Category: спорт

Categories
мэдээ спорт

Гавьяат тамирчин Ц.Цогтбаатар “Улаанбаатар-2023” наадмын элч төлөөлөгч болов DNN.mn

“Токио-2020” олимпын хүрэл мeдальт, жүдо бөхийн дэлхийн аварга, Монгол Улсын гавьяат тамирчин Цэнд-Очирын Цогтбаатарыг “Улаанбаатар-2023” Зүүн Азийн залуучуудын наадмын элч төлөөлөгчөөр томилсны дагуу “Улаанбаатар Зүүн Азийн залуучуудын наадам зохион байгуулах хороо” ХК-ийн гүйцэтгэх захирал П.Буяндэлгэр гэрчилгээг нь гардуулан өглөө.

Элч төлөөлөгч нь спортын салбарын олон талт хамтын ажиллагааг өргөжүүлэхэд дэмжлэг үзүүлж, “Улаанбаатар-2023” Зүүн Азийн залуучуудын наадмыг эх орондоо болон олон улсад сурталчлан таниулах юм.

Монгол Улсын 2022 оны шилдэг тамирчнаар тодорч, “Бөртэ чоно” шилжин явах цомын эзэн болсон Ц.Цогтбаатарын хувьд энэ онд “Ташкент 2022” дэлхийн аварга шалгаруулах тэмцээний алтан медаль, Улаанбаатарын их дуулгын мөнгөн медаль, Парисын их дуулгын хүрэл медаль хүртээд байгаа билээ.

“Улаанбаатар 2023” Зүүн Азийн залуучуудын наадам нь 2023 оны наймдугаар сарын 16-23-нд Монгол Улсын нийслэл Улаанбаатар хотноо болно. Наадамд Зүүн Азийн бүс нутгийн есөн Үндэсний олимпын хорооны өсвөрийн залуу тамирчид спортын 12 төрлөөр хурд, хүчээ сорин өрсөлдөх юм.

Монгол Улсад Зүүн Азийн бүсийн спортын олон төрөлт залуучуудын наадмыг анх удаа зохион байгуулснаар олимпизмын үзэл санааг түгээн дэлгэрүүлэх, сурталчлахад үнэтэй хувь нэмэр оруулна. Мөн Зүүн Азийн бүс нутгийн шинэ залуу тамирчдыг нээн илрүүлж, харилцаа холбоог бэхжүүлэн нөхөрлүүлж, тэдэнд 2028 болон 2032 оны Олимпын наадамд оролцох хүсэл зоригийг төрүүлэх зэрэг олон ач холбогдолтой юм.

Categories
мэдээ спорт

Ц.Цогтбаатар “Улаанбаатар 2023” Зүүн Азийн Залуучуудын наадмын элч боллоо DNN.mn

Абу Даби-2021: Ц.Цогтбаатар алтан медаль хүртэж, дэлхийн чансааг тэргүүлж эхэллээ

Монголын үндэсний олимпийн хороо /МҮОХ/-ны тэргүүн дээд шагнал 2022 оны “Бөртэ чоно” цом хүртсэн Цэнд-Очирын Цогтбаатар 2023 онд Монгол Улсын нийслэлд болох “Улаанбаатар 2023” Зүүн Азийн Залуучуудын наадмын элч төлөөлөгч болжээ.Токиогийн олимпын хүрэл медальт, гавьяат тамирчин Ц.Цогтбаатар 2022 оны жүдо бөхийн дэлхийн аварга болсон амжилтаараа энэ оны “Шилдгийн шилдэг тамирчин”-аар тодорч, “Бөртэ чоно” шилжин явах цомын эзнээр шалгарсан билээ.

Categories
мэдээ спорт

Лионель Месси: Би шигшээ багтаа үлдэнэ DNN.mn

Дэлхийн аваргын түүхэн дэх хамгийн гайхалтай шигшээ тоглолтын нэгийг дэлхий нийт үзэж сонирхов. Мөн Лионель Месси аваагүй байсан ганц цомоо хүртэж Марадона, Пелетэй эн зэрэгцэв. Катарын Лусаил цэнгэлдэхэд гал гарч, аянга буусан тоглолтыг цэнхэр гаригийн 5.5 тэрбум хүн үзжээ.

Аргентины шигшээ багийн довтлогч, ахлагч Лионель Месси ДАШТ-д түрүүлснийхээ дараа сэтгэл хөдлөлөө хуваалцаж, шигшээ багийнхаа бүрэлдэхүүнд үргэлжлүүлэн тоглохоор төлөвлөж байгаагаа мэдэгджээ.

Харин Месси өөрөө тоглолтын дараа “Зүгээр л итгэмээргүй. Бурхан надад энэ цомыг өгнө гэдгийг би мэдэж байсан. Энэ бол бидний хувьд гайхалтай баяр баясал. Үүнийг би удаан хугацаанд мөрөөдөж ирлээ. Замналаа дэлхийн аваргаар өндөрлүүлэхийг хүсч байлаа. Үүнээс илүүг би хүсэхгүй ээ. Одоо яах вэ гэж үү? Би Копа Америка болон дэлхийн аваргад түрүүллээ. Би хөлбөмбөгт хайртай. Шигшээ багтаа тоглох дуртай. Тиймээс дэлхийн аваргын хувиар дахиад хэдэн тоглолтод оролцохыг хүсч байна. Мэдээж би карьераа энэ тоглолтоор дуусгахыг хүссэн, үүнээс өөр зүйлийг би бурханаас гуйж чадахгүй. Тэр надад бүх зүйлийг өгсөн. Бурхандаа баярлалаа. Карьераа ингэж дуусгах нь үнэхээр гайхалтай. Гэсэн ч би шигшээ багтаа тоглох дуртай, дэлхийн аварга болсон тул дахин хэд хэдэн тоглолтод оролцохыг хүсч байна” гэж “TyСsports”-д мэдээлсэн байна.

Тоглолтын дараа хөлбөмбөгийн шилдэг тайлбарлагчдын нэг алдарт Питр Друри өчигдрийн тоглолтын дараа “Месси эцсийн оргилоо эзэллээ. Лионель Месси диваажинтай гар барилаа. Месси энэ сайхан тоглоомыг бусдаас илүү чимдэг. Тэр энэ тоглоомоос хүртэж болох хамгийн том чимгээ хүртлээ. Мессид энэ мөч тун их утга учиртай. Түүний мөрөөдөл биелж, дундуураа дүүргэлээ. Тэр үүнийг хийлээ” гэжээ. Харин Аргентины дасгалжуулагч Лионель Сколани “Үнэхээр бахархаж байна. Өнөөдөр би эрх чөлөөг мэдэрч байна. Баг минь надад баяр бахдал авчирлаа. Тэд энэ бүхнийг өөрсдөө бүтээлээ” гэсэн бол тоглолтын гол баатруудын нэг хаалгач Эмилиано Мартинез “Бид тоглолтыг удирдаж чадаж байсан ч өөрсдийгөө хүнд байдалд оруулчихсан. Франц бараг л хожлын гоол оруулах дөхлөө. Гэхдээ бурхандаа баярлалаа, бид энд зогсож байна. Дэлхийн аварга бол миний мөрөөдөл. Одоо мэдэрч байгаа бүхнээ юу гэж илэрхийлэхээ мэдэхгүй байна” гэсэн бол багийн хагас хамгаалагч Родриго де Паул “Бид шударга ялагчид болсон. Аварга болохын тулд аваргыг ялах ёстой. Бид чадлаа. Энэ баяр баяслыг үгээр илэрхийлэх боломжгүй” гэжээ.

Тус тоглолтын шилдгээр Лионель Месси шалгарч, алтан бөмбөг хүртсэн. Харин Мбаппе мэргэн буучаар тодорсон бол Эмилиано Мартинез алтан бээлий, Энцо Фернандез шилдэг шинэ залуу тоглогч болсон юм.

Г.АМАРСАНАА

Categories
мэдээ спорт цаг-үе

Лионел Месси мөрөөдлөө биелүүлж, Аргентин дэлхийн гурван удаагийн аварга боллоо DNN.mn

Ням гаригийн орой Катар 2022 хөл бөмбөгийн ДАШТ-ий шигшээ тоглолт Аргентин, Францын багуудын хооронд өрнөж, тус тэмцээний түүхэнд хоёрт орох олон гоолтой өндөрлөлөө.

Үндсэн болон нэмэлт цагт тус бүр гурван гоолтой тэнцсэн багууд торгуулийн цохилтоор тоглолтын хувь заяаг шийдэхэд Аргентинчууд 4:2 харьцаагаар илүүрхсэн юм.

Аргентины од Лионел Месси ийнхүү мөрөөдлөө биелүүлж, үндэсний шигшээ багийнхаа гурав дахь дэлхийн аваргын цомыг өргөлөө.

Францын залуу од Килиан Мбаппе түүний замд саад болох гол хүн болж, ДАШТ-ий шигшээ тоглолтын түүхэнд хэт трик (гурван гоол) хийсэн хоёр дахь тамирчин болсон ч Аргентины шигшээ багийг хожиж чадсангүй.

Lionel Messi has finally won the FIFA World Cup, and can claim to be the greatest male footballer of all time - ABC News

Өмнө нь зөвхөн 1958 оны ДАШТ-ий шигшээ тоглолт долоон гоолтой (Бразил:Швед 5:2) өндөрлөж байсан нь өчигдрийн тоглолтын дээр гарах үзүүлэлт байв.

Өөр гурван шигшээ тоглолт 1930, 1938, 2018 онуудад зургаан гоолтой өндөрлөж байсан ч 4:2 харьцаагаар дуусаж байжээ.

Харин өчигдрийн тоглолт нийт зургаан гоолоор 3:3 харьцаатай тэнцэж өндөрлөсөн ДАШТ-ий цорын ганц шигшээ тоглолт болж байна.

Килиан Мбаппегаас өмнө шигшээ тоглолтод хэт трик хийсэн ганцхан тохиолдол байсан нь 1966 оны ДАШТ-д гаргасан Жоф Харстын үзүүлэлт байжээ.

Үүнээс гадна өчигдрийн тоглолт ДАШТ-ий шигшээ тоглолт торгуулийн цохилтоор шийдэгдсэн гурав дахь тохиолдол болж, түүхэнд бичигдэж байна.

Лионел Месси авсан цомынхоо цуглуулгад дутаж байсан хөл бөмбөгийн ДАШТ-ий цомыг ийнхүү нэмж авлаа.

Тэрбээр Ballon d’Or шагналыг долоон удаа, Аваргуудын Лигийн цомыг дөрвөн удаа, Копа Америка тэмцээний цомыг нэг удаа, Испанийн Ла Лигагийн аваргын цомыг 10 удаа, Францын Ligue 1 лигийн цомыг нэг удаа тус тус өргөж байсан юм.

Аргентины шигшээ баг гурван удаа (1978, 1986, 2022) дэлхийн аварга болсон амжилтаар улс орнуудаас дөрөвдүгээрт бичигдэх боллоо.

Одоогоор ДАШТ-д Бразил 5 удаа, Герман, Итали 4 удаа тус тус түрүүлсэн бол Аргентин 3 түрүүлээд байгаа юм.

Messi-led Argentina defeats France on penalties to cap thrilling men's World Cup final | CBC Sports

Франц болон Уругвайн шигшээ багууд хоёр түрүүтэй, Англи, Испанийн шигшээ багууд нэг нэг түрүүтэй удаалцгааж байна.

ДАШТ-ий цомыг нийт 8 улс өргөж байснаас шигшээ тоглолтод хоорондоо хамгийн олон удаа буюу гурван удаа таарсан багууд нь Аргентин, Герман хоёр юм.

Эдгээр шигшээ багууд 1986, 1990, 2014 онуудын ДАШТ-д аваргын цомын төлөө тоглоход зөвхөн 1986 онд Аргентины шигшээ хожиж байжээ

Categories
мэдээ нийгэм спорт

Э.Содномпилжээ дэлхийн цомоос мөнгөн медаль хүртжээ DNN.mn

АНЭУ-ын Дубай хотод пара пауэрлифтингийн дэлхийн цомын аварга шалгаруулах тэмцээн боллоо. Энэ удаагийн дэлхийн цомд Монгол Улсаас гавьяат дасгалжуулагч Д.Баттулгын удирдлага дор Үндэсний шигшээ багийн тамирчин, паралимпын алт, хүрэл, ДАШТ-ий хошой аварга, Хөдөлмөрийн баатар, гавьяат тамирчин Э.Содномпилжээ өрсөлдлөө. Э.Содномпилжээ 107 кг-ын жинд цээжнээс 250 кг-ыг шахсанаар мөнгөн медаль хүртлээ. Түүний оролцсон жинд Иран Улсын тамирчин алтан медаль хүртсэн бол Йордан Улсын тамирчин хүрэл медаль хүртсэн байна.

Categories
мэдээ онцлох-нийтлэл спорт туслах-ангилал

Хөлбөмбөг тайлбарлагч Б.Батзаяа: Энэ жил Аргентин түрүүлэх болов уу л гэж харж байна DNN.mn

Хөлбөмбөг тайлбарлагч Б.Батзаяатай ярилцлаа.

-Энэ жилийн хөлбөмбөгийн ДАШТ-ий онцлог юу вэ?

-Энэ жилийн онцлогийг шөвгийн наймаас эхэлж ярья. Африкийн баг дөрөв дэх удаагаа шөвгийн наймд үлдлээ. Хамгийн том сенсацийг тарьсан баг Африкийн Марокко болж байна. Хамгийн шуугиан тарьсан тоглолт нь Англи-Франц гэсэн гоё тулаан боллоо. Сонгодог тоглолт болсон.

-Хөлбөмбөг даяаршиж Саудын араб Аргентиныг хожиж байна. Хөлбөмбөгийн даяаршлын тухай мэдээлэл уншигчдад маань өгөөч?

-Хөлбөмбөг даяаршиж Саудын Араб Аргентиныг хожиж байгаа нь үнэн. Яагаад гэвэл багууд яаж хамгаалах учраа олчихсон байна. Том багуудыг сайн хамгаалж байгаа юм чинь хамгаалж байгаад сөрөг довтолгоо хийх арга барил маш чухал болоод байна.

-Азийн хөлбөмбөгийн хөгжил хэрхэн явагдаж байна вэ?

-Азийн хөлбөмбөг өндөр хөгжиж байна. Азиуд европт тоглож байна. Европууд ч энд тэндгүй тоглох боломж бүрджээ. Европын тамирчдаар дамжуулаад азид ч хөлбөмбөг эрчимтэй, хурдтай хөгжиж байна.

-Манай улсын хөлбөмбөгийн хөгжил ямар шатандаа явж байна вэ?

-Манай хөлбөмбөгийн хөгжил сүйдтэй ахисан зүйл байхгүй. Яагаад гэвэл улстөрчид Хөлбөмбөгийн холбоог удирддаг. Сонгуульд нь улс төрийнхөн оролцдог учраас хөлбөмбөгийн хөгжил Монголд төдийлөн хөгжихгүй байгаа.

-Манай улсад хөлбөмбөг үзэх соёл хэр байна вэ?

-Манайх хөлбөмбөг үзэх соёлд нэлээд суралцаж байгаа. Үүнд практик их чухал л даа. Хүмүүс гадны соёлыг нутагшуулж байж өндөр зэрэглэлийн үзэгчид бий болно.

-Та тав дахь ДАШТ-ээ тайлбарлаж байгаа. Энэ хугацаанд хамгийн сэтгэлд үлдсэн ДАШТ юу байв?

-Хамгийн сэтгэлд үлдсэн хөлбөмбөгийн ДАШТ бол мэдээж 2006 оны дэлхийн аварга. Яагаад гэвэл 2006 онд Монголд анх удаа дэлхийн аваргыг шууд дамжуулж эхэлсэн. Тэр үед тайлбарлагч, хөтлөгч тусдаа байдгийг сайн мэдэхгүй би ганцаараа тайлбарлагчаар ажиллаж байсан.

Дэлхийн аварга дуустал ганцхан тайлбарлагч ажилласан эхний бөгөөд сүүлийн ганц тохиолдол байсан байх. Тухайн үед Монгол Улсын хэмжээнд ч сайн мэддэггүй байсан үе. Түүнээс хойш ерөнхийдөө олон тайлбарлагч ажиллах ёстой юм байна гэдгийг ойлгосон. 2008 оны Европын аваргыг бас ганцаараа тайлбарлаж байлаа.

-Жил жилийн хөлбөмбөгийн ДАШТ дуугаараа байлдан дагуулдаг. Хамгийн гоё дуутай хөлбөмбөгийн ДАШТ хэзээнийх вэ?

-Хамгийн гоё сэтгэлд үлдсэн дуу нь 1998 онд Рикки Мартинигийн дуулсан “The cup of life” гэх дуу их гоё. Мэдээж 2010 оны ДАШТ-ий Шакирагийн дуулсан “Waka waka” болон Кока колагийн нэрэмжит “Wavin’ Flag” бас их гоё. Гэх мэтээр сэтгэлд үлдсэн гоё дуунууд бий, бий.

-20 гаруй жил хөлбөмбөг тайлбарлахад дуу дүрс хэрхэн өөрчлөгдөв?

-Энэ хугацаанд дүрс мэдээж хамаагүй гоё болсон. Hd болсон яваандаа бас 4к дүрс рүү шилжих байх. Энэ жилийн зарим дүрсүүд 4к-гаар явж байсан. Тэр нь хамаагүй өөр өндөр нягтралтай болсон.

-Таны таамгаар энэ жил аль улсын баг түрүүлэх вэ?

-Одоо шөвгийн дөрөвт үлдсэн багуудыг харахад Франц түрүүлэх магадлал өндөртэй. Гэхдээ миний хүсэл бол Аргентиныг түрүүлээсэй гэж харж байна. Гэхдээ тоглолтыг харахад Аргентин Францын эсрэг тоглолтод хожчих боломж харагдаад байгаа. Тиймээс би Аргентиныг түрүүлэх болов уу гэж харж байна.

-Энэ жилийн ДАШТ 32 баг оролцож байгаа сүүлийн тэмцээн. 48 баг ороод эхлэхээр ачаалал нэмэгдэх байх даа?

-48 баг оролцож эхэлбэл ачаалал мэдээж нэмэгдэнэ. Тухайн үедээ л ямар байх нь уу ярья даа.

-Нэгэн үе хамтран тайлбарлаж явсан Э.Балжинням агсныг энэ цаг үед хөлбөмбөг үздэг хүн бүхэн дурсаж байна. Та түүнтэй холбоотой дурсамжаасаа хуваалцаач?

-Талийгаачтай холбоотой дурсамжууд зөндөө байгаа. 2004 онд анх би тайлбарлаж эхэлсэн. Балжаа ах 2006 оноос Тв9 телевизээр анх тойм тайлбарлаж эхэлсэн.

Сүүлд бид хоёр ах дүүс шиг маш сайн ойлголцдог болчихсон байсан. Маш их дурсамжууд байна. Түүн дотроос ах дүүс шиг болсон нь хамгийн сайхан нь юм даа.

-Тайлбарлалтыг хэт их ярьж байна, өөрсдийн дүгнэлтээ тулгаж байна гэх мэтээр шүүмжүүд бас их явж байна. Шүүмжлэлийн хариуд юу хэлэх вэ?

-Хүн болгон л янз янзаар хэлдэг. Би яаж ч тайлбарласан таалагдахгүй хүмүүс зөндөө байгаа шүү дээ. Би заавал бага ярья, өөрийнхөө дүгнэлтийг хэлэхгүй байя гэж боддоггүй. Тиймэрхүү зүйлүүд зөндөө л байдаг. Түүнийг үзэгчдэд өөрсдөд нь үлдээдэг. Би бол шүүмжлэлийг сайн хүлээж авдаг. Маш их шүүмжлүүлсэн. Шүүмжлүүлсэн болохоороо ч энэ зэрэгтэй сайжирч байгаа байх гэж боддог.

Categories
мэдээ спорт

Г.Анужин дэлхийн аваргын VIII байрт шалгарлаа DNN.mn

Колумба Улсын Богота хотод хүндиин өргөлтийн дэлхийн аварга шалгаруулах тэмцээн үргэлжилэн явагдаж байна. Тус тэмцээний эмэгтэйчүүдийн 64 кг-ын жинд Үндэсний шигшээ баг, “Аврагч” спорт хорооны тамирчин ОУХМ Г.Анужин өрсөлдлөө. Тэрбээр огцом өргөлтөөр 94 кг, түлхэлттэй өргөлтөөр 115 кг-ыг өргөж наймдугаар байрт шалгарсан байна. Тус 64 кг-ын жинд Хятадын 17 настай охин түрүүлж дэлхийн аварга болжээ. Хятадын Жин И Пей хоёр өргөлтийн нийлбэр дүнгээр 233 кг өргөж алтан медалийн эзэн болсон аж. Харин Тайландын Раттаван Вамалун нийлбэрээр 227 кг, Колумбын Наталиа Ламоса, Москера хоёр өргөлтийн нийлбэрээр 224 кг-ыг өргөсөн амжилтаар мөнгө, хүрэл медалийг хүртсэн байна.

Categories
мэдээ спорт

Таэквондочид “International Christmas championship” тэмцээнд амжилттай оролцжээ DNN.mn

Олон улсын таэквондогийн Монголын холбооны баг тамирчид арванхоёрдугаар сарын10-11 ний өдрүүдэд Америкийн Нэгдсэн Улсын Окала хотод зохион байгуулагдсан “International Christmas championship” тэмцээнд амжилттай оролцжээ.

Энэ удаагийн тэмцээнд Монгол, Америк, Пуэрто Рико, Гондурас, Афганистан, Непал, Тажикстан гэсэн долоон орон оролцож Монгол Улс багийн дүнгээр гуравдугаар байрт шалгарч, хүрэл медаль хүртжээ. Насанд хүрэгчдийн ангилалд Н.Цолмон 71 кг-д алтан медаль хүртэж, “шилдэг эрэгтэй тамирчин”-ы шагналыг авсан байна. Э.Энххүслэн 78 кг-д хүрэл медаль, Б.Мөнх-Оргил 92 кг-д алтан медаль хүртжээ.

Түлийн хар бүс нэгдүгээр даны төрөлд Н.Цолмон алтан медаль, хар бүс тавдугаар даны төрөлд Н.Гэрэлмаа алтан медаль, хар бүс гуравдугаар даны төрөлд Р.Сайханжаргал алтан медаль хүртсэн байна. Мастерсийн ангиллын тулаанд М.Төрбаяр -80 кг-д алтан медаль, С.Энхбаатар -80 кг мөнгөн медаль хүртсэн амжилт үзүүлжээ.

Categories
мэдээ спорт цаг-үе

ДАШТ-ээс Бразил хасагдаж, Аргентин үлдэв DNN.mn

Өнгөрсөн шөнө болсон хөл бөмбөгийн ДАШТ-ий шөвгийн найман багийн эхний хоёр тоглолт үндсэн цагтаа тэнцээгээр өндөрлөж, торгуулийн цохилтоор шийдэгдлээ.

Үр дүнд нь Өмнөд Америкийн хүчирхэг хоёр багийн нэг нь нутаг буцаж, нөгөө нь цааш өрсөлдөхөөр болж байна.

Эхний тоглолт Бразил, Хорватын шигшээ багуудын хооронд өрнөж, үндсэн цагтаа аль нь ч гоол оруулалгүй тэнцсэн юм. Ингээд нэмэлт цагт тоглолт үргэлжлэхэд эхлээд Бразил (Неймар 105 дахь минутад), дараа нь Хорватын баг (Петкович 117 дахь минутад) гоол оруулж, тэнцсэн байна.

Торгуулийн цохилтоор хожлыг шийдэхэд Хорватчууд дөрвөн гоол дараалан оруулж, Бразилын баг хоёр цохилтоо алдсанаар 2018 оны ДАШТ-ий дэд аварга Катар 2022 тэмцээний шөвгийн дөрөвт үлдлээ.

Дараа нь Аргентин, Нидерландын шигшээ багууд мөн үндсэн цагтаа тус бүр хоёр гоолтой тэнцэж, нэмэлт цагт хайнаа хагалж чадаагүй тул торгуулийн цохилт гүйцэтгэсэн юм.

Аргентины хаалгач Эмилиано Мартинез өрсөлдөгчийнхөө эхний хоёр цохилтыг хааснаар шигшээ багаа 4:3 харьцаагаар хожиход чухал үүрэг гүйцэтгэлээ.

Аргентины шилдэг тоглогч Лионел Месси энэ тоглолтод хоёр гоол оруулж, нэг гоолын бөмбөг дамжуулсан юм.

Тэрбээр ДАШТ-ий нийт 17 гоолд оролцсон (10 гоол оруулж, 7 гоол дамжуулсан) амжилтаар Диего Марадонаг (16) гүйцэж, шигшээ багийнхаа түүхэнд дээд амжилт тогтоожээ.

Месси бас ДАШТ-д нийт 10 гоол оруулсан дээд амжилтаар Аргентины шигшээгийн түүхэнд Габриэл Батистутатай зөвхөн зэрэгцэж байна.

ДАШТ-ий хасагдах шатанд дөрвөн гоолын дамжуулалт өгсөн Пелегийн дээд амжилтыг тэр таван дамжуулалтаар гүйцэж түрүүлжээ.

Катар 2022 тэмцээний шөвгийн 8-ын шатанд Европын 5, Өмнөд Америкийн 2, Африкийн 1 шигшээ баг шалгарч үлдээд байв.

Шөвгийн дөрөвт Өмнөд Америк тивээс ганц баг үлдсэн нь Аргентин болж байна.

Өнөөдөр шөнө болох хоёр тоглолтоор Франц, Англи, Марокко, Португалийн шигшээ багуудын хоёр нь шөвгийн дөрөвт шалгарах юм.

Эх сурвалж: BBC

Categories
мэдээ спорт

Месси: Бразиль тун чанга байна. Бас Франц, Испани улсын шигшээ багууд илт илүү харагдах юм DNN.mn

Аргентин улсын шилдэг хөлбөмбөгч Лионель Месси ДАШТ ид өрнөж буй үеэр нутгийнхаа OLE сэтгүүлд нэгэн сонирхолтой ярилцлагыг өгчээ.

-Лео ингэхэд яг одоо таны дотоод бодол, үзэл ямархуу түвшинд байна вэ?

-Хором бүрийг бие сэтгэлээрээ мэдэрч аз жаргалдаа умбаж байна гэх үү дээ. Үнэн шүү. Талбайд гарах бүрдээ энэ хөлбөмбөгийг үзэх гээд ирсэн мянга мянган хүмүүсээс цацарч буй тэр сайхан эрч хүчийг амталж мэдэрнэ гэдэг жаргал биш гэж үү. Гэр бүлийнхнийгээ, үр хүүхдүүдээ тэдэн дунд байгаа, надтай хамт чичирч, гомдож баярлаж байгаа, багтай минь хамт ялалтыг маань хуваалцаж байгаа гэдгийг мэдрэх тун сайхан. Тэд маань Copas America-д түрүүлэхэд хамт байсан ч гэлээ ДАШТ бол шал өөр, энд тоглолт бүр амин чухал гэдгийг анзаарсан байх. Чичрүүлж л байна шүү.

-Хүүхдүүд чинь тун тайван сууж байгаа харагдсан. Тэдэнтэйгээ тоглолтын талаар ярилцдаг уу?

-Бид ДАШТ гэж ер нь юу юм бэ, ажил төрөл маань хэрхэн өрнөж байна, тоглолт яагаад ийм тийм болов, бид хэрхэн тоглов гэдэг талаар тогтмол ярилцдаг. Боломжийнхоо хэрээр дотоод мөн чанарыг нь тайлбарлахаар тун нухацтай сонсоно гээч.

-Дэлхий тэр чигтээ анхаарлаа хандуулж байгаа шүү гэх дарамт тун хэцүү байх даа?

-Би ер нь ДАШТ-д оролцох бүрдээ энд байх мөч бүхнийг алдалгүй амсаж, мэдэрч, ой тойндоо тогтоож үлдэхийг хичээдэг. Өнөөдөр ч гэлээ ялгаагүй. Харин нас яваад туршлага зузаараад ирж буй өнөө цагт зарим нэгэн зүйлс арай өөрөөр харагддаг болжээ. Залуус хэрхэн ялагдал, хожигдлоо даван туулахыг харах таалагдлаа. Энд байгаа нутаг нэгтнүүд, Аргентинд байгаа зон олон маань ямар ч лут хөгжөөн дэмжигчид юм бэ гэдгийг мэдрэх гайхамшиг биш гэж үү.

-Одоо Нидерланд өмнө чинь зогсож байна?

-Солиотой гоё тоглолт болно гэж найднам. Чанга баг, авьяаслаг хөлбөмбөгчид, ухаантай дасгалжуулагчтай хамт олон шүү дээ. Маш хэцүү байх болно гэдгийг хэлж чадна.

-Хасагдах шатны эхний тоглолтын талаар дурсаач?

-Шүүгчийн шүгэл дууссан дохиог өгөхөд л сэтгэл амарлаа шүү дээ. Тэгж зовох ёсгүй байлаа. Өөрсдийнхөө тайвшрал, хайнга байдлаас тийм нөхцөлд унаж байгаа юм. Тоглолтын хэмнэлийг хяначихсан, 2:0-ээр хожиж явсан хүмүүс зүгээр л хоосон газраас гоол алдаад. Тэгээд бөмбөгөө хадгалж, тогтоож чадахгүй зорилгогүй цөлөөд эхэлж байгаа юм. Үнэн гэвэл бас ийм мөчүүдийг мэдэрч, давж чаддаг байх, тэсвэрлээд өнгөрөх нь цааш ахих үйлдэлд хэрэгтэй. Тэд биднийг чичрүүлээд нэмэлт цаг руу чирээгүй үлдсэнд баярлахаас өөр яах билээ.

-Аргентин дахиад л шилдэг наймын эгнээнд багтлаа. Энэ нь гавьяа мөн үү?

-Бид энд ирэхээсээ өмнө цомын эзэн байж болох магадлалтай улсуудын нэгд тооцогдож байсан шүү дээ. Одоо ч хэвээрээ. Эндээ зогсож үлдэхгүй цаашлаад ахихын төлөө л тоглоно.

-Тийм шүү. Тэр гоолын төлөө, тэр тоглолтын төлөө үргэлжлүүлээд шилдэг наймд багтсаны төлөө танд баяр хүргэе. Одоо жаахан амраад авах нь ээ дээ?

– Тэгэлгүй яахав, амралтын энэ хэдэн өдөр сэргэлт авахад тун хэрэгтэй. Польшийн эсрэг тоглоход цуцаж гурав хонолгүй дараачийн чанга тоглолтоо хийсэн хүмүүст энэ амралтын өдрүүд ус агаар мэт чухал гээч.

-Ингэхэд бусад багуудын тоглолтыг үзэж чадаж байна уу?

-ДАШТ-ий эргэн тойронд өрнөж буй үйл явдлаас боломжийн хэрээр хоцролгүй анхаарал тавьж байх гэж хичээж л байна. Цаг зав нь гарвал зарим нэг тоглолтуудыг үзэж байгаа. Тэмцээн эхлэхээс өмнө би Бразилийн шигшээ багийг онцолж байсныг санаж байна уу. Тэд гойд сайн байна. Хэдийгээр Камерунд хожигдсон ч гэлээ тэд зүй ёсоор эхний эгнээнд бичигдэнэ. Франц мөн адил. Испаничуудыг бас онцолмоор байна. Хэсгээсээ гарахдаа жаахан бүдэрсэн ч гэлээ испаничуудын тоглолтын философи яг хэвээрээ. Бөмбөг авсан л бол хяналтаа өрсөлдөгчдөө өгөхгүй, удаан хугацааны бөмбөг эзэмшилт, богино дамжуулалт, зөв байрлал гээд тэдний залуучууд гоё байна аа.

-Германы шигшээ баг хэсгээсээ гарч чадалгүй гэртээ харих болоход гайхсан уу, та?

-Аймаар гайхсан. Тэнд чинь авьяаслаг залуучууд, туршлагатай хөлбөмбөгчдийн цогц байсан юм шүү дээ. Герман мөнхөд шилдгүүдийн эгнээнд байсан. Урьдах ДАШТ-ий хэсгээс гарч чадаагүй тул энэ удаа баталгаатай цааш ахина гэж бодтол. Нөгөө талаас нь дүгнэвэл, хөлбөмбөг жигд хөгжиж буйг хэлээд байгаа юм биш үү. ДАШТ гэдэг бол тун хэцүү тэмцээн. Багууд бусдаасаа гойд ялгараад байх боломжгүй болж аль ч баг хожиж дээшлэх чадвартай болсныг харуулж байна. Том нэр, өнгөрсөн түүх ялалтын замыг чиглүүлдэг цаг өнгөрчээ. Жил өнгөрөх тусам багуудын хоорон дахь ялгаа улам багасаад л байна даа.


Бэлтгэсэн:

Д.Бат-Эрдэнэ