Category: спорт

Монгол Улсын нийслэл Улаанбаатар хотод ирэх дөрөвдүгээр сард болох бөхийн төрлүүдийн насанд хүрэгчдийн Азийн аварга шалгаруулах тэмцээнд оролцох багаа, үндэсний шигшээ баг тамирчдыг сонгох “Улаанбаатар-2022” Сорилго тэмцээн Сонгинохайрхан дүүргийн спорт хорооны зааланд боллоо.

Тэмцээнд 28 байгууллагын 264 тамирчин эрэгтэй, эмэгтэйчүүдийн тус бүр 10 жинд өрсөлдөв.

Сүүлийн өдөр эрэгтэйчүүдийн 79, 86, 92, 97, 125, эмэгтэйчүүдийн 50, 53, 55, 57, 59 кг-ын жингийн барилдаан боллоо.

“Лондон-2020” олимпын наадам болон “Нур-Султан-2019” ДАШТ-ий хүрэл медальт ОУХМ Б.Болортуяа, “Будапешт-2013” ДАШТ-ий мөнгөн медальт Э.Сумъяа, “Осло-2021” ДАШТ-ий хүрэл медальт Т.Тулга, М.Лхагвагэрэл, Э.Гантуяа, Д.Отгонжаргал нар жиндээ түрүүлж чадаагүй гэж бодохлоор энэ удаагийн тэмцээн ямархуу өрсөлдөөнтэй болсоныг илтгэнэ.

Хаалтын үеэр чөлөөт бөхийн Азийн АШТ-ий алт, мөнгө, хүрэл медальт ОУХМ Мөнхболдын Дөлгөөн, “Осло-2021” ДАШТ-ий тавдугаар байрын шагналт ОУХМ Энх-Амарын Даваанасан нарыг Биеийн тамир, спортын тэргүүний ажилтан тэмдгээр, Баянхонгор аймгийн дасгалжуулагч спортын мастер Совдын Мөнхдуулдах, ОУХМ Цэвээнсүрэнгийн Цогбадрах, Бат-Эрдэнийн Бямбадорж, Зоригтын Болортунгалаг, Хүрэлхүүгийн Болортуяа, Цогт-Очирын Намуунцэцэг нарыг Биеийн тамир, спортын улсын хорооны жуух бичгээр шагналаа.

Хоёр дахь өдрийн дүн:

Эрэгтэйчүүдийн 79 кг:

1. Э.Бямбадорж (Баянхонгор)
2. Д.Батзул (Хасу-Мегастарс)
3. Л.Батбаяр (Женко)
4. А.Дөлгөөн (Хасу-Мегастарс)

86 кг:

1. М.Тэмүүжин (МУБИС)
2. Б.Бат-Эрдэнэ (Хилчин)
3. Б.Цэрэндаш (Орхон, Ирээдүйн одод)
4. Д.Төгс-Эрдэнэ (Хангарьд)

92 кг:

1. Д.Оргилох (Хасу-Мегастарс)
2. М.Цогтгэрэл (Хангарьд)
3. А.Мягмарсүрэн (МУБИС)
4. Н.Шинэтөр (МУБИС)

97 кг:

1. Ө.Батзул (Хангарьд)
2. Ц.Мөнхбаяр (Хангай хүчтэн)
3. Э.Уугангэрэл (Арслан)
4. О.Үйтүмэн (Алдар)

125 кг:

1. Э.Батмагнай (Алдар)
2. М.Лхагвагэрэл (Хилчин)
3. Ч.Алтангэрэл (Хилчин)
4. Б.Нямсамбуу (Аврагч)

Эмэгтэйчүүдийн 50 кг:

1. Ц.Намуунцэцэг (Хасу-Мегастарс)
2. Д.Отгонжаргал (Женко)
3. Б.Энхзул (Хилчин)
4. Б.Мөнхнар (Алдар)

53 кг:

1. Б.Хулан (Аврагч)
2. Б.Болортуяа (Женко)
3. М.Мөнхгэрэл (МЖ клуб)

55 кг:

1. Г.Отгонжаргал (Алдар)
2. Б.Энхцэцэг (Хилчин)
3. А.Наранцацрал (Аваргууд академи)
4. М.Дөлгөөн (Налайх)

57 кг:

1. Х.Болортуяа (Аврагч)
2. Э.Сумъяа (Хилчин)
3. Б.Марал (Женко)
4. П.Шинэхүү (Алдар)

59 кг:

1. Б.Шоовдор (Аврагч)
2. Б.Сансармаа (Архангай)
3. Ц.Должинсүрэн (Архангай)
4. Б.Эрдэнэсувд (Женко)

Монгол Улсын гавьяат тамирчин Т Н.Төгсцогт мэргэжлийн боксын ээлжит тулаанаа АНУ-ын боксчин, энэ жил 29 настай Виктор “Vicious” Пасильястай хийх гэж байна.

Тулаан энэ сарын 22-нд буюу ирэх бямба гарагт болох товтой байна.

Тулаан Нью Жерси мужийн Атлантик сити хотноо, “Borgata Hotel & Casino” цогцолборт болох учиртай. Энэ үдшийн Co-main event юм.

Мөн тус өдрийн гол тулаан нь WBC-ийн 57,2 кг-ийн дэлхийн аварга Гэри Рассель болон Филиппиний Марк Магсайо нарын хооронд болно. Рассель манай Төгсцогттой 2020 оны хоёрдугаар сард тулалдан аваргын бүсээ хамгаалснаас хойш ганц ч тулаан хийгээгүй байгаа билээ.

Мемфис Гриззлэс, Даллас Маврикс багууд улирлын ээлжит учраа таарсан тоглолтоо хийж, 112:85 харьцаагаар Даллас хожлоо. Энэ тоглолтын өмнө Мемфис 11 тоглолт дараалан өрсөлдөгчдөө хожоод байсан бол өнөөдөр тэдний хожлын цувралыг Лука тэргүүт Маврикс багийнхан зогсоолоо.

Өнөөдрийн тоглолтод Далласаас Лука Дончич 27 оноотой трибл дабл гүйцэтгэж багаа манлайлсан бол түүнээс гадна 6 тоглогч 10-аас дээш оноо авч хожилд хувь нэмрээ оруулсан байна. Харин Мемфисээс Жа Морант 19 оноо 8 дамжуулалт, Дэсмонд Бэйн 16 оноо 6 самбар авчээ.

Алтай Таван Богдын Хүйтний оргилд Монгол Улсын гавьяат тамирчин, Олон улсын хэмжээний мастер Б.Гангаамаа, Олон улсын хэмжээний мастер Д.Эрдэнэтогтох, Спортын мастер Ч.Ариунзул нар Монголын хамгийн өндөрт тооцогддог Алтай таван богдын Хүйтний оргилд амжилттай гарчээ.

Тэд Хүйтний оргилд өвлийн улиралд гарсан анхны эмэгтэй уулчдын баг болж байгаа юм. Авиралт хийж байх үед агаарын температур 21-51 хэм хүйтэн байжээ.

Нийт 11 хоног авирахдаа өглөөдөө шар тостой гурил, өдөртөө талх, оройдоо аяга шөл ууж явсан бөгөөд 60 гаруй км замыг чарга чирээд алхаж туулсан байна.

Уулчин бүхний тэсвэр тэвчээр, ур чадвар, хатуужлыг шалгадаг өндөр хайрханы нэгд зүй ёсоор ордог Хүйтний оргилд Монголын гурван эмэгтэй уулчин өвлийн цагаар авирч, анх удаа эмэгтэй уулчид тус оргил дээр гарсан амжилтыг тогтоосон байна. Тэд замдаа хацраа хайрах зэргээр багагүй бэрхшээлийг давж гарсан бөгөөд энэ авиралтынхаа талаар тэд баримтат кино хийхээр төлөвлөжээ.

АНУ-ын Аризона мужид өнгөрсөн сарын 27-ноос энэ сарын 7-ны хооронд он дамжин зохион байгуулагдсан “Across the Years” арван өдөр, шөнийн гүйлтэд хэт холын зайн гүйлтийн олон улсын тэмцээний найман удаагийн аварга Бямбаагийн Буджаргал оролцож байгаа талаар бид өмнө нь мэдээлсэн.

Тэрбээр 10 өдөр, 10 шөнийн хугацаанд 1111 км замыг туулж тус тэмцээнд түрүүлсэн байна. Ийн тэрбээр олон өдрийн хэт холын зайн гүйлтийн тэмцээнд ес дэх удаагаа аваргаллаа.