Category: амьдралын-өнгө

Цасан шуурганы улмаас Ховд аймгийн Манхан, Зэрэг сумын 35 кв-ын цахилгаан дамжуулах шугамын 287 дугаар тулгуур хугарчээ. Улмаар тус аймгийн Зэрэг, Дарви, Цэцэг сум болон Хөшөөтийн уурхайн 2-3 кэмп цахилгаангүй болсон байна. Одоогоор гэмтлийг засварлахаар инженер техникийн ажилтнууд ажиллаж буй бөгөөд цахилгаан ирээгүй байгаа аж.

Энэ талаар “Баруун бүсийн эрчим хүчний систем” ТӨХК-ийн Релей хамгаалалтын албаны дарга П.Давааням “Баруун аймгуудад өчигдрөөс эхлэн хүчтэй шороон шуургатай байна. Шуурганы улмаас өнөөдөр орон нутгийн цагаар 11:00 цагийн орчимд цахилгаан тасарсан. Манай инженер техникийн ажилтнууд агаарын шугамын үзлэг хийгээд, дамжуулах багана унасныг 13:00 цагийн орчимд мэдлээ. Одоогоор Гэмтлийг засварлахаар ажиллаж буй учир айл өрх, албан байгууллагууд цахилгаангүй байна. Харин нэгдүгээр зэргийн хэрэглэгчид болох сумын эмнэлэг, Онцгой байдлын газар дотоод нөөцөө ашиглаж байна” гэлээ.

Архангай аймгийн Хангай суманд газар хөдөлжээ.

Тодруулбал, Архангай аймгийн Хангай сумаас баруун урд зүгт 32 километрын зайд өнөөдөр буюу оны арваннэгдүгээр сарын 3-ны 09:04 цагт 4.3 магнитудын хүчтэй газар хөдлөлт болжээ.

Өнгөрсөн хоногт дотоодод “COVID-19”-ийн халдвар Улаанбаатарт 690-ээр, орон нутагт 331-ээр нэмэгдлээ.

Сүүлийн өдрүүдэд PCR шинжилгээгээр батлагдах халдварын тохиолдол буурч байна.

Орон нутагт илэрсэн тохиолдлыг аймаг тус бүрээр авч үзвэл Дархан-Уул, Орхон аймагт хамгийн олон буюу 47-53 тохиолдол илэрчээ.

Харин Говь-Алтай, Дундговь, Завхан, Сэлэнгэ, Төв, Увс гээд нийт зургаан аймагт халдвар бүртгэгдээгүй бол бусад аймагт 4-45 тохиолдол бүртгэгджээ.

Түүнээс гадна Говь-Алтай, Увс, Завханд хоёр хоног, Дундговьд гурван хоног халдварыхн тохиолдол илрээгүй байна.

Өнөөдрийн байдлаар Улаанбаатар хотод нийтдээ 198,985, орон нутагт 162,127 халдварын тохиолдол тус тус бүртгэгдээд байгаа юм.

Энэ онд Дорноговь аймгийн хэмжээнд 130 тариаланч тариалалт хийж ургац хураалтаа зуун хувь хурааж аваад байна.

Говь нутгийн тариаланчид 19 га-гаас 119.8 тонн төмс, 45 га-аас 279.5 тонн хүнсний ногоо, 32 га-аас 59.5 тонн малын тэжээл тус тус хураан авчээ.

Төмс, хүнсний ногоо, жимс жимсгэнэ, бусад ашигт таримлын үйлдвэрлэл, хэрэглээг нэмэгдүүлэх зорилтын хүрээнд жил бүр тариалан эрхлэгчдийн тоо нэмэгдэж байна хэмээн албаныхан онцлов.

Дорнод аймгийн Булган сумын Баян-Уул багийн Үүдийн жаран гэдэг газар /аймгийн төвөөс баруун урд зүгт 90 км-т, сумын төвөөс зүүн урд зүгт 80 км-т/ хээрийн түймэр гарсан тухай дуудлагыг энэ сарын 28-ны өдрийн 14:50 цагт хүлээн авсан.

Тус аймгийн Онцгой байдлын газрын алба хаагчид ажиллаж түймрийг унтраасан байна. Уг гал түймэрт 12500 га эрүүл талбай шатаж, хохирол амссан байна.

Улсын төсвийн нэг тэрбум төгрөгийн хөрөнгө оруулалтаар Өвөрхангай аймгийн Баянгол суманд шинэ Соёлын төв барьж ашиглалтад оруулаад байна. Хоёр давхар, 24 өрөөтэй, 250 хүний суудалтай уг барилгын ажлыг “Тэрхийн ундраа” ХХК барьж гүйцэтгэжээ.

Баянгол сумын Соёлын төв 1978 онд баригдсан бөгөөд өдгөө хуучирч, соёл, урлагаар иргэдэд үйлчлэх боломж хязгаарлагдмал болсон тул шинэ барилгатай болгох ажлыг УИХ-ын гишүүн С.Чинзориг 2019 оноос хөөцөлдөж эхлүүлсэн аж.

Хээрийн түймэр дэгдэж Сүхбаатар аймгийн Эрдэнэцагаан сумын Хадын булаг багийн Усан хөл гэдэг газарт хээрийн түймэр гарсан байна. Уг дуудлагыг ОБГ-т аравдугаар сарын 28-ны өдөр ирүүлсэн бөгөөд Гал түймэр унтраах, аврах 47 дугаар ангийн алба хаагчид ажиллаж, бүрэн унтраасан.

Сүхбаатар аймагт гарсан энэ түймрээс 4500 га талбай шатжээ.

2021 оны есүгээр сарын байдлаар Монгол Улсад агаарын үнэмлэхүй температурыг авч үзвэл Баянхонгор аймгийн Шинэжинст суманд 33.8 градуст хүрч хамгийн их халсан бол Завхан аймгийн Цэцэн-Уул суманд 17.6 хэмд хүрч хүйтэрсэн байна

ЦУОШГ-ын мэдээгээр есдүгээр сард хур тунадасны нийлбэр хэмжээ Хэнтий аймгийн Дадал суманд 110.5мм-д хүрсэн нь хамгийн их хуртай байсан үзүүлэлт аж. Харин хамгийн их салхины хурд мөн хугацаанд Баянхонгор аймгийн Шинэжинст суманд 29 м/с хүрсэн байна.