Яармагийн гүүр-Нисэх, Нисэхийн товчоо, Сонсголонгийн уулзвараас Яармагийн товчоо чиглэлийн 13.7 км авто замын өргөтгөл, шинэчлэлтийн ажил 2012 оноос хэрэгжиж байгаа. Тус зам барилгын ажлын хүрээнд Нүхт цогцолбор руу салдаг уулзвараас Сонсголонгийн ууулзвар хүртэлх 3 км авто замын хойд урсгалыг тавдугаар сарын 18-наас зургадугаар сарын 7-ны өдөр хүртэл хааж, замын хөдөлгөөнийг урд урсгалаар сөрөг хөдөлгөөнтэй зохион байгуулахаар болжээ.
Category: нийгэм
“Гудамж” төслийн хүрээнд Улаанбаатар хотод 2014 онд хэрэгжүүлэх зам барилгын ажлууд энэ сараас эхэлсэн. Энэ онд тус төслийн хүрээнд Хан-Уул дүүрэг, Яармагийн гүүрнээс ТЭЦ3-ын баруун талаар Ажилчны гудамжтай нийлэх 1.5 км авто зам, Сүхбаатар дүүрэг, 100 айлын уулзварын өргөтгөл шинэчлэлийн ажил, Баянгол дүүрэг, Ахуйн үйлчилгээний уулзварын өргөтгөл шинэчлэлийн ажил, Сүхбаатар дүүрэг, “Цэцэг” төвийн уулзвараас урагш Сөүлийн гудамж, Баянгол зочид буудлын арын замтай холбох 0.45 км авто зам болон Баянзүрхийн товчооноос Туул голын хойд эрэг дагуу Улаанбаатар хотоос баруун болон хойд чиглэлийн аймгууд руу явах замын уулзвар хүртэл 33 км үргэлжлэх Туулын хурдны замын ажил зэрэг 10 гаруй уулзвар, замын өргөтгөл шинэчлэлийн ажлыг эхлүүлэх юм.
Төслийн хүрээнд 2014 онд зам барилгын ажил хийх уулзвар, замуудын байршил:
1. Хан-Уул дүүрэг, Яармагийн гүүрнээс ТЭЦ3-ын баруун талаар Ажилчны гудамжтай нийлэх 1.5 км авто зам.
2. Сүхбаатар дүүрэг, 100 айлын уулзварын өргөтгөл шинэчлэлийн ажил.
3. Баянгол дүүрэг, Ахуйн үйлчилгээний уулзварын өргөтгөл шинэчлэлийн ажил.
4. Сүхбаатар дүүрэг, “Цэцэг” төвийн уулзвараас урагш Сөүлийн гудамж, Баянгол зочид буудлын
арын замтай холбох 0.45 км авто зам.
5. Сонгинохайрхан дүүрэг, “Монос”-ын уулзвараас Нисэх-Яармагийн уулзвар хүртэл 5.5 км авто замын өргөтгөл шинэчлэлийн ажил.
6. Сонгинохайрхан дүүрэг, “Өнөр” хорооллын арын замыг 21 дүгээр хорооллын замтай холбох /Москва хорооллын араар/ 1 км авто зам.
7. Сонгинохайрхан дүүрэг, “Өнөр” уулзвараас зүүн тийш үерийн далан дагуу 10 дугаар хорооллын уулзвар хүртэл 1.44 км авто зам.
8. Хан-Уул дүүрэг, Удирлагын академийн арын замыг “Жапан” тауны замтай холбох 0.74 км авто зам.
9. Баянзүрх дүүрэг, Шар хадны автобусны эцсийн буудлаас Улиастайн гүүртэй холбогдох 6.6 км авто зам.
10. Баянзүрхийн товчооноос Туул голын хойд эрэг дагуу Улаанбаатар хотоос баруун болон хойд чиглэлийн аймгууд руу явах замын уулзвар хүртэл 33 км үргэлжлэх Туулын хурдны зам.
Өнөөдөр 11.30 цагт “Улаанбаатар төмөр зам”-ын төв буудалд шинэ рэйлбусыг хүлээж авах ёслолын ажиллагаа болох бөгөөд энэ арга хэмжээнд Зам, тээврийн сайд А.Гансүх, Нийслэлийн Засаг дарга бөгөөд Улаанбаатар хотын захирагч Э.Бат-Үүл болон холбогдох албаны хүмүүс урилгаар оролцох аж. “Улаанбаатар төмөр зам”-ын РА-2 маягийн 136 хүний суудалтай, 350-400 хүн зорчих боломжтой энэ рэйлбус автобус нь нэг замтай үед өдөрт гурван удаа, хос замтай үед өдөрт зургаан удаа 100 км/цагийн хурдтай Толгойт-Амгалангийн чиглэлд 47 минут, Амгалан-Толгойтын чиглэлд 45 минут зорчино.
Улаанбаатар хотын дундуур дайран өнгөрч буй төмөр замыг чөлөөт цагаар нь нийтийн тээвэрт ашиглах, авто замын түгжрэлийг сааруулах, иргэд зорчигчдын тохь тухыг хангаж, цаг хугацааг хэмнэхийн тулд төмөр замын автобус явуулж буй юм. Улаанбаатар төмөр зам өөрсдийн зардлаар бүтээн байгуулалт, засвар, шинэчлэлийн ажлыг хийж гүйцэтгэсэн бөгөөд ирэх сарын 6-наас эхлэн рэйлбус Толгойт-Амгалангийн чиглэлд зорчигчдод үйлчилж эхэлнэ.
“Залуу зохион бүтээгч” улсын уралдааны шилдэг 37 бүтээлийг олон нийтэд дэлгэн танилцуулах үзэсгэлэнгийн нээлтэд Ерөнхий сайд Н.Алтанхуяг оролцлоо. Ерөнхий сайдын ивээл дор болдог уг уралдаан энэ жил улсын хэмжээнд гурван үе шаттайгаар зохион байгуулагдаж, 21 аймгийн залуу зохион бүтээгчид өрсөлджээ. Булган аймгийн сурагч Р.Авирмэдийн зохион бүтээсэн бага оврын тракторын хөдөлгүүрийн хүчээр ажилладаг өтөг малтагч төхөөрөмжийг малчдын хөдөлмөрийг хөнгөвчисөн , хэрэглэхэд хялбар бүтээл гэж Ерөнхий сайд үнэллээ. Энэ төхөөрөмж нь өтөг бууц цэвэрлэж ачиж, зөөхөөс гадна цас цэвэрлэн зам гаргах боломжтой юм.
Залуучуудын сэтгэлгээний цар хүрээ жилээс жилд нэмэгдэж, хийсэн бүтээл нь амьдралд хэрэгжихэд улам ойр болж байна гэдгийг Ерөнхий сайд онцлоод цаашид шинийг санаачлагч залуучууд хамтраад малчдад зориулсан зөөврийн тохилог сууц бүтээхийг уриаллаа.
“Залуу зохион бүтээгч-2014” улсын уралдааны ялагч МУИС, ХААИС, ШУТИС-ийн инженер техникийн мэргэжлийн ангиудад дөрвөн жил суралцах тэтгэлгийн хамт 10 сая төгрөг гардан авна. Мөн Боловсрол, шинжлэх ухааны сайдын нэрэмжит шагналыг цаашид үйлдвэрлэл хэрэглээнд нэвтрэх боломжтой нэг бүтээлд олгож, жижиг дунд үйлдвэрлэл эрхлэх эхлэл хөрөнгийг гаргаж урамшуулдаг. Ерөнхий сайд үзэсгэлэнтэй танилцсаны дараа сэтгүүлчдийн асуултанд хариуллаа.
“Чингис” бондын хөрөнгөөр хэрэгжүүлж буй “Гудамж” төслийн талаар мэдээлэл өгөхөөр тус төслийн албаныхан өнөөдөр сэтгүүлчидтэй уулзалт хийлээ. Сүүлийн үед “Гудамж” төслийн санхүүжилт, хийх ажлын талаар шүүмжлэл багагүй гарсан бөгөөд энэ талаарх тодорхой мэдээллийг өгөхөөр ийнхүү уулзалт зохион байгуулжээ.
Төслийн хүрээнд нийт 33 уулзварыг шинэчлэхээс өнгөрсөн жил 18-ыг засч, Чингисийн өргөн чөлөөний 2.2 км замыг өргөтгөн шинэчлэх, “Хүй долоон худаг”-ийн 8.5 км зам барьж, нийт 10.7 км авто замын ажил, 5496 авто машин, 102 автобусны зогсоол байгуулж, 12.6 га үйлчилгээний талбайг тохижуулсан байна. 2013 онд “Гудамж” төсөлд зориулж баталсан нийт 200 сая ам.долларын санхүүжилтээс 2014 оны гуравдугаар сарын эцсийн байдлаар Хөгжлийн банкнаас 648 сая төгрөгийн санхүүжилт авснаас 50 тэрбум, 171 сая төгрөгийг зарцуулаад байгааг албаныхан хэллээ.
Энэ жилийн хувьд гурван уулзвар, 21 км авто зам, 479 у/м гүүр, Гандангийн гэр хорооллын дахин төлөвлөлт, дэд бүтэц, Туул голын хурдны зам /33 км/, Сэлбэ голын хурдны зам /26 км/-ын ажлыг хийж гүйцэтгэх юм байна. Замын уулзварыг шинэчлэх ажлын тухайд, эхний ээлжинд тодорхой болсон гурван уулзвар нь 100 айл, Ахуй үйлчилгээний төв, “Цэцэг” төвийн уулзварууд ажээ.
“Гудамж” төслийг орон нутагт хэрэгжүүлэх бөгөөд аймаг бүрт төслийг хэрэгжүүлэх хүсэлт явуулсан áàéíà.
Нийслэлийн дүүргүүдийн ил задгай хог хаягдлыг багасгах зорилгоор төрийн бус байгууллагууд хог хаягдлын тээвэрлэлтэд хяналт тавьж эхэллээ. Хяналтыг “Хотын хөгжлийг дэмжих Шинэ тосгон холбоо”, “Бид судлаачид” ТББ хариуцан ажиллаж байгаа юм байна. Тус холбоодоос нийслэлийн төвийн зургаан дүүргийн хог хаягдлын тээвэрлэлтэд 4-р сард хяналт хийж, дүнгээ Захиарагчийн ажлын албанд танилцуулжээ. Мөн хяналтын байгууллагууд хог үүссэн газруудын талаарх мэдээллийг дүүрэг хороодын ажил хариуцсан мэргэжилтнүүдэд баримтжуулан өгч, ачсан эсэхэд эргэн хяналт тавьжээ. Иргэдийн ухамсарыг дээшлүүлэх зорилгоор “Хоггүй хотын төлөө хамтдаа”, “Хотын соёл” сэдвээр иргэдийн дунд сургалт зохион байгуулж эхэлсэн байна. Сургалтанд 80 гаруй иргэн хамрагдаж хоггүй цэвэр орчинд амьдрах уриалгыг дэмжин хамтран ажиллаж эхэлжээ гэж Улаанбаатар хотын Захирагчийн ажлын албанаас мэдээллээ.
Монголын бодибилдинг фитнессийн нэгдсэн холбоо (МБФХ)-ноос “Монголын мистер” тэмцээн зохион байгуулахаар болжээ. Өнөө жил 24 дэх удаагаа зохион байгуулж буй уг улсын аварга шалгаруулах тэмцээн энэ сарын 18-ны өдөр Соёлын төв өргөөнд болох юм байна. Тэмцээнд түрүүлсэн тамирчныг Азийн болон дэлхийн аварга шалгаруулах тэмцээнд явуулах талаараа хоблооны удирдлагууд мэдээллээ. Энэхүү тэмцээн 11 ангиллаар явагдах аж. Үүнд эрэгтэй 60, 65, 70, -75, +75 мөн 21 наснаас доош, 40-өөс дээш масстар Фитнесс, мисстер Фитнесс, буюу эмэгтэй тамирчид нь мисс Фитнесс , бодибилдинг Фитнесс, гэж тус тус ангилна. Энэ тэмцээнд 30 орчим клубын 128 гаруй залуу тамирчид оролцохоор бүтгүүлжээ.
Нийслэлийн Засаг дарга “Санхүүжилтийн түр горим тогтоох тухай” А/377 дугаар захирамж гаргалаа. Захирамжийн дагуу Багануур дүүргийн Иргэдийн Төлөөлөгчдийн Хурал дүүргийн 2014 оны төсвийг өнөөг хүртэл батлаагүй байгаа тул тус дүүрэгт тогтоосон санхүүжилтийн түр горимыг үргэлжлүүлэн тогтоолоо. Санхүүжилтийн түр горим тогтоосонтой холбогдуулан нийслэлээс Багануур дүүрэгт олгох санхүүгийн дэмжлэгийн хэмжээг 05 дугаар сард 151 103 700 төгрөг, 06 дугаар сард 96 894 800 төгрөг байхаар тогтоож, зарцуулах зардлын хэмжээг баталлаа. Санхүүжилтийн түр горимыг мөрдөн, дүүргийн төсвийн байгууллагуудын хэвийн үйл ажиллагааг ханган ажиллахыг Багануур дүүргийн Засаг дарга М.Гончигжавд, санхүүжилтийн түр горимын биелэлтэнд хяналт тавин ажиллахыг Санхүү, эдийн засгийн асуудал хариуцсан орлогч Н.Батаад даалгалаа гэж Нийслэлийн Хэвлэл мэдээлэл, олон нийттэй харилцах хэлтсээс мэдээллээ.
Зэвсэгт хүчний анги, нэгтгэлүүдийн дунд жил бүр зохиогддог марш тактик тэмцээнд орохын тулд цэргүүд тусгай бэлтгэлд гардаг билээ. Тэгвэл тус бэлтгэлийн үеэр цэргийн албан хаагч амиа алдсан байна. Тавантолгой дахь сургалтын нэгдсэн төвд бэлтгэл хийж байсан 120 дугаар ангийн албан хаагч Д нь энэ сарын 13-ны өдрийн 22 цагийн үед нас баржээ. Хэрэг уржигдар орой гарсан ч ар гэрийнхэнд нь өчигдөр өглөө хэл дуулгасан гэнэ. Ар гэрийнхэн нь талийгаачийг биедээ багагүй гэмтэл авсан байдалтай, байрлаж байсан байрнаасаа 300 метрийн зайд амиа алдсан байсан гэж буй. Гэвч Тавантолгойн сургалтын төвийнхөн болон Зэвсэгт хүчний жанжин штабын удирдлагууд үгүйсгэж байна. Талийгаач 21 настай, ахлагчийн сургууль төгссөнөөсөө хойш 120 дугаар ангид ажиллажээ. Ар гэрийнхэн нь талийгаачийн цогцост нарийн шинжилгээ хийлгэхээр шүүх эмнэлэгт хандсан аж.
Болсон хэрэг явдлын талаарх дэлгэрэнгүй мэдээллийг Зэвсэгт хүчний жанжин штабаас удахгүй албан ёсоор мэдээлэх гэнэ.
Э.Номин
Баянзүрх дү
үргийн Мэргэжлийн хяналтын ерөнхий газар худалдаа, үйлчилгээний 15 аж ахуйн нэгжийн бараа, бүтээгдэхүүнд шалгалт хийжээ. Шалгалтаар тус дүүрэгт үйл ажиллагаа явуулдаг ихэнх дэлгүүр, цайны газрууд хугацаа нь дууссан хүнсний бүтээгдэхүүн борлуулж байсаж аж. Хурдан мууддаг 10 нэр төрлийн 26 бүтээгдэхүүнийг устгалд оруулж, 400 гаруй мянган төгрөгийн хиамыг шууд устгасан байна. Мөн хадгалах хугацааг буруу бичсэн зөрчил ч илэрчээ. Ийм зөрчил илэрхсэн ахуйн нэгжүүдийг нийт гурван сая төгрөгөөр торгосон талаар МХЕГ-аас мэдээллээ.
2013 оны гуравдугаар сарын 1-нээс хэрэгжиж эхэлсэн Хүнсний тухай болон Хүнсний аюулгүй байдлыг хангах тухай хуулийн дагуу бол бараа, бүтээгдэхүүний хаяг, шошгын зөрчилтэй бол аж ахуйн нэгжийг хөдөлмөрийн хөлсний доод хэмжээг 50 дахин, албан тушаалтныг 30 дахин, иргэнийг 10 дахин нэмэгдүүлсэнтэй тэнцэх мөнгөн торгууль ноогдуулах ёстой аж.
Э.Номин