Category: спорт

БНАСАУ өнөө өглөө Япон тэнгис рүү гурван баллистик пуужин харвасан талаар Японы Батлан хамгаалах яамнаас мэдээлэв.

Нийслэл Пёньян хотын зах орчмоос 08:00 цагийн үед харвасан пуужин 350 орчим км зайд нисэж, Солонгосын хойгийн зүүн эргийн орчимд унасан бөгөөд нислэгийн дээд өндөр нь 100 км байсан гэж тус яам мэдээлжээ.

БНАСАУ 2022 он гарсаар 37 дахь удаагаа пуужин харвасан нь энэ юм. Ингэснээр энэ онд түүхэндээ хамгийн олон удаа туршилт явуулаад байна. Тус улс хамгийн сүүлд 12 дугаар сарын 23-ны өдөр пуужин харваад байв.

Цэнэгт хошуунууд Японы эдийн засгийн онцгой бүсийн гадна унасан бололтой байгаа бөгөөд нисэх онгоц, хөлөг онгоцонд ямар нэгэн хохирол учирсан талаар мэдээлэл байхгүй гэж яамны мэдэгдэлд дурджээ.

Ерөнхий сайд Фүмио Кишида олон нийтэд шаардлагатай мэдээллийг түргэн шуурхай хүргэж, нисэх онгоц, хөлөг онгоцнуудын аюулгүй байдлыг хангаж, болзошгүй нөхцөл байдалд бэлтгэлтэй байхыг холбогдох албаны төлөөлөгчдөд үүрэг болгосон талаар түүний ажлын албанаас мэдэээлсэн байна.

Японы Засгийн газар НҮБ-ын Аюулгүйн Зөвлөлийн тогтоолуудыг зөрчсөн үйлдлийг эсэргүүцэж байгаагаа Бээжин хот дахь Элчин сайдын яамаараа дамжуулан БНАСАУ-д илэрхийлжээ.

Мөн АНУ-ын Энэтхэг, Номхон далайн командлал мэдэгдэхдээ, БНАСАУ-ын үйлдэл АНУ-ын цэргийн бие бүрэлдэхүүн, нутаг дэвсгэр, мөн Япон болон бусад холбоотнуудад шууд аюул занал учруулаагүй гэдгийг тэмдэглээд, харин Пёньяны хууль бус үй олноор хөнөөх зэвсэг болон баллистик пуужингийн хөтөлбөрүүдийн тогтвортой байдлыг алдагдуулах үр дагаврыг тодоор харуулж байна гэдгийг онцолсон байна.

Швейцарын эрдэмтэд агаараас усны уурыг шингээж, гэрэл ашиглан устөрөгч, хүчилтөрөгч болгон задалдаг төхөөрөмж бүтээсэн байна. Ийм төхөөрөмжийг нарны эрчим хүчний нөөцийг устөрөгчийн түлш хэлбэрээр бий болгоход ашиглаж болно гэж Лозаннагийн Политехникийн сургуулийн (EPFL) хэвлэлийн алба мэдээлэв.

“Бид Нарны энергийг устөрөгч үйлдвэрлэхэд ашигладаг системийг бий болгоход маш энгийн бөгөөд өргөжүүлэх боломжтой аргыг боловсруулж чадсан” гэж EPFL-ийн судлаач Марина Каретти ярилаа.

Сүүлийн 20 жил физикчид усны ууранд агуулагдах усны молекулуудыг гэрэл эсвэл эрчим хүч ашиглан хүчилтөрөгч, устөрөгч болгон ялгадаг олон тооны катализатор эсвэл ус задлах төхөөрөмжүүдийг бүтээжээ. Одоогоор ийм төхөөрөмжүүдийг амьдрал дээр хэрэглэдэг болтол хол байгаа ба үүнд устөрөгч, хүчилтөрөгчийн үйлдвэрлэлийн өртөг их, бүрдүүлж байгаа хэсгүүдийнх нь бат бөх чанар муу зэрэг хүчин зүйлс саад болж байгаа ажээ.

Устөрөгчийн энэ үүсгүүрийг нүдэнд ил хийн тархалтын электродуудыг хөгжүүлсний ачаар бүтээсэн байна. Цахиурын ислийн сэмэрдэс, цагаан тугалганы ислийн ялтсаас бүрдсэн сиймхий, тунгалаг тусгай бүтцийг ингэж нэрлэдэг бөгөөд дотор нь фторын атомын жижиг хэсгүүд байдаг аж. Энэ бүтцийн холбоосууд нь /нити/ агаарт байгаа усны молекулуудыг идэвхтэй шингээдэг бол цагаан тугалганы ислийн ялтсууд болон тэдгээрт холбогдсон металл ба полимерийн нэгдлүүдийн давхаргууд нарны цацрагийг шингээж, энергийг нь цахилгаан гүйдэл болгон хувиргадаг байна.

Энэхүү материалыг ашиглан эрдэмтэд нарны устөрөгчийн үүсгүүрийн загварыг бүтээжээ. Энэ нь хийн тархалтын электрод болон мембран бүхий сав бөгөөд энэ үүсгүүр нь зөвхөн устөрөгчийн түлшийг өөрөөрөө дамжуулдаг аж. Туршилтын явцад уг төхөөрөмж нь усны уурыг амжилттай шингээж, задалжээ. Ингэхдээ төхөөрөмжид шингэсэн гэрлийн энергийн 40 орчим хувийг ашиглан усыг задалж байгааг дараагийн туршилт харуулсан байна. Физикчдийн хэлснээр, энэ төхөөрөмж нь хүний оролцоогүйгээр маш удаан ажиллах чадвартай гэнэ. Харин түүнийг ажиллуулахын тулд нарны гэрэл, цэвэр агаар зайлшгүй хэрэгтэй байна.

Цаашдын туршилтууд нь хүн төрөлхтнийг устөрөгч дээр суурилсан сэргээгдэх эрчим хүчийг бий болгоход ойртуулна гэж эрдэмтэд найдаж байна.

Украины Ерөнхийлөгч Володимир Зеленский Давосын чуулганд цахимаар оролцох үедээ Оросын эсрэг тулалдахад нь шаардлагатай байгаа зэвсэг, танк, агаараас хамгаалах системийг яаралтай нийлүүлэхийг Барууны холбоотон улсуудад уриалав.

Давос хотноо болж буй Дэлхийн эдийн засгийн чуулганд хэлсэн үгэндээ тэрээр “Та нарын шийдвэр гаргаж чадахгүй эргэлзэж байх хугацааг террорист улс аллага үйлдэхэд ашиглаж байна” гэжээ. Герман улс өөрийн оронд үйлдвэрлэдэг “Барс” танкийг Украинд нийлүүлэх эсэхдээ эцсийн шийдвэр гаргаж чадахгүй байгаа нь олон нийтээс ихээхэн шүүмжлэл дагуулж байгаа билээ. Одоогоор Польш, Финлянд улсууд Украинд тус танкийг нийлүүлнэ гэдгийг мэдэгдээд байгаа юм. Гэхдээ эдгээр танкийг үйлдвэрлэсэн Германы зөвшөөрөл зайлшгүй шаардлагатай юм. Харин Германы Канцлер Олаф Шольц танк нийлүүлэх эсэхдээ тодорхой хариулт өгөөгүй байгаа бөгөөд Герман улс Украинд маш их хэмжээний тусламж үзүүлж байгааг сануулжээ. Үнэхээр ч Герман улс Украинд үзүүлж буй тусламжийн хэмжээгээрээ АНУ-ын дараа хоёрдугаарт орж байгаа юм. Түүнчлэн Украиныг сумаар хангахын тулд үйлдвэрлэлээ нэмэгдүүлж, Украинд орчин үеийн, маш үр дүнтэй зенитийн пуужингийн систем нийлүүлснээ Олаф Шольц сануулсан юм.

Далайгаар нийлүүлж буй Оросын түүхий газрын тос болон газрын тосны бүтээгдэхүүний үнийг хязгаарлах бодлогод оролцож буй орнуудын төлөөлөгчид газрын тосны бүтээгдэхүүний төрлөөс нь шалтгаалан хоёр тусдаа үнийн хязгаар тогтоохоор тохиролцжээ. Энэ тухай АНУ-ын Сангийн яамны тэргүүн дэд сайд Адевале Адейемо холбоотон орнуудын төлөөлөгчидтэй өчигдөр хийсэн цахим уулзалтын дараа мэдээлсэн байна.

Түүний мэдээлснээр, АНУ болон тус улсын холбоотон орнуудын дэд сайд нар түүхий газрын тосны үнийн хязгаараас гадна, боловсруулсан бүтээгдэхүүнд хоёр тусдаа тааз тогтоохоор тохиролцжээ. Тодруулбал, дизель түлш, бензин гэх мэт ихэвчлэн өндөр үнээр худалдаалдаг бүтээгдэхүүнүүд, мазут зэрэг хямд бүтээгдэхүүнүүдийн үнэд тусдаа дээд хэмжээ тогтоох аж.

“Эдгээр бүтээгдэхүүнийг худалдаалж буй зах зээлийн үнийн зөрүү их байгааг харгалзан үзвэл ийм арга нь боловсруулсан бүтээгдэхүүний үнийн хязгаарын бодлогыг илүү сайн нийцүүлэх боломжийг олгоно гэдэгтэй бид санал нэгдэв” гэж АНУ-ын Сангийн яамны тэргүүн дэд сайд онцлон тэмдэглэжээ.

Оросын газрын тосны бүтээгдэхүүний үнийг хоёрдугаар сард хязгаарлах төлөвтэй байгаа бөгөөд хоёрдугаар сард Европын Холбоо тэдгээрийг худалдан авахаа зогсоож, далайгаар тээвэрлэхийг хориглох юм. Үүнээс гадна, гуравдугаар сард Оросын газрын тосны үнийг хязгаарлах механизмд оролцож буй орнууд түүнд хяналт шалгалт хийнэ. Далайгаар экспортолдог Оросын газрын тосны үнэд 12 дугаар сард тогтоосон тааз нь одоо нэг торх нь 60 ам.доллар байгаа юм. Үүний хариуд ОХУ тухайн гэрээнд үнийн дээд хязгаар тогтоох механизмыг шууд болон шууд бусаар тусгасан бол гадаадын аж ахуйн нэгжүүдэд газрын тос нийлүүлэхийг хориглосон билээ.

Украинд цэргийн тусламж үзүүлэх “Рамштейн-8”-ын уулзалт өнгөрсөн долоо хоногт болж, барууны орнуудаас дараах зэвсэглэлийг шинээр нийлүүлэхээр боллоо. Үүнд:

• 8 нэгж Avenger зенит пуужингийн цогцолбор;
• 3 нэгж Patriot зенит пуужингийн цогцолбор;
• 7 нэгж Gepard зенитийн өөрөө явагч их бууны төхөөрөмж;
• Iris-T зенит пуужингийн цогцолбор;
• NASAMS системд зориулсан пуужингууд;
• 58 нэгж Bradley хуягт тээвэрлэгч;
• 40 нэгж Marder хуягт тээвэрлэгч;
• 90 нэгж Stryker хуягт тээвэрлэгч;
• 350 нэгж жийп;
• 19 нэгж гаубиц;
• 12 нэгж Challenger-2 хүнд танк;
• Т-72 танкууд;
• Нисдэг тэрэгнүүд;
• Олон мянган тооны их бууны сум болон бусад зэвсэглэл, техник багтаж байна. ЭХ СУРВАЛЖ: iss.gov.mn