Category: спорт

Монголын чөлөөт бөхийн баг тамирчид Дэлхийн аварга шалгаруулах тэмцээнд оролцож эхэлсэн цагаас хойш хамгийн хүнд жинд буюу 125 кг-д хамгийн анхны медалийг М.Лхагвагэрэл эх орондоо авчирлаа.

Тэрбээр “ТОКИО-2020” олимпод тавдугаар байрт шалгарсан. Мөн 23 хүртэлх насны ДАШТ-ий хүрэл медальт, залуучуудын болон 23 хүртэлх насны Ази тивийн мөнгөн медальтай. Үндэсний шигшээ баг, “Даян” дэвжээ, “Жем Интернэшнл” компанийн тамирчин юм.

Өчигдөр тэрбээр 1/8 шигшээд дэлхийн гурван удаагийн аварга Гүржийн алдарт бөх Гено Петриашвилид оноогоор цэвэр ялагдсан ч дагах барилдаанд Австрийн Йоханнес Людуширыг 5:0-ээр, медальтай үлдэх эсэхээ шийдэх шийдвэрлэх барилдаанд энэ жилийн Азийн аварга, Казахстаны туршлагатай бөх Олег Болтиныг 5:3-аар яллаа.

Манай хүнд жингийн бөхчүүдээс насанд хүрэгчдийн ДАШТ-д ОУХМ Ж.Чулуунбат 2011 онд Бакуд, 2015 онд Лас-Вегаст, Н.Золбоо 2017 онд Парист хүрэл медалийн төлөө хүч үзэж хараахан медаль хүртэж чадаагүй байжээ.

Чөлөөт бөхийн дэлхийн аварга шалгаруулах тэмцээн Норвеги улсын Осло хотод болж байна.

Бөхийн төрлүүдийн насанд хүрэгчдийн ДАШТ Норвегийн нийслэл Ослод хоёр дахь өдрөө үргэлжилж байна. “Токио-2020” олимпийн тавдугаар байрын шагналт, 23 хүртэлх насны ДАШТ-ий хүрэл медальт, ОУХМ Мөнхтөрийн Лхагвагэрэл манай бөхчүүдийн салхийг хагалж дагах барилдаанд Австрийн Йоханнес Людуширыг 4:0-ээр яллаа. Ингэснээр тэрээр шөнө ДАШТ-ий хүрэл медалийн төлөөх барилдаанд энэ жилийн Азийн аварга Казахстаны Олег Болтинтой хүч үзэхээр болов.

61 кг-ын жинд “Будапешт-2018” ДАШТ-ий хүрэл медальт, 2014 оны оюутны дэлхийн аварга ОУХМ Түмэнбилэгийн Түвшинтулга хүрэл медалийн төлөө барилдахаар боллоо. Тэрбээр дагахад энэ жилийн 23 хүртэлх насны ЕАШТ-ий хүрэл медальт Туркийн Эмрах Орманоглутай барилдах ёстой байсан ч түүний өрсөлдөгч нь бэртлийн улмаас дэвжээнд гарч ирээгүй. Ингэснээр манай бөх шөнийн 00:00 минутад энэ жилийн Бүх Японы аварга Тошихиро Хасегаватай ДАШТ-ий хос медальтан болох үгүйгээ шийднэ.

Өнөөдөр 13.00 цагаас Эрдэнэт хотод сорил тэмцээн болж, Э.Цэндбаатар болон О.Тулгын хэн ялсан нь ДАШТ-д оролцох эрхээ авахаар байсан. Гэвч Э.Цэндбаатар тодорхойгүй шалтгаанаар сорилд оролцоогүй тул тэмцээнийг цуцалсан.

Ингээд О.Тулга ДАШТ-ний эрх авах нөхцөл үүсээд байв. Тэгвэл Эрдэнэт хотод ДАШТ-ний эрх авсан тамирчдад амжилт хүсэх ёслолын арга хэмжээ болж, О.Тулга эрхээ албан ёсоор авлаа. Тэр өмнө нь сорил тэмцээнд ялалт байгуулж, энэ эрхийн эзэн болоод байсан ч Э.Цэндбаатартай тулалдуулахаар болсон юм.

О.Тулга ард түмнийхээ итгэлийг алдалгүй дэлхийн дэвжээнд тулалдаад ирнэ гэдгээ илэрхийллээ.

Монгол Улсын Гавьяат тамирчин, ДАШТ-ий хүрэл медальт Э.Цэндбаатар өнөө жил ДАШТ-д оролцуулж өгөхийг Монголын боксын холбооноос хадаг барин, өвдөг сөгдөн гуйсан. Улмаар ДАШТ-д өрсөлдөх эрх албан ёсоор аваад байсан О.Тулгатай өнөөдөр сорил хийхээр болсон юм.

Гэвч тодорхойгүй шалтгааны улмаас Э.Цэндбаатар жингээ үзүүлээгүй, тэмцээнд оролцоогүй.

Тэгвэл Э.Цэндбаатар өөрийн цахим хуудсанд 60 кг-ын жинд орсон бичлэгийн хамт “60 кг бол миний үндсэн жин. Жиндээ орох асуудалгүй байлаа. Сөгдөж мөргөж гуйсан. Тиймдээ ч бэлтгэлээ маш сайн хийсэн. Жиндээ орсон. Гэхдээ бүх зүйл санаснаар болсонгүй ээ. Намайг дэмжсэн бүх хүнд баярлалаа” гэжээ.

Монголын Боксын холбооны Удирдах зөвлөлөөс ДАШТ-д оролцох тамирчныг тодруулахын тулд сорилго тэмцээнд ялсан Алдар нийгэмлэгийн тамирчин О.Тулга болон Э.Цэндбаатар нарын хооронд халз тулаан явуулахаар шийдвэрлэсэн тухайгаа мэдээлж байв.

Энэхүү халз тулаан өнөөдөр Эрдэнэт хотын Сэлэнгэ амралтын баазад болох байсан юм.

Дүрмийн дагуу тамирчид өнөөдөр 07:00-08:00 цагийн хооронд эрүүл мэндийн үзлэгт орж, ОУХМ О.Тулга жиндээ тэнцжээ. Тамирчдын эрүүл мэндийг өглөө үздэг аж.

Харин МУГТ Э.Цэндбаатар эрүүл мэндийн үзлэгтээ ирээгүй байна.

Эрүүл мэндийн үзлэгийн цаг хаагдсаны дараа Боксын холбооны Ерөнхий нарийн бичгийн даргаас тэмцээний шүүгчээр ажиллах байсан Ц.Батнасанд мэссэж ирсэн тухай zarig.mn сайтад өгсөн тодруулгадаа ярилаа.

Уг мэссэжээр Д.Цэндбаатарын багш Б.Энхтайван “Бид хоёр маргаашийн сорилд оролцох боломжгүй боллоо” гэдгээ мэдэгджээ. Тэрбээр ямар шалтгаанаар халз тулаанд оролцох боломжгүй болсон нь тодорхойгүй байна.

Д.Цэндбаатар “Намайг Дэлхийн аварга шалгаруулах тэмцээнд явуулах бүх боломжоор хангаж өгөхийг хүсэж байна. Би тэнд өөрийгөө харуулмаар байна.

Би одоо 25 настай. Боксын тамирчны карьер 30 хүрээд л дуусдаг. Өөрөөр хэлбэл, энэ бол миний орох дэлхийн аваргын сүүлчийн тэмцээн. Тиймээс үүнд заавал оролцож, Монголынхоо нэрийг гаргаж, ард түмнээ баярлуулахыг хүсэж байна. Эсвэл дэлхийн аварга шалгаруулах тэмцээнд явуулах тамирчныг сорилоор сонгохыг хүсэж байна” гэсний дагуу Боксын холбооноос О.Тулгатай халз тулалдуулахаар болсон билээ.

“Монголын Боксын Холбоо”-ны Удирдах зөвлөлийн гишүүд Монгол Улсын Гавьяат тамирчин Э.Цэндбаатарын гаргасан хүсэлтийн дагуу ДАШТ-д “Алдар” спорт хорооны тамирчин О.Тулгатай халз өрсөлдүүлэн, ялсныг нь ДАШТ-д явуулахаар шийдвэрлэсэн.

Сорил тоглолт аравдугаар сарын 3-нд 13:00 цагаас Эрдэнэтийн Сэлэнгэ баазад болно. Тэмцээнийг “NTV” телевиз болон сайтаар шууд дамжуулан үзүүлэх бөгөөд үзэгчгүй болох учиртай.

Гавьяат тамирчин Э.Цэндбаатарыг ёс зүйн хариуцлага алдсаны улмаас шигшээ багаас хасаж, ДАШТ-д оролцуулахгүй байх шийдвэрийг гаргаад байсан юм.

Э.Цэндбаатар буруугаа хүлээн уучлалт гуйж, өөрт нь дахин нэг боломж олгох хүсэлтийг гаргасан бөгөөд “Монголын Залуучуудын Холбоо” төдийгүй 2000 гаруй иргэний хүсэлт мөн ирснийг харгалзаж “Монголын боксын Холбоо”-ны УЗ яаралтай хуралдан дээрх шийдвэрийг гаргасан юм.