Денвэр Наггетс, Брүүклин Нетс багууд улирлын ээлжит учраа таарсан тоглолтоо хийж, 124:104 харьцаагаар Наггетс хожлоо. Ингэснээр Брүүклин Нетс баг сүүлийн найман тоглолтдоо дараалан хожигдоод байгаа юм.
Өнөөдрийн тоглолтод Наггетсаас Никола Йокич 27 оноотой трибл дабл, Вилл Бартон 21 оноо 6 самбар авсан байна. Харин Нетсээс Кайри Ирвинг 27 оноо 11 дамжуулалт, Блэйк Гриффин 19 оноо 4 самбар авчээ.
Уран гулгалтын багийн тэмцээний үзүүлбэрийн дараа ОХУ-ын баг Бээжингийн Олимпийн наадмын медалийн жагсаалтад тэргүүлж байна.
Өнөөдөр болсон уран гулгалтын багийн тэмцээнд ОХУ-ын баг алтан медаль хүртсэн байна. Хоёрдугаар байрыг АНУ-ын уран гулгагчид, гуравдугаар байрыг Японы тамирчид тус тус эзэлжээ.
Оросын тамирчид нийтдээ хоёр алт, хоёр мөнгө, хоёр хүрэл медаль хүртсэн байна. Тус улсын баг тамирчдын анхны алтан медалийг цаначин Александр Большунов скиатлоны төрөлд авчирчээ. Мөнгөн медалийг цаначин Наталья Непряева, Денис Спицов нар скиатлоны төрөлд, хүрэл медалийг Анастасия Смирнова цанын чөлөөт үзүүлбэрийн “могул” төрөлд, мөн биатлончдын холимог буухиа төрөлд хүртсэн байна.
Медалийн жагсаалтад хоёрдугаар байранд Норвегийн баг (2-0-1), гуравдугаар байранд Шведийн баг тамирчид (2-0-0) бичигдэж байна.
ОХУ-ын уран гулгагч Камилла Валиева багийн тэмцээний эмэгтэй ганцаарчилсан төрөлд тэргүүлж, улмаар багаараа алтан медаль хүртсэн билээ. Тэрээр үзүүлбэрийнхээ үеэр дөрвөлсөн сальхов-гурвалсан аксель, дөрвөлсөн тулуп-гурванлсан аксель-гурвалсан риттбергер эргэлтүүдийг чадварлаг гүйцэтгэсэн юм. Ингэснээр тэрээр олимпын наадамд дөрвөлсөн эргэлт амжилттай гүйцэтгэсэн анхны эмэгтэй уран гулгагч болж түүхэнд бичигдлээ.
Үзүүлбэрийнхээ хоёрдугаар хагаст дөрвөлсөн тулуп гүйцэтгэхдээ унасан ч тэрээр 178,92 оноо авч нэгдүгээр байрт орсон юм.
24 дэх удаагийн Өвлийн олимп БНХАУ-ын Бээжин хотноо 2022 оны хоёрдугаар сарын 4-нд эхэлсэн. Өвлийн олимпын хүрээнд хоёрдугаар сарын 7-ны даваа гарагт болох спортын үйл явдлуудын хуваарийг хүргэе.
Уулын цана
Биатлон
Кёрлинг
Уран гулгалт
Цанын фристайл төрөл
Хоккей
Чарга
Шорт Трек
Трамплин
Сноуборд
Тэшүүр
Өвлийн олимпыг манай улсын хоёр тамирчин зорьсон.
Жүдо бөхийн оны нэхний том тэмцээн Парисын их дуулга хоёрдугаар сарын 5-6-ны хооронд болж Монголын баг тамирчид амжилттай оролцлоо.
Шигшээ баг 13 тамирчны бүрэлдэхүүнтэй Парисыг зорьж нийт 2 алт, 1 мөнгө, 1 хүрэл медаль хүртэн багийн дүнгээр гуравдугаар байр эзэллээ.
Нэгдүгээр байранд Япон 7 алт, 5 мөнгө, 6 хүрэл, хоёрдугаарт Франц 3 алт, 1 мөнгө, 7 хүрэл медальтай тэргүүлсэн бол Гүржийн шигшээ баг 1 алт, 1 мөнгө, 2 хүрэл медальтайгаар дөрөвдүгээр байрт жагслаа.
Нийт 52 орны 285 тамирчин оролцсон тэмцээнд 154 эрэгтэй, 131 эмэгтэй тамирчид байснаас Монгол Улсаас 8 эрэгтэй, 5 эмэгтэй байв.
Монголын шигшээ багаас:
Монголын сагсан бөмбөгийн 2022 оны дээд лигийн бүх одын тоглолтын хөтөлбөр гарчээ. Бүх одын тоглолтын хөтөлбөрт залуу оддын тоглолт, ур чадварын тэмцээн, 3 онооны тэмцээн, special match, үзэгчдийн тэмцээн, бөмбөрийн үзүүлбэр, бүх одын тоглолт, цагирган дээрх үзүүлбэр, slam dunk тэмцээн багтжээ.
Сагсан бөмбөгийн 2022 оны дээд лигийн бүх одын тоглолт энэ сарын 12-нд Мөсөн өргөөнд 13:00 цагт эхэлнэ.
Африк тивийн хөл бөмбөгийн аварга шалгаруулах 33 дахь удаагийн тэмцээн “Africa Cup of Nations (AFCON)”-ийн финалын тоглолт өнгөрсөн шөнө Сенегал, Египетийн хооронд боллоо.
Английн Ливерпүүл клубийн довтолгооны хослол болох Садио Мане, Мохамед Салах нар энэ өдөр нэгнийхээ эсрэг тоглосон бөгөөд үндсэн болон нэмэлт цаг 0-0 харьцаагаар өндөрлөсөн.
Улмаар пенальти цохиход 4-2 харьцаагаар Сенегалын шигшээ баг хожин Африк тивийн аварга боллоо. Сенегалын шигшээ багаас баруун жигүүрийн хамгаалагч Буна Сарр цохилтоо алдсан бол Египетийн шигшээ багаас төвийн хамгаалагч Мохамед Абделмонем, Мохамед Лашин нар цохилтоо алдсан. Сенегалын хаалгач, Челси клубийн Эдуар Менди Лашины цохилтыг хаасан.
1957 оноос хойш зохиогдсон тэмцээнд Сенегал ийнхүү анх удаа түрүүлсэн бөгөөд 2002 онд Камерунд, 2019 онд Алжирт хожигдон мөнгөн медаль хүртэж байв.
Харин зохион байгуулагч Камеруны шигшээ баг хүрэл медалийн төлөө Буркина Фасотой тоглон 3-3 харьцаагаар тэнцэж мөн пенальти цохин хожсон.
Тэмцээний шилдэг тоглогчоор Садио Мане, шилдэг хаалгачаар Эдуар Менди тодорсон бол мэргэн буучаар 8 гоолтой, Камеруны Винсент Абубакар шалгарлаа.
Сагсан бөмбөгийн 3х3 төрлийн U16 /16 хүртлэх/ насны Монгол Улсын аварга шалгаруулах тэмцээн энэ сарын 19-23-нд “Royal 3×3 Event Hall”-д зохион байгуулна.
Энэ удаагийн УАШТ-ээс 2022 онд ОХУ-ын Владивосток хотод болох Азийн хүүхдийн наадамд оролцох Монгол Улсын U16 насны шигшээ багийг сонгон шалгаруулах юм.
Сагсан бөмбөгийн 3х3 төрлийн U16 насны УАШТ-д 2006 оноос хойш төрсөн тамирчид оролцох бөгөөд хот, аймаг, дүүрэг, сургууль, клубийн багууд өрсөлдөж шилдгүүдээ тодруулна.
Сноуборд /Snowboard/-ын тамирчин чин Зои Садовски-Синнотт /Zoi Sadowski-Synnott/ Бээжингийн өвлийн олимпын наадмаас өнөөдөр болсон эмэгтэйчүүдийн слоупстайл төрөлд нэгдүгээр байр эзэлж, Шинэ Зеландын анхны алтан медалийг хүртлээ. Энэ нь Шинэ Зеландын хувьд өвлийн олимпоос авч буй анхны алтан медаль юм.
Зои Садовски-Синнотт тэмцээний сүүлийн гараанд АНУ-ын тамирчин Жулиа Марино /Julia Marino/-г гүйцэж, 92.88 оноогоор ийнхүү аварга боллоо.
Иван Ярыгиний Гранпригийн сүүлийн өдөр эмэгтэйчүүдийн 72 кг-ын жинд өнгөрсөн жилийн Ослогийн ДАШТ-ий V байрын шагналт “Алдар” спорт хорооны тамирчин ОУХМ Энх-Амарын Даваанасан мөнгөн медалийн эзэн боллоо.
Ийнхүү тэрбээр сүүлийн дөрвөн жил дараалан тус тэмцээнээс медаль (2019 онд мөнгө, 2020, 2021 онд хүрэл медаль хүртэж байв) зүүгээд байна. Э.Даваанасан алтан медалийн төлөөх барилдаанд эзэн орны бөх Ксения Бураковатай барилдав. Түүнтэй нэг хэсэгт таарч барилдаж ялагдсан бөгөөд финалд дахин таарч цэвэр ялагдав.
Энэ жинд барилдсан Орхон аймгийн “Ирээдүйн одод” сургуулийн тамирчин, Замын-Үүдийн уугуул охин Доржсүрэнгийн Цогзолмаа хүрэл медалийн төлөөх барилдаанд Беларусийн Анна Маслаковаг цэвэр дарж тус тэмцээнээс анхны медалиа хүртсэн.
Манай бөх өмнөх өдөр нь хэсэгтээ түүнийг ялсан бөгөөд медальтай үлдэх эсэхээ шийдэх барилдаанд дахин яллаа.