлэг улс болгон хөгжүүлэх, олон жил үргэлжилж буй эдийн засгийн хямралыг зогсоохыг төлөө ажиллана гэжээ.
Хорват улс 2013 оны долдугаар сард Европын холбоонд гишүүнээр нэгдсэн билээ. Зургаан жил үргэлжилсэн эдийн засгийн хямралын улмаас ажилгүйдлийн түвшин бараг 20 хувьд хүрээд буй аж.
Засгийн газрын ээлжит хуралдааныг өнөөдөр хийхээр товложээ. Хууль зүйн сайд Д.Дорлигжав Эдийн засгийн өршөөл үзүүлэх тухай хуулийн төслийг танилцуулахаар болсон байна. Олон компани аж ахуйн нэгжүүдийн хүлээж буй энэ хуулийн төслийг Засгийн газар эцэслэн хэлэлцэж парламентад өргөн мэдүүлэх гэж байгаа бололтой. Мөн хуралдаанд Уул уурхайн сайд Р.Жигжид Хайгуулын лиценз олгох бэлтгэл ажлын явцын танилцуулгыг хийх юм. Энэ нь уул уурхайн салбарынхны анхааралд буй асуудал юм.
Монгол Улсын Засгийн газрын 2 дахь ээлжит хуралдаан өнөөдөр 16.00 цагт Засгийн газрын хуралдааны танхимд болно. Тус хуралдаанаар дараах асуудлуудыг хэлэлцэх аж. 
2015 оны нэгдүгээр сарын 1-ний өдрөөс Монгол Улсын Ерөнхийлөгчийн санаачлан өргөн мэдүүлж, УИХ-ын нэгдсэн хуралдаанаар батлуулсан “Шилэн дансны тухай” хууль хэрэгжиж эхлээд байна. Үүнтэй холбоотойгоор төрийн зарим байгууллагын үйл ажиллагаа “шилэн” болж эхэллээ. Үүний нэг бол УИХ болон УИХ-ын Тамгын газар юм. 
Нийслэлийн Засаг даргын 2012 оны “Мэдээллийн ил тод байдлыг хангах тухай” А/606 дугаар захирамжийн дагуу нийслэлийн удирдлагууд гадаадад албан томилолтоор ажилласан зардлын тайланг олон нийтэд мэдээлдэг. Нийслэлийн Засаг даргын Хөдөлмөр эрхлэлт, нийгмийн хамгааллын асуудал хариуцсан орлогч Ц.Буяндалай, нийслэлийн ЗДТГ-ын Гадаад харилцааны хэлтсийн ахлах мэргэжилтэн Н.Отгонсүрэн нар 2014 оны 11 дүгээр сарын 24-нөөс 30-ны өдрүүдэд БНХАУ-ын Хайкоу, Гуанжоу хотуудад зохион байгуулагдсан Азийн хотын дарга нарын форумд оролцсон байна. Форумын үеэр Азийн хотуудын туршлагаас хуваалцах, хамтын ажиллагаагаа өргөжүүлэх чиглэлээр харилцан санал солилцжээ.Төлөөлөгчид дараахь зардлаар албан томилолтоор ажиллажээ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
УИХ-ын чуулганы хуралдаанаар 2015 оны Төсвийн тодотголыг хэлэлцэж байгаа. Тодотголоор Нийгмийн даатгалын сангаас жирэмсэн, амаржсаны дараах тэтгэмж авах эрх үүссэн эхчүүдэд нийгмийн халамжийн сангаас олгох жирэмсэн болон нярай, хөхүүл хүүхэдтэй эхийн тэтгэмжийг төрсөн сараас эхлэн долоон сарын хугацаанд олгодог болохоор тооцно гэсэн тусгасан юм. Мөн “Эхийн алдарт” одонтой эхчүүдийн тэтгэмжийг хүүхэд өсгөх үед нь буюу хамгийн бага хүүхэд нь 18 нас хүртэлх хугацаанд олгоно гэж тусгаад байгаа. Ийнхүү хүүхдийн мөнгөнөөс 90 тэрбум, эхчүүдийн халамжаас 30 орчим тэрбум төгрөг хэмнэхээр болоод байгаа юм. Үүнийг УИХ дахь эмэгтэйчүүдийн бүлгийн гишүүд эсэргүүцэж Ерөнхий с айдад шаардлага хүргүүлжээ.
Монгол Улс 1992 оны 1-р сарын 13-ны өдөр Үндсэн хуулиа баталж байсан түүхтэй. Энэ өдрийг нийтээр тэмдэглэх баярын өдөрт оруулж, төрийн хэмжээнд тэмдэглэн өнгөрүүлдэг болсон. Энэ жилийн Үндсэн хуулийн өдрийг угтсан арга хэмжээний тухай УИХ-ын Тамгын газрын Ерөнхий нарийн бичгийн дарга Ч.Болдбаатар мэдээлэл хийлээ. Үндсэн хуулийн баярыг угтсан арга хэмжээ өнөөдөр Сонирхогчдын шатрын улсын аварга шалгаруулах тэмцээнээр эхэлж байна. Харин ирэх даваа гаригт Үндсэн хуулийг эхийг Монгол төрийн түүхийн музейд залж, Төрийн ордонтой танилцах цахим аялалын нээлт болно. Мөн ирэх мягмар гариг буюу энэ сарын 13-ны өдөр УИХ-аас Б.Чимидийн нэрэмжит шагнал гардуулах ёслолын ажиллагаа, Их эзэн Чингис хааны хөшөөнд хүндэтгэл үзүүлэх, Үндэсний бөхийн барилдаан болох юм байна.
Монгол Улсын шинэ Үндсэн хууль батлагдсаны 23 жилийн ой ирэх долоо хоногийн мягмар гаригт тохионо. Уг ойг тохиолдуулан