Category: амьдралын-өнгө

Мобиком Корпораци нь хэрэглэгчдийнхээ ая тух, хэрэгцээ шаардлагад нийцүүлэн орчин үеийн дижитал шийдэл бүхий Lifestyle салбарыг орон нутагт анх удаа Сүхбаатар аймгийн төвд нээлээ.

Тус салбарт үйлчилгээний хамгийн сүүлийн үеийн стандарт хэв маягийг агуулсан тав тухтай орчныг бүрдүүлсэн бөгөөд хэрэглэгч харилцаа холбооны үйлчилгээ авахаас гадна Солонгосын албан ёсны франчайзинг Restime сүлжээ кофе шоп, аймагтаа танигдсан Оргил брэндийн бялуу, амттан зэргээр үйлчлүүлэх боломжтой юм. Түүнчлэн хамгийн сүүлийн үеийн, албан ёсны эрхтэй худалдаалагдаж буй гар утас, төхөөрөмж, дагалдах хэрэгслийг худалдан авах, үйлчилгээний ажилтанд хандахгүйгээр Мобикомын бүтээгдэхүүн үйлчилгээний мэдээллийг ширээн дээр байрлуулсан таблетуудаас авах боломжийг бүрдүүлснээрээ онцлогтой. Эдгээр үйлчилгээнүүдийг авахдаа төлбөр тооцооны хамгийн сүүлийн үеийн дэвшилтэт шийдэл болох MonPay апликейшныг ашиглан зайнаас, аюулгүй, шуурхай гүйлгээ хийх боломжтой.

Говь-Алтай аймагт болж буй шороон шуурганы улмаас айлын байшин нурж, зарим байрны тагтны хаалт, цонх зэрэг хагарсан хохирол үргэлжилж байна.

Ард иргэд та бүхэн онцын чухал ажилгүй бол гэрээсээ гарахгүй байхыг анхааруулж байна.

Орон нутгийн хөдөлгөөнийг энэ сарын 22-ноос нээнэ. Ингэхдээ хүүхдүүдээс ПСР авахгүй. Харин Өмнөговь, Дорноговь аймаг руу зорчихдоо УОК-Шуурхай штаб болон АОК-оос зөвшөөрөл авна гэж УОК-оос мэдээллээ.

Тэрбээр, “Орон нутаг руу зорчих хүсэлтэй байгаа ч хүндэтгэн үзэх шалтгаанаар, зүрх судасны өвчтэй хүмүүс PCR шинжилгээ 3 хоног, түргэвчилсэн шинжилгээ 2 хоногийн хугацааатайгаар зорчиж болно. Харин очсон хойноо аймаг сумын тусгаарлалтад 7 хонох ёстой.

Өмнөговь, Дорноговь аймгуудад хязгаарлалт хэвээр үргэлжилнэ. Зорчих иргэд хүндэтгэн үзэх шалтгаантай бол тухайн аймгийн онцгой комиссоос зөвшөөрөл авах юм. Бусад тохиолдолд тус аймгуудад зорчих бол Улсын онцгой комиссоос зөвшөөрөл авна. Зургаадугаар сарын 15 хүртэл Өмнөговь, Дорноговь аймгуудад зорчих хязаарлалт үргэлжилсэн хэвээр байна. Ачаа бараа оруулах асуудалд ямар нэг хязгаарлалт хийж, хүндрэл гаргаагүй. Уул уурхайн ажилчдын ээлж солих асуудлыг яам нь хариуцан зохицуулж байгаа” гэв

Дорнод аймагт хээрийн түймэр гарч, 3500 га талбай шатсан байна. Түймэр тус аймгийн Ташгай багийн Өвөрт-Уул гэх гэдэг газарт гарчээ. Галын дуудлага өчигдөр орой 19:45 цагийн үед аймгийн Онцгой байдлын газарт бүртгэгдсэн байна.

Энэ дагуу Гал унтраах аврах ангийн алба хаагчид болон Нөмрөгийн дархан цаазат газрын хамгаалалтын захиргааны ажилтнууд хамтран түймрийн голомтод ажиллажээ. Тэд шөнийн 02:30 цагт цурамд оруулж, үүрийн 04:03 цагт бүрэн унтраасан байна.

Онцгой байдлын ерөнхий газарт өчигдөр бүртгэгдсэн мэдээллээр ой хээрийн түймрээс гадна ахуйн гал түймэр их бүртгэгджээ. Золоор хүний амь эрсдээгүй байна.

Өмнөговь аймгийн хилийн цэргийн 0166 дугаар анги Цэргийн гавьяаны одонгоор шагнууллаа.

Орон нутагт Засгийн газраас хэрэгжүүлж байгаа Малчдын хөнгөлөлттэй зээлд хамрагдахаар хөл хөдөлгөөн их байна. Засгийн газраас хөдөө аж ахуйн салбарт нийт 500 тэрбум төгрөгийн зээл олгоно. Энэ зээлийг гаргах нөхцөл бүрдэж, арилжааны банкууд зээлдэгч нараас хүсэлтээ хүлээн авч, олгож эхэллээ.

Ноос ноолуур, хаврын тариалалтын зээл нэг жилийн хугацаатай байх бол малчдыг дэмжих зээл гурван жилийн хугацаатай байх юм. Ноолуурын салбарын аж ахуйн нэгжийн бизнесийн үйл ажиллагааг дэмжих зорилгоор түүхий ноолуур худалдан авахад зориулж шинээр болон өмнөх зээлийг дахин санхүүжүүлнэ. Харин хаврын тариалалтын хувьд эргэлтийн хөрөнгөө шийдвэрлэх, мөн ижил зориулалтын зээлийг дахин санхүүжүүлэхэд зээл олгох юм байна. Малчдад бол банкны ижил төрлийн зээлийн нөхцөлөөр олгохоор шийдвэрлэсэн. Малчдыг дэмжих 200 тэрбум төгрөгийн зээлийг жилийн гурван хувийн хүүтэй, гурван жилийн хугацаатай олгохоор эх үүсвэрийг шийдвэрлэсэн юм.

Өнөөдрийн байдлаар малчдыг дэмжих хөнгөлөлттэй зээлийг зарим аймгуудад олгоод дууссан бол зарим аймгууд цахимаар материал хүлээн авсаар байна. Зээл олголтод зарим малчин өрхөд 5-аас дээш сая төгрөгийн зээл олдохгүй байгаа гэсэн шүүмжлэл гарсан. Тэгвэл малын тоо, даатгалд хамрагдсан байдал, мал маллах туршлага зэргээс шалтгаалж зээлийн дүн өөр байгаа аж. Малчны зээл хүсэгч нь тухайн орон нутагтаа оршин суух хаягтай, малын А данс нь баталгаажсан, мал маллах туршлагатай байх зэрэг шаардлагыг арилжааны банкууд тавьж байна

Ховд аймгийн Эрдэнэбүрэн сумын нутаг дэвсгэр Шижигтийн хавцалд, Ховд гол дээр усан цахилгаан станцыг барихаар болж, зураг төслийн ажил дууссан байгаа билээ.

Уг усан цахилгаан станцыг барих гүйцэтгэгчийг сонгон шалгаруулах тендер өнөөдөр нээгдэж байна.

Тендер нээх хугацааг цар тахлын нөхцөл байдлаас шалтгаалан оролцогч талуудаас ирүүлсэн хүсэлтийн дагуу тавдугаар сарын 17-ны өдөр хүртэл сунгасан байсан юм.

90 МВт хүчин чадалтай “Эрдэнэбүрэнгийн усан цахилгаан станц” баригдсанаар баруун бүсийн таван аймгийн 4.430 ахуйн нэгж, 5.400 орон сууц, 36.000 гаруй гэр хорооллын хэрэглэгч, нийт 52.000 хэрэгэлэгчийг дотоодын цахилгаан эрчим хүчээр хангана. Төсөл хэрэгжсэнээр цахилгаан эрчим хүчний хэрэглээний 74 хувийг импортоор авдаг Баруун бүсийн эрчим хүчний систем бүрэн дотоодоос хангагдах юм.

Эрчим хүчний сүлжээнд ашиглах 200 МВт.цаг багтаамжтай цахилгаан цэнэг хуримтлуурын төсөл:

Хоногт 200 МВт.цаг цахилгаан эрчим хүчийг хуримтлуулж нэгдсэн системийн оргил ачааллын үед сүлжээнд нийлүүлэх юм.

Төвийн эрчим хүчний системийн цахилгаан станцуудын горим тохируулгад чухал үүрэг гүйцэтгэж, импортын эрчим хүчний хэмжээ буурна. Мөн тасралт саатал, чадлын дутагдлаас үүдэлтэй хязгаарлалт багасч үндсэн тоноглолын найдвартай ажиллагаа сайжирч, сэргээгдэх эрчим хүчний үйлдвэрлэлийг нэмэгдүүлэх техникийн боломж нэмэгдэх ажээ.

Хөвсгөл аймгийн БСУГ, Титэм сургууль, Эх хэлний зөвлөлөөс зохион байгуулсан“Сүегэр-2021” уран бичлэгийн улсын уралдаанд Хөвсгөл, Завхан, Архангай,Булган, Говьсүмбэр, Дорнод, Орхон аймаг болон нийслэлийн 5 дүүргийн багш, сурагч, иргэд, төрийн албан хаагчид бүхий нийт 500 гаруй оролцогч бүтээлээ ирүүлсэн байна.

Уралдааны уран бичлэгийн төрөлд Хөвсгөл аймгийн Тосонцэнгэл сумын 10-р ангийн сурагч Ү.Энхжин “Монголын нууц товчоо”-г 10 метр даавуун дээр бичсэн бүтээлээр тэргүүлжээ. Дэд байрт “Ирээдүй” сургуулийн багш Д. Мөнгөнбаясгалан, “Титэм” сургуулийн багш Г.Энхсайхан, гутгаар байрт Орхон аймгийн 14-р сургуулийн багш Б.Одбаяр, Дорнод аймгийн 12-р сургуулийн багш Ө.Одмандах, Хөвсгөл аймгийн Арбулаг сумын сургуулийн 11-р ангийн сурагч А.Пунцагноров нар тус тус шалгарчээ.