Category: амьдралын-өнгө

Өвөрхангай аймгийн Баян-Өндөр сумын Хадан хушуу гэх газарт хоёр малчин аянгад цохиулж нас барсан хэрэг гарчээ.

Тодруулбал, Баян-Өндөр сумын Бумбат багт өчигдөр буюу долдугаар сарын 4-ний өдрийн 17:30 цагийн орчим долоон хүн, дөрвөн мотоциклтой сумын төвөөс шатахуун авч, Зүлэгт багийн Цам гэх газрын чиглэлд гэр рүүгээ буцаж явахад хоёр хүн нь аянгад цохиулж нас барсан байна.

Энэ тухай мэдээллийг ОБЕГ тухайн өдрийн 19:11 цагт хүлээн авч, 19:17 цагт Баян-Өндөр сумын Засаг даргын Тамгын газрын ажилтнууд хэргийн газар очиход 21 настай малчин эрэгтэй Г, 21 настай малчин эрэгтэй Ч нар аянгад цохиулж амиа алджээ.

Талийгаачдын цогцсыг тус сумын Цагдаагийн хэсгийн мөрдөгчид шилжүүлэн өгсөн байна.

Хоточ банхар нохойг мал хариулганд сурган ашиглах уламжлалт хэрэглээг сэргээн хэвшүүлснээр Цоохор ирвэс мал руу халдаж довтлох, махчид мал идэж, шархтуулж, хороосны улмаас малчид Цоохор ирвэс зэрэг ховор амьтдыг хөнөөх зэрэг зөрчлийг бууруулах, зогсоох боломжтой гэж мэргэжилтнүүд үзэж байна.

Тиймээс Цоохор ирвэсийг хамгаалах, түүний идэш тэжээл болох уулын туруутан амьтдын ус, бэлчээр хомсдохоос сэргийлэх, эдгээр амьтдын зүй бус хорогдлыг бууруулах, мал хариулгыг сайжруулах, Хоточ банхар нохойг мал хариулганд ашиглах уламжлалыг хэвшүүлэх зорилтот төслийг хэрэгжүүлэхээр мэргэжлийн байгууллагуудтай хамтран ажиллаж эхэллээ.

Энэ зорилтот төслийг Баянхонгор аймгийн Баянцагаан, Шинэжинст, Говь-Алтай аймгийн Чандмань, Эрдэнэ сумдаас малчин айл өрх сонгон хамтран хэрэгжүүлнэ. Сонгогдсон малчин айлд Хоточ банхар нохдыг хүлээлгэн өгч мал хариулах аргад сургаж дадлагажуулан, банхар нохой, мөн тодорхой тооны хонь ямаанд хүзүүвч зүүж мониторинг хийнэ.

Үүний зэрэгцээ эдгээр аймаг сумдын нутагт 4 цоохор ирвэс, 4 янгир ямаа барьж сансрын дохиололтой хүзүүвч зүүж нүүдэл, гүйдэл, байршлыг 4-6 цагт тутамд тодорхойлон мониторинг хийж Цоохор ирвэс, янгир ямаа, малын байршил, бэлчээрийн давхцалыг зураглаж ус, бэлчээрийн өрсөлдөөн, бие биендээ нөлөөлөх эерэг, сөрөг нөлөөллийг тодорхойлох юм.

Ховд аймгийн Булган сумын Алагтолгой багийн Харцагат, Халзан гэх газар малын гоц халдварт шүлхий өвчин долдугаар сарын 1-нд гарчээ.

Энэ тухай дуудлагын дагуу мэргэжлийн байгууллагууд долдугаар сарын 2-нд очиж, ажиллав. Голомтын бүсэд 6075 мал бий. Одоогоор долоон малчны 103 үхэр, 10 бог малаас шүлхий өвчин илэрч, шинжилгээгээр баталгаажээ.

Мөн Булган сумын хөдөлгөөнийг хязгаарлаж, мал тууварлахыг хориглосон байна.

Хэнтий аймгийн Галшар суманд тавдугаар сарын 31-нд малын гоц халдварт шүлхий өвчин гарсан билээ.

ХӨСҮТ-ийн захирал Л.Баттөр өнөөдөр Говь-Алтай аймагт ажиллалаа.

Коронавирусний халдварын тоо эрс нэмэгдэж байгаа Говь-Алтай аймгийн нөхцөл байдалтай газар дээр нь танилцах, эмч эмнэлгийн мэргэжилтнүүд, ард иргэдэд мэдээлэл зөвлөмж өгөх зорилгоор ийнхүү Говь-Алтай аймагт ирсэн байна.

Тэрбээр иргэдэд орон нутгийн хэвлэл мэдээллийн байгууллагаар дамжуулан цахимаар мэдээлэл өглөө. “ХӨСҮТ зөвхөн Улаанбаатар хотод эрүүл мэндийн тусламж үйлчилгээ үзүүлдэггүй, улсын хэмжээнд үйл ажиллагаагаа явуулдаг. Улаанбаатар хотод нөхцөл байдал хүнд байгаа учир богино хугацаанд олон аймагт очиж ажиллах төлөвлөгөөтэй байна”. Энэ удаа коронавируст халдварын тандалтын үйл ажиллагаа, эмнэлгийн тусламж үйлчилгээтэй холбоотой асуудал, лаборатори тодруулбал, PCR болон түргэвчилсэн шинжилгээ мөн вакцинжуулалттай холбоотой мэдээлэл өглөө.

Харин мөн үеэр иргэд: “PCR шинжилгээ, халдвар авсан тохиолдолд яах вэ, вакцины үр дүн, хүүхдийн вакцинжуулалтын талаар тодорхой асуултуудыг ирүүлж байлаа.

ХӨСҮТ-ийн баг хамт олон өмнө нь Говь-Алтай аймагт ирэхдээ коронавирусний халдварын тандалтын болон PCR шинжилгээний лабораторийн үйл ажиллагааг эхлүүлж, холбогдох эмч, мэргэжилтнүүдэд аргазүйн зөвлөгөө өгсөн билээ.

Цар тахлын нөхцөл байдлын улмаас цөхөрч, ядарч буйгаа эрүүл мэндийн салбарынхан учирласаар байгаа билээ. Хэд хоногийн эрүүл мэндийн салбарынхны төлөөлөл хэвлэлд хандан, цалингаа хоёр дахин нэмэх, улсын наадмыг цуцлахыг шаардсан юм.

Тэгвэл энэ давалгаанд Архангай аймгийн эмч нэр нэгдэн, цалин, урамшууллыг нь нэмэхийг шаарджээ.

Ковид-19 халдварын тархалт орон нутагт нэмэгдэж, шинэ голомтууд үүсч байна. Тухайлбал, Эрүүл мэндийн яамны өнөөдрийн мэдээллээр Улаанбаатар хотод шинээр 1432 тохиолдол, орон нутагт 969 тохиолдол бүртгэгджээ.

Тэгвэл 2021 оны долдугаар сарын 02-ны өдрийн байдлаар 18 аймгийн 168 сум иргэдийн зорчих хөдөлгөөн, төрийн болон хуулийн этгээдийн үйл ажиллагаанд хязгаарлалт тогтоогоод байна.

Тодруулбал,

1.Архангай аймгийн 19 сум бүгд,

2. Хөвсгөл аймгийн 24 сум бүгд

3. Булган аймгийн 6 сум буюу Хутаг-Өндөр, Тэшиг, Могод, Баян-Агт, Сайхан, Баяннуур

4. Төв аймгийн 4 сум буюу Лүн, Баян-Өнжүүл, Зуунмод, Батсүмбэр

5. Сүхбаатар аймгийн 5 сум буюу Онгон, Наран, Дарьганга, Баяндэлгэр, Асгат,

6. Баянхонгор аймгийн 20 сум бүгд

7. Хэнтий аймгийн 18 сум бүгд

8. Дорнод аймгийн 5 сум буюу Халхгол, Матад, Булган, Гурванзагал, Хөлөнбуйр

9. Ховд аймгийн 2 сум буюу Б Манхан, Алтай

10. Дундговь аймгийн 10 сум буюу Сайнцагаан, Дэлгэрхангай, Сайхан-Овоо, Цагаандэлгэр, Өлзийт, Дэрэн, Эрдэнэдалай, Хулд, Адаацаг, Говь-Угтаал

11. Дорноговь аймгийн 14 сум бүгд

12. Сэлэнгэ аймгийн 5 сум буюу Баянгол, Түшиг, Мандал, Цагааннуур, Сүхбаатар

13. Увс аймгийн 7 сум буюу Давст, Малчин, Тэс, Зүүнхараа, Ховд, Завхан, Өмнөговь

14. Өмнөговь аймгийн 15 сум бүгд

15.Дархан-Уул аймгийн 2 сум буюу Дархан, Шарын гол

16.Баян-Өлгий аймгийн 1 сум буюу Булган,

17.Завхан аймгийн 9 сум буюу Баянтэс, Тэлмэн, Ургамал, Сантмаргад, Отгон, Цагаанчулуут, Алдархаан, Идэр, Тэс

18.Говьсүмбэр аймгийн 3 сумд иргэдийн зорчих хөдөлгөөн, төрийн болон хуулийн этгээдийн үйл ажиллагаанд хязгаарлалт тогтоогоод байна.

Иймд дээрх аймаг, сумд руу зорчих иргэд тухайн аймаг, сумынхаа Онцгой комиссоос урьдчилан мэдээлэл авч зорчихыг анхааруулж байна.

Баянхонгор аймгийн Баянцагаан сумын Дэлгэрэх багийн нутаг сумын төвөөс баруун хойд зүгт 38 км-т орших Бургасны-Ам гэдэг газарт долоодугаар сарын 2-ны өдрийн 22:36 цагт 3.6 магнитудын хүчтэй газар хөдлөлт болжээ. Энэ тухай мэдээллийг 22:48 цагт Одон орон, геофизикийн хүрээлэнгээс ОБЕГ-т цахим шуудангаар ирүүлсэн байна.

Тус аймгийн Онцгой байдлын газраар дамжуулан сумын Засаг даргаас тодруулахад иргэдэд чичирхийлэл мэдрэгдээгүй бөгөөд хохирол учраагүй тухай мэдээлсэн байна.

Өнөөдрийн байдлаар коронавируст халдвараар өвчилсөн 370 иргэн эдгэрч эмнэлгээс гарчээ. Хөнгөн хэлбэрээр өвдсөн хүн эдгэснээс хойш долоогоос арав хоногийн дараа халдвар тараахаа больж байгаа учир долоо хоногийн дараа нийгмийн харилцаанд хэвийн орж болно гэв. Хувь хүний дархлааны онцлог, вакцинаа хэзээ хийлгэсэн зэрэг хоёр шалгуурыг үндэслэж, УОК-ын журмын дагуу эдгээд эмнэлгээс гарсан иргэдийг долоо хоног тусгаарлаж байгаа юм. Ийнхүү эдгэрч гарсныхаа дараа халдвар тараасан тохиолдол бүртгэгдээгүй байна. Гэхдээ мутацилагдсан өөр вирусээр өвчлөх магадлал бий гэдгийг анхаарууллаа.

Түүнчлэн өдөрт хоёроос гурван хүн шинж тэмдгийн дуудлагаар халдвартай нь илэрч байгаа бол аймгийн хэмжээнд эх үүсвэр нь тогтоогдоогүй 15 голомт байна гэж мэдээлэв.

Өвөрхангай, Дархан-Уул, Дорнод, Сүхбаатар, Орхон аймагт энэ жил наадам тэмдэглэхгүй байх шийдвэр гараад буйг мэдээлсэн.

Тэгвэл өнөөдрийн байдлаар долоон аймаг наадам тэмдэглэхгүй байх шийдвэр гаргажээ. Тодруулбал,

Сэлэнгэ аймгийн Сүхбаатар сумын Баянхан багийн 4 дүгээр хэсгийн 5 дугаар гудамжинд байшин шатсаны улмаас долоон настай хүүхэд энджээ.

Тухайлбал, Байшин шатсан тухай дуудлагыг долоодугаар сарын 2-ны өдрийн 02:32 цагт өгчээ. Тус аймгийн Онцгой байдлын газрын Гал түймэр унтраах, аврах 36 дугаар ангийн алба хаагчид 3 км замыг туулан 02:36 цагт очиж, 5х7 метрийн хэмжээтэй байшин шатаж байсныг 1 цаг 19 минут ажиллаж унтраажээ. Уг гал түймэрт долоон настай хүүхэд өртөж нас барсан ба цогцсыг Цагдаагийн байгууллагад шилжүүлжээ.