Category: спорт

Сагсанбөмбөгийн Зуны лигийг хоёр дахь жилдээ зохион байгуулахаар төлөвлөж байна. Лигийн тэмцээн нийт 40 хоногийн турш үргэлжлэх юм.

Тодруулбал, энэ сарын 15-наас зургаадугаар сарын 24-нийг хүртэлх хугацаанд зохион байгуулах аж. Багууд зөвхөн 5х5 төрлөөр оролцох боломжтой. Одоогийн байдлаар нийт 29 баг тамирчид бүртгүүлжээ.

Үүнээс эрэгтэй 22, эмэгтэй долоон баг байна. Оролцох хүсэлтэй багуудыг энэ сарын 14-ний өдрийн 14.00 цаг хүртэл бүртгэх ажээ. Уг тэмцээнд 25-наас доош насны залуусыг лиг хамаарахгүйгээр оролцуулах аж.

“Нүүдэлчин” дугуйн клубын нэрэмжит “Морь хурдан уу, дугуй хурдан уу” тэмцээн 2023 оны энэ сарын 13-нд Хүй долоон худагт болно

Мэдүүлгийг өнөөдөр буюу тавдугаар сарын 10-ны 22 цаг хүртэл хүлээн авах аж. Дугуйн холбооны лицензгүй тамирчид хураамжаа төлснөөр тэмцээнд орох эрх нь нээгдэх юм байна.

Түүнчлэн тавдугаар сарын 12-ны баасан гарагт 10:00-17:00 цагийн хооронд Олимпын хорооны гадна бүртгэл хийж дугаар олгох бөгөөд тамирчид зайгаар явдгаас бусад бүх төрлийн дугуйтай тус тэмцээнд оролцож болох юм байна.

Сонирхогчдын боксын эрэгтэйчүүдийн Дэлхийн Аварга Шалгаруулах Тэмцээн (ДАШТ) Узбекистаны нийслэл Ташкент хотод арав дахь өдрөө үргэлжилж байна.

Есөн өдрийн дараах байдлаар манай улсын хоёр боксчин тэмцээнээ үргэлжлүүлж байгаа бол үлдсэн найман тамирчин ДАШТ-ийг өндөрлүүлсэн.

Манай улсын хоёр тамирчин хүрэл медалийн төлөө өнөөдөр тулалдана. Үүнд

• -67 кг жинд Баттөмөрийн Мишээлт Венесуэл улсын тамирчин Палацио Кристиантай,
• -63.5 кг жинд Баатарсүхийн Чинзориг Кубын боксчин Алвераз Эстрадатай тулалдах юм.

“Ташкент-2022” ДАШТ-ий хүрэл медальт, жүдо бөхийн Үндэсний шигшээ баг, “Сүлд” спорт хорооны тамирчин, ОУХМ Лхагватогоогийн Энхрийлэн өнгөрсөн жилийн амжилтаа Дохад бататгаж 57 кг-ын жинд хүрэл медалийн эзэн боллоо.

Тэрбээр Ташкентэд ялж байсан Өмнөд Солонгосын 20 настай жүдочин Хүх Мимитэй дахин таарч барилдлаа.

Нэг хоногийн дараа буюу маргааш Катарын нийслэл Доха хотод жүдо бөхийн 2023 оны дэлхийн аварга шалгаруулах тэмцээн эхэлнэ. Тэмцээнд манай улсаас эрэгтэй ес, эмэгтэй есөн жүдоч эх орноо төлөөлөн оролцоно. Энэ жилийн дэлхийн аварга шалгаруулах жүдо бөхийн тэмцээнд 98 орны 649 тамирчин оролцох юм.

2023 оны жүдо бөхийн Дэлхийн аварга шалгаруулэх тэмцээнд оролцох Монголын жүдо бөхийн үндэсний шигшээ багийн тамирчид

Эрэгтэй

• -60 кг Э.Ариунболд, нас 27
• -66 кг Б.Эрхэмбаяр, нас 27
• -66 кг Ё.Басхүү, нас 29
• -73кг Ц.Цогтбаатар, нас 27
• -73 кг Б.Эрдэнэбаяр, нас 23
• -81 кг Г.Болор-Очир, нас 22
• -90 кг Г.Алтанбагана, нас 27
• -100 кг Б.Гончигсүрэн, нас 23
• +100 кг О.Цэцэнцэнгэл, нас 23

Эмэгтэй

• -48 кг Г.Наранцэцэг, нас 28
• -48 кг Б.Баасанхүү, нас 23
• -52 кг М.Нандин-Эрдэнэ, нас 18
• -52 кг Л.Сосорбарам, нас 22
• -57 кг М.Ичинхорлоо, нас 25
• -57 кг Л.Энхрийлэн, нас 24
• -70 кг Б.Ням-Эрдэнэ, нас 18
• -78 кг О.Хүслэн, нас 18
• +78 кг А.Адъяасүрэн, нас 23

3х3 сагсанбөмбөгийн Монгол Улсын эмэгтэй шигшээ баг дэлхийн гранпри тэмцээний нээлтийн тоглолтод оролцохоор өнөөдөр эх орноосоо мордлоо.

Тэд бямба гарагийн 16 цаг 45 минутаас Япон, 15 цаг 45 минутаас Австралийн багтай тоглох бол ням гарагт 15 цагаас Германы багтай учраа таарчээ.

Манай шигшээ баг 25 хоногийн дараа Дэлхийн аваргын тэмцээнд эх орноо төлөлөн оролцох бөгөөд тус тэмцээнд тэднийг Токио-2020 Олимпын наадмын аварга, дэлхийн аварга баг болох АНУ, мөн дэлхийн аваргын мөнгөн медальт Канадын шигшээ баг гэсэн хүчирхэг бүрэлдэхүүн хүлээж буй тухай багийн дасгалжуулагч С.Тулга онцоллоо.

Үндэсний их баяр наадмын нээлт, хаалт, төрийн хүндэтгэлийн концертыг “Скин энтертайнмент”-ын найруулагч Б.Анар найруулахаар болжээ.

Үндэсний их баяр наадмыг зохион байгуулах хороо өнөөдөр хуралдаж, салбар хороодын гишүүдийг шинэчлэн батлах, засвар, тохижилтын ажлыг эхлүүлэхтэй холбоотойгоор зохион байгуулалт болон төсвийн талаар хэлэлцсэн байна.

Урлаг соёлын салбар хороо наадмын нээлт, хаалтын үйл ажиллагаа болон Төрийн хүндэтгэлийн концертыг зохион байгуулах найруулагчаар “Скин энтертайнмент”-ын найруулагч Б.Анар, зөвлөхөөр Монгол Улсын Ардын багш С.Дуламыг ажиллуулахаар санал оруулж, Үндэсний их баяр наадмыг зохион байгуулах хорооны гишүүд хэлэлцэн, баталжээ.