Category: нийгэм

Нийтийн үйлчилгээний Улаанбаатар
нэгтгэлээс хаврын тохижилтын ажил эхэлж буйтай холбоотойгоор энэ сарын 4-5-ны хооронд Гандангаас  Саппорагийн уулзвар,
Амарсанаа,гудамжнаас “Од”
кино театр хүртэлх  явган хүний замын нуух цэвэрлэжээ. Ингэхийн сацуу Энхтайваны өргөн чөлөөнөөс Ард-Аюушийн өргөн чөлөөний
хооронд 25000ш мод, 8000м урт шар хуайс, хайлаас тарьсан байна. Мөн Чингисийн талбайн авто замын 497.55м2 тэмдэглэгээ
хийж XIX хорооллын үйлчилгээний төв “Сандэй”
плаза хүртэлх явган хүний замын хавтан суулгаж эхэлжээ. Шар усны үерээс
сэрэмжлэх зорилгоор Дэнжийн мянга, Өргөөгийн арын далан сувгийн цэвэрлэгээ
хийж,  баруун дөрвөн зам Баян бүрд ногоон нуур орчимд лагын цэвэрлэгээ хийхээр мөн төлөвлөөд байгаа аж.

 

 

 

Хувьсгалчдын гудамж буюу Зурагтын
шинэ эцсийн буудлаас Баянхошууны уулзвар хүртэлх 4.6 км авто замыг өргөтгөн
шинэчлэх ажлыг “Экспресс зам” ХХК гүйцэтгэж байна. Энэ ажлын хүрээнд нөгөөдөр буюу энэ сарын
09-ний 22:00 цагаас эхлэн ирэх сарын 09-н хүртэл Зурагтын шинэ эцсийн буудлаас цааш 2 км замын хөдөлгөөнийг
хаахаар боллоо.  Нэг сарын хугацаанд Баянхошууны уулзвараас хотын төв рүү
зорчих урсгалыг нэг чигийн  хөдөлгөөнтэй болгож, харин сөрөг урсгалын
хөдөлгөөнийг Зурагтын шинэ эцсийн буудлаас шороон замаар Баянхошуу чиглэлд
зохицуулж явуулах юм байна. Зам хааснаар гурван цэгт зам доогуурх борооны ус
зайлуулах төмөрбетон дөрвөлжин хос хоолой угсрах,  замын өргөтгөлийн газар
шорооны ажил ба газар чөлөөллөх ажлыг хийх аж.
Замын зурваст нийтдээ 122 айлын хашаа, байшин, дэлгүүр зэрэг обьектууд
замын өргөтгөх зурваст орсон тул газар чөлөөлөхийг айлуудаас хүсчээ. Одоогоор таван
айл хашаагаа татсан гэнэ.  

Д.Сүрэн

 

“Save the children” олон улсын байгууллагаас хүүхэд төрүүлэхэд тааламжтай улсын жагсаалтыг 2014 оны байдлаар гаргажээ.

Уг жагсаалтад манай улс 88 дугаарт бичигдсэн байна.

Энэхүү жагсаалтад дэлхийн 178 орон бичигдсэн бөгөөд Хойд Солонгос, Косово, Палестин зэрэг улсуудыг хамруулаагүй байна.

1 Финланд           61 Хятад                121* Марокко

2 Норвеги             62 ОХУ                   121* Руанда

3 Швед                 63 Казахстан           123 Сан Томе Принсип

4 Исланд              64 Эквадор              124 Сенегал

5 Нидерланд        65* Румын                125 Вануату

6 Дани                  65* Тринидад Тобаго 126* Экваторын Гвиней

7 Испани               67 Венесуэл              126* Гватемал

8 Герман              68 Малайз                   128 Бутан

9* Австрали           69 Оман                       129 Лаос

9* Бельги               70 Багамын арлууд     130* Бангладеш

11 Итали                71 Алжир                     130* Лесото

12 Австри               72* Перу                       132 Камбож

13 Швейцар            72* Тайланд                133 Уганда

14 Португал             72* Украйн                  134 Тажикстан

15 Сингапур             75 Өмнөд Африк           135 Микронези

16 Шинэ Зеланд         76 Бразил                 135 Танзани

17 Словени                77 Ливан                    137 Энэтхэг

18 Канад                    78* Эль Салвадор       138 Мозамбик

19 Ирланд                  78* Фижи                     139 Свазиланд

20* Франц                   80 Сэйнт Люсиа           140 Соломоны Арал

20* Грек                       81 Иран                         141 Зимбабвэ

22 Люксембург            82 Туркменистан           142 Камерун

23 Эстони                    83 Албани                       143 Кени

24* Чех                          84 Капе Верде               144 Мадагаскар

24* Литви                      85 Колумб                      145 Замби

26* Беларус                   86* Белиз                      146 Афганистан

26* ИБУИНВУ                86* Сэйнт Винсент Гренадини 147 Бурунди

28 Израйл                      88 Монгол                      147 Пакистан

29 Польш                       89 Шри Ланка                   149 Этиоп

30 Өмнөд Солонгос        90 Мальдив                     150 Гана

31 АНУ                            91 Ямайка                        150 Судан

32 Япон                          92 Молдов                        152 Эритрей

33 Хорват                         93* Болив                        152 Того

34 Латви                          93* Вьетнам                     154 Малави

35 Куба                            95 Армени                          155 Мавритан

36 Серби                         95 Йордан                           156 Коморын арлууд

37 Кипр                            95 Никарагуа                      157 Мьянмар

38 Саудын Араб                98 Гүрж                             158* Конго

39 Коста Рика                    99* Азербайжан                   158* Өмнөд Судан

40 Македон                        99* Суринам                       160 Жибути

41 Мальта                         101 Тонга                             161 Буркина Фасо

42 Гренада                        102 Доминикан                      162 Йемен

43 Аргентин                       103 Намиби                           163 Гвиней

44 Болгар                           104 Ирак                               164 Папуа Шинэ Гвиней

45* Монтенегро                    105 Парагвай                       165 Бенин

45* Словак                           105 Филиппин                       166 Гамби

47 Чили                                 107 Гондурас                        167 Либери

48 Босни Герцеговина           108 Киргизстан                   168 Гайти

49 Барбадос                          109 Панам                            169 Зааны ясан эрэг

50 Бахрейн                            110 Зүүн Тимор                     170 Чад

51 Катар                                111 Узбекистан                      171 Нигерия

52 Арабын Нэгдсэн Эмират   112 Гайана                           172 Сиерра Леон

53 Уругвай                                113 Индонези                      173 Төв Африкын БНУ

54 Мексик                                 114 Габон                             174 Гвиней-Биссау

55 Унгар                                   115 Сири                                175* Мали

56 Маврика                                116 Балба                             175* Нигер

57 Кувейт                                   117 Египет                            177 Ардчилсан Конго

58 Ливи                                      118 Самоа                             178 Сомали

59* Тунис                                   119 Ангола    

59 Турк                                      120 Ботсван

Нийслэлийн Иргэдийн төлөөлөгчдийн хурлын дарга Д.Баттулга Дэлхийн Зөн Монгол олон улсын байгууллагын төлөөлөлтэй хамтран ажиллах санамж бичигт гарын үсэг зуржээ. Хоёр тал хүүхдийн эрхийг хангах, хүүхдийн хөгжил, хамгааллыг сайжруулах, хүүхдийг аливаа эрсдэлд өртөхөөс урьдчилан сэргийлэх, хүүхдэд ээлтэй аюулгүй орчинг бүрдүүлэх чиглэлээр хамтран ажиллах аж. Мөн хүүхдийн эсрэг аливаа хүчирхийлэл, хүүхдийг хууль бус хөдөлмөрийн мөлжлөгт өртөх, дамлан худалдаалахаас урьдчилан сэргийлэх, хамгаалах, дүүрэг, хороо тус бүрт хүүхэд хамгааллын багийн үйл ажиллагааг бэхжүүлэх асуудлуудыг санамж бичигт тусгажээ.

Үүнээс гадна сургууль завсардсан, сургуульд огт суралцаагүй хүүхдүүдийг анхан шатны болон ерөнхий боловсрол нөхөн эзэмшихэд нь дэмжлэг үзүүлж,  сургуулийн өмнөх боловсролыг дэмжих юм байна. 

Жил бүрийн тавдугаар сарыг улс орон даяар “Татвар төлөгчдийн өдрүүд”  болгосон. 15 жилдээ зохион байгуулагдаж байгаа татвар төлөгчдийн өдрийг энэ жил “Татвар төлөгч танд баярлалаа” уриан дор өнгөрөөх аж. Үндэсний татварын алба уг өдрүүдээр татварын хуулийг сурталчлах, татвар төлөгчдөд зөвлөгөө өгөх, сургалт явуулах, татвар төлөгчдийг мэдээллээр хангах зэрэг үйл ажиллагааг явуулах аж.  Мөн энэ үеэр татварын албад татварын албаны үйл ажиллагааг сайжруулах, үйлчилгээг өргөтгөх чиглэлээр ТЕГ-аас явуулах “Санал асуулгын хуудас” –аар татвар төлөгчдөөс санал авч дүгнэх, “Татвар төлөгчдөд зөвлөгөө өгөх байр”-аар үйлчлүүлж буй татвар төлөгчдийн дэвшүүлсэн санал, хүсэлтийг хүлээн авч шийдвэрлэхюм байна. 

Газрын тосны хайгуулын 22 талбайд бүтээгдэхүүн хуваах гэрээ байгуулжээ. Үүнээс гурван талбайд олборлолт, 18 талбайд хайгуулын ажил хийгдэж байна. Нэг талбайн гэрээ өнгөрсөн сарын сүүлчээр дуусгавар болжээ. Шинээр зургаан талбайд бүтээгдэхүүн хуваах гэрээ байгуулах, хоёр талбай сонгон шалгаруулалтын шатандаа явж байгаа юм байна. Мөн нэг талбай нээлттэй байгаа аж.

Урьдчилсан байдлаар энэ онд хайгуул, олборлолтын үйл ажиллагаанд 650 гаруй сая ам.долларын хөрөнгө оруулалт хийх, 782 мянган тонн түүхий тос олборлох, улсын төсөвт 227 тэрбум төгрөг төвлөрүүлэх төлөвлөгөөтэй ажиллаж байна. 

Хувьсгалчдын гудамж буюу Зурагтын шинэ эцсийн буудлаас Баянхошууны уулзвар хүртэлх 4.6 км авто замыг өргөтгөн шинэчлэх ажлыг “Экспресс зам” ХХК гүйцэтгэж байна.

Энэ ажлын хүрээнд 5 дугаар сарын 09-ний 22:00 цагаас эхлэн 6 дугаар сарын 09-нийг дуустал Зурагтын шинэ эцсийн буудлаас цааш 2 км замын хөдөлгөөнийг хаахаар боллоо.  Нэг сарын хугацаанд Баянхошууны уулзвараас хотын төв рүү зорчих урсгалыг нэг чигийн  хөдөлгөөнтэй болгож, харин сөрөг урсгалын хөдөлгөөнийг Зурагтын шинэ эцсийн буудлаас шороон замаар Баянхошуу чиглэлд зохицуулж явуулах юм байна. Зам хааснаар гурван цэгт зам доогуурх борооны ус зайлуулах төмөрбетон дөрвөлжин хос хоолой угсрах,  замын өргөтгөлийн газар шорооны ажил ба газар чөлөөллөх ажлыг хийх юм. Энэ хэсгийн замын зурваст нийтдээ 122 айлын хашаа, байшин, дэлгүүр зэрэг объектууд замын өргөтгөх зурваст орсон тул газар чөлөөлөх мэдэгдлийг хүргүүлж байгаасаас 4 дүгээр сарын байдлаар 5 айл хашаагаа татаж газар чөлөөлжээ гэж Нийслэлийн Автозамын газраас мэдээллээ.

 -Шаардлага биелүүлэхгүй байгаа худалдааны төвүүдтэй хатуу тэмцэнэ-

Нийслэлийн худалдаа, үйлчилгээний нийтлэг журамд заасны дагуу нийтийн үйлчилгээний газруудын ариун цэврийн өрөөг иргэдэд үнэ төлбөргүй ашиглуулахаар болсон билээ.

Гэтэл “Барс-2”, “Нарантуул-2”, “Хүчит шонхор” худалдааны төвүүд Шударга өрсөлдөөн, хэрэглэгчийн төлөө газраас тавьсан ариун цэврийн өрөөнийхөө төлбөрийг үнэгүй болгох шаардлагыг биелүүлэхгүй байгаа тул дээрх байгууллагуудад тус бүр 784 мянган төгрөгийн торгууль ногдуулжээ. Энэхүү торгуулийг тавдугаар сарын 15-ны дотор төлж барагдуулан, зөрчлөө арилгахгүй бол дахин торгууль тавих арга хэмжээ авах талаар Шударга өрсөлдөөн, хэрэглэгчийн төлөө газраас мэдээллээ.

Нийтийн худалдаа, үйлчилгээний газруудад дээрх журмыг 2014 оны хоёрдугаар сараас мөрдүүлж эхэлсэн бөгөөд энэ хугацаанд 13 үйлчилгээний байгууллага ариун цэврийн өрөөгөө үнэ төлбөргүй үйлчилгээтэй болгож, Шударга өрсөлдөөн, хэрэглэгчийн төлөө газарт энэ талаараа мэдэгджээ.

Нийслэлийн Иргэдийн Төлөөлөгчдийн Хурлын Тэргүүлэгчдийн 2013 оны 12 сарын 20-ны хуралдаанаар VIII Богд гэгээн Жавзундамба хутагтын хөшөөг шинээр бүтээж, Чингэлтэй дүүргийн тавдугаар хорооны нутаг дэвсгэр дэх Тусгаар тогтнолын талбайд байршуулахаар шийдвэрлэжээ.

Энэ хүрээнд Нийслэлийн Засаг даргын Тамгын газраас мэргэжлийн уран бүтээлчдийн дунд уралдаан зарлаад байна.

 Монголчуудын тусгаар тогтнол, эв нэгдэл, төр шашны хөгжлийн төлөө тэмцэгч, VIII Богд гэгээн Жавзундамба хутагтын хөшөөний шавийг 2013 оны 12 дугаар сарын 29-нд Тусгаар тогтнолын талбайд тавьсан бөгөөд үндэсний эрх чөлөөний хувьсгалыг удирдан зохион байгуулагч, Монгол Улсын сүүлчийн эзэн хаан VIII Богд Жавзандамба хутагтын түүхэн гавьяаг мөнхжүүлэх зорилгоор түүний дурсгалын хөшөөний загвар шалгаруулах уралдааныг энэ сарын 5-ны өдрөөс ирэх долоодугаар сарын 1-ний өдрийн хооронд явуулахаар болжээ.

Уралдаанд оролцох уран бүтээлчдийн бүтээлүүдийг 2014 оны зургаадугаар сарын 23-27-ныг дуустал Нийслэлийн төр захиргааны Хангарьд ордоны 13 давхарт Нийслэлийн Ерөнхий төлөвлөгөөний газрын Архитектур, дизайны хэлтэс  хүлээн авах юм. 

Ардчиллын буянаар Монголчууд харь орон руу сурч, ажиллаж, амьдрахаар явах болсоор удаж байна. Манай орны иргэд монголоос борц, ааруул, тарваганы боодог тэргүүт хүнсний бүтээгдэхүүнийг хил давуулах гэж байгаад баригдаж торгуулах явдал ихэссэн. 

Тэгвэл БНСУ-д амьдарч, сурч, ажиллаж байгаа иргэддээ хандаж хэлэхэд тус улсын хилээр оруулахыг хориглосон малын гаралтай бүтээгдэхүүн, даршилж, нөөшилсөн хүнсний зүйлсийг хилээр оруулахыг завдвал таван сая хүртэлх воноор торгож байгааг анхааруулж байгаа аж. 

Э.ЭНХ