Category: амьдралын-өнгө

Хөвсгөл аймгийн нутагт “50, 100” нэртэй аялал жуулчлалын цогцолбор байгуулсан байна. Барилгын ажил үргэлжилж байгаа аж. Уг цэгт дэлхийн уртраг, өргөргийн огтлолцол оршдог байна.

Дэлхийн уртраг, өргөрөг огтлолцсон цэг дэлхийд дөрөв байдгийн нэг нь энэ буюу Хөвсгөл аймгийн Алаг-Эрдэнэ сум аж. Харин үлдсэн гурав нь Канадын хурдны зам дээр болон Энэтхэг, Номхон далайн усан дунд таардаг юм байна.

Уг аялал жуулчлалын цогцолбор Мөрөн сумаас 45 км зайд оршдог. Цаашид энд жуулчлалын тулгуур төв байгуулах үүднээс тохижуулалт, бүтээн байгуулалтыг улам өргөжүүлэх гэнэ.

Баяр наадмын амралтын өдрүүдэд 13 аймгийн 101 сум зорчих хөдөлгөөнөө нээсэн.

Харин 11 аймгийн 101 суманд хязгаарлалтын дэглэм үргэлжилж байна. Тухайлбал, Дорноговь, Өмнговь зэрэг экспортын бүс нутаг болох аймаг, сумд нийслэлээс иргэдийг нэвтрүүлэхгүй. Гэхдээ хөл хорио тогтоосон аймгуудаар дамжин өнгөрч болохыг аймгийн удирдлагууд хэлж байгаа юм.

Иргэдийн тухайд вакцины хоёрдугаар тунд хамрагдаад 14 хоноогүй болон эхний тунгаа авсан мөн вакцинд хамрагдаагүй бол түргэвчилсэн шинжилгээ өгнө. Харин вакцины хос тунд хамрагдсан, Covid-19 халдвар авч эдгэсэн иргэд түргэвчилсэн шинжилгээ өгөх шаардлагагүй. Гэхдээ аймаг, сумдын Онцгой комисс харилцан адилгүй шаардлага тавьж байгаа юм.

Хөвсгөл аймгийн Цагааннуур сумын хоёрдугаар багийн “Хармай” гэдэг газар долдугаар сарын 10-ны өдрийн 08:29 цагт 3.8 магнитудын хүчтэй газар хөдөлжээ.

Энэ тухай мэдээллийг 08:36 цагт ООГХ-ээс цахим шуудангаар ирүүлсэн талаар ОБЕГ-аас мэдээллээ.

Иргэдэд чичирхийлэл мэдрэгдээгүй бөгөөд хохирол учраагүй байна.

Өвөрхангай аймгийн Бат-Өлзий суманд долдугаар сарын 9-нд их хэмжээний үер бууж, олон тооны мал хорогдсон байна.

Монгол Улсын Ерөнхий сайдын бүрэн эрхэт төлөөлөгч Л.Алтангэрэл Замын-Үүд боомтын үйл ажиллагааг хэвийн горимд шилжүүлэх зорилготой үе шаттай ажлуудыг хийж эхэлжээ.

Тухайлбал, цар тахлын хор уршгийг арилгах, халдвар хамгааллын дэглэм мөрдүүлэх, түүнд тавих хяналтыг чангатгах, эрүүл бүс болох зорилгоор тус сумын зарим багийн нутаг дэвсгэрт 2021 оны долдугаар сарын 10-ны өдрийн 06:00 цагаас 19-ний өдрийг дуустал хэсэгчилсэн хөл хорио, хөдөлгөөний хязгаарлалт тогтоосон байна.

Хэсэгчилсэн хөл хорио, хөдөлгөөний хязгаарлалт тогтоосонтой холбогдуулан Замын-Үүд сумын 160 төрийн алба хаагч нар гудамж, талбай, олон нийтийн газарт хөдөлгөөний хязгаарлалт, хорио цээрийн дэглэмийг сахиулан үүрэг гүйцэтгэж байгаа аж.

Мөн сумын хэмжээнд ариутгал халдваргүйтгэлийн ажил шат дараатай хийгдэж байгаа бөгөөд долдугаар сарын 9-ний өдөр нийтийн эзэмшлийн гудамжинд 66 км талбай буюу 396,000 м.кв талбайд халдваргүйтэл хийгджээ.

Ховд аймаг дахь Цагдаагийн газар баяр наадмын амралтын өдрүүдэд гэмт хэрэг, зөрчлөөс урьдчилан сэргийлэх чиглэлээр Жаргалант сумын нутаг дэвсгэрт морин эргүүлийг ажиллуулж эхэлжээ.

Морин эргүүлийг ажиллуулахад тус аймгийн Засаг даргын Тамгын газар, иргэд дэмжлэг үзүүлэн хамтран ажиллаж байгаа аж.

Амралтын өдрүүд эхлэж байгаатай холбоотойгоор энэ сарын 9-нөөс эхлэн 13 аймгийн 101 сум хязгаарлалтын дэглэмээ сулруулж, зорчих хөдөлгөөнөө нээжээ. Харин үлдсэн 11 аймгийн 100 суманд хязгаарлалтын дэглэм үргэлжилж байна.

Аймаг орон нутаг руу ороход вакцины гэрчилгээтэй, коронавирусийн халдвар авч эдгэсэн бол тухайн иргэнээс түргэвчилсэн шинжилгээ авахгүй юм. Харин вакцины хоёрдугаар тунд хамрагдаад 14 хоноогүй, эхний тунгаа авсан, вакцинд хамрагдаагүй бол тухайн иргэнээс түргэвчилсэн оношлуураар шинжилгээ авах юм байна. Орон нутгийн удирдлагууд хотоос иргэдийг нэвтрүүлэх өөр өөрийн гэсэн шаардлага тавиад байгаа юм.

Иймд хөдөө орон нутгаар аялах иргэд аймагт халдвар тараахгүй байхыг сануулж, халдвар хамгааллын дэглэмээ мөрдөхийг шаардаж байгаа юм.

Засгийн газар, Улсын онцгой комиссоос экспорт, импортын зориулалт бүхий хилийн боомттой аймгуудад хязгаарлалтыг мөрдүүлэх нь зүйтэй гэсэн чиглэл өгсөн бөгөөд баяр наадмын амралтын өдрүүдэд Дорноговь, Өмгөговь аймаг руу зорчиход хязгаарлалтын дэглэм мөрдөж байна.