Улаанбаатар хотын замын хөдөлгөөний ачааллыг бууруулах, нийтийн тээврийн үйлчилгээг сайжруулах зорилгоор Энхтайваны өргөн чөлөөний 4 буудлыг шилжүүлсэн. Тодруулбал, Энхтайваны өргөн чөлөөний баруунаас зүүн чиглэлд Улаанбаатар их дэлгүүрийн болон Хүнсний 20 дугаар дэлгүүрийн буудлуудыг нэгтгэж, Улсын их дэлгүүрийн баруун урд талд, “Хүч” бөөний төвийн урд талын зогсоолыг шилжүүлэн хуучнаар ХААЯ-ны урд шинэ зогсоол гаргасан юм. Мөн баруун дөрвөн замын зогсоолын ачааллыг бууруулах үүднээс зүүнээс баруун тууш үйлчилдэг чиглэлүүдийг шинэчлэн Баруун дөрвөн замаар ИЙ, ИВ хороолол руу Амарсанаагийн гудамжаар эргэдэг “Армада” зочид буудлын баруун талд шинээр автобусны зогсоол хийж ашиглалтад оруулаад байна. Үүнтэй холбогдуулан Улаанбаатар Их дэлгүүр, Хүнсний 20, Хүч бөөний төв зэрэг автобусны хуучин зогсоолыг такси зогсоол хэлбэрээр ашиглахаар Нийслэлийн тээврийн газраас шийдвэрлэсэн байна. Дээрх зогсоолуудад энэ сараас эхлэн такси зогсон иргэддээ үйлчилж эхэлнэ гэж Нийслэлийн Хэвлэл мэдээлэл, олон нийттэй харилцах хэлтсээс мэдээллээ.
Category: нийгэм
Хууль зүйн сайд Х.Тэмүүжингийн “нялх амраг” гэж цоллуулаад буй Г.Сарангэрэл ШШГЕГ-ын харьяа цагдан хорих 461 дүгээр ангид өнгөрсөн гуравдугаар сараас хойш саатуулагдаж байна. Г.Сарангэрэл охины хүсэлт гаргасаны дагуу өмгөөлөгч Г.Батбаяр түүнд өмгөөллийн үйлчилгээ үзүүлэхээр болжээ. Г.Батбаяр нь “Хэрвээ Сарангэрэлийн өмгөөлөгчөөр ажиллавал О.Баасанхүүгээс 10 тэрбум төгрөг нэхэмжилнэ” хэмээн ярьж байсан билээ. Түүнээс гадна нэг өмгөөлөгч байгаа аж.
Өмгөөлөгч Г.Батбаяр одоо хэргийн материалтай танилцаж байгаа бөгөөд Г.Сарангэрэлийн хэрэг өнгөрсөн долоо хоногт шүүхэд шилжжээ. Түүнд Эрүүгийн хуулийн 192.1 дүгээр зүйл ангиар эрүүгийн хэрэг үүсгэсэн. Энэ зүйл ангид “Мансууруулах буюу сэтгэцэд нөлөөлөх эм, бэлдмэл, бодисыг борлуулах зорилгогүйгээр хууль бусаар бэлтгэсэн, олж авсан, хадгалсан бол хөдөлмөрийн хөлсний доод хэмжээг нэг зуугаас нэг зуун тавь дахин нэмэгдүүлсэнтэй тэнцэх хэмжээний төгрөгөөр торгох, гурваас дээш зургаан сар хүртэл хугацаагаар баривчлах, эсхүл хоёр жил хүртэл хугацаагаар хорих ял шийтгэнэ.” хэмээн заасан байдаг аж. Энэ зүйл анги Эрүүгийн хуулийн 17.1.2-т зааснаар хүндэвтэр гэмт хэргийн ангилалд ордог юм байна.
Г.Сарангэрэл хоригдоод гурван сар болчихсон бөгөөд хорих хугацааг нь ирэх сарын 2-ныг хүртэл сунгасан байна. Тиймээс ямар учраас үргэлжүүлэн хорьж байгаатай танилцаж, гомдол гаргаж батлан даалтад гаргахаар хөөцөлдөнө гэдгээ өмгөөлөгч нь хэлсэн юм.
Мэргэжлийн хяналтын ерөнхий газар мах, махан бүтээгдэхүүн үйлдвэрлэгч аж ахуйн нэгжүүдэд шалгалт хийсэн дүнгээ танилцууллаа. Шалгалтыг оны эхнээс өнгөрөгч тавдугаар сар хүртэл хийсэн бөгөөд үүнд нийт 18 аймаг, нийслэлийн 239 аж ахуйн нэгжийг шалгалтад хамруулсан байна. Мэргэжлийн хяналтын ерөнхий газрын даргын Зөвлөлийн хурлаар үүнээс 118 аж ахуйн нэгжиийг шалгасан дүнг хэлэлцжээ.
Шалгалтаар мах, махан бүтээгдэхүүн үйлдвэрлэгч аж ахуйн нэгжүүдийн үйлдвэрийн барилга, байгууламжид тавигдах шаардлагуудаас бусад үзүүлэлт өмнөх оныхтой харьцуулахад 28 хүртэл хувиар дээшилсэн байна. Тодруулбал, хүн ам ихтэй нийслэл, Дархан-Уул, Орхон, Дорнод, Хөвсгөл дэх үйлдвэр, цехүүд ажлын байраа зориулалтын дагуу өөрчлөн сайжруулсан, ажиллах нөхцлийг бүрдүүлсэн, цэвэр, бохир усны сүлжээнд холбогдсон, эрүүл ахуйн шаардлагыг ханган ажиллаж байгааг шалгалтынхан онцлов.
Шалгалтаар улсын байцаагчид 835 зөрчил илрүүлэн 26 хувийг нь шууд арилгуулж, мэргэжил, арга зүйн зөвлөгөө өгсөн байна. Ноцтой зөрчилтэй нь тогтоогдсон долоон үйлдвэр, цехийн үйл ажиллагааг зогсоон, эрүүл ажуй, чанарын шаардлага хангаагүй мах, махан бүтээгдэхүүнийг устгалд оруулжээ. Хяналт шалгалтын дүн, танилцуулга, шийдвэрийг Монгол Улсын Шадар сайд, Үйлдвэр, хөдөө аж ахуйн яам, Эрүүл мэндийн яам, Стандарт, хэмжил зүйн газар, аймаг, нийслэлийн Засаг дарга, Монголын үндэсний худалдаа, аж үйлдвэрийн танхимд хүргүүлэх юм байна.
Цаашид улсын байцаагчийн гаргасан акт, албан шаардлагыг хэрэгжүүлж, зөрчлийг арилгах, шалгалтад хамрагдаагүй бусад үйлдвэр, цехийг энэ оны гуравдугаар улиралд багтаан шалгах талаар албаныхан мэдээлэв.
Урин дулааны улирал болж нийслэлийн иргэд зусландаа гарч байгаатай холбогдуулан зуслангийн чиглэлийн замын хөдөлгөөн ажлын өдрүүдийн оройн цаг, амралтын өдрүүдэд ачаалал ихтэй болдог. Тиймээс Нийслэлийн Тээврийн газраас өнөөдрөөс зуслангийн долоон чиглэлд их багтаамжийн болон микро автобусуудыг явуулж эхэллээ.
Автобусууд Гүнт-Жигжид- Тэнгис кино театр, Гоодой- Тэнгис кино театр, Баянбулаг- Тэнгис кино театр чиглэлүүдэд Долоон буудлаас Майхантолгой, Яргайтын богино, Яргайт, Хуурай мухарын чиглэлд бага багтаамжийн автобус үйлчилнэ. Зуслангийн автобусаар том хүн 600 төгрөгөөр, хүүхэд 200 төгрөгөөр зорчих юм.
Богд уулын арын Зайсан толгойгоос “Их тэнгэрийн ам” хүртэлх 2.2 км авто замыг хааж, засварын ажил хйиж байсан. Тэгвэл өнөөдөр орой буюу төлөвлөсөн хугацаанаас дөрөв хоногийн өмнө уг замыг нээхээр болжээ.
Гэхдээ үргэлжлүүлэн “Бага тэнгэрийн ам”-аас “Хүрхрээ ам” хүртэлх 3.8 км замыг энэ сарын 07-ноос эхлэн ирэх сарын 02-ныг хүртэл 25 хоногийн хугацаатай хааж, засварын ажил хийх юм байна. Уг замыг ирэх наймдугаар сарын 01-нд хүлээлгэж өгөх гэрээтэй ч Улсын баяр наадмаас өмнө бүрэн нээхээр төлөвлөн ажиллаж буй аж.
“Улаанбаатар цахилгаан түгээх сүлжээ” ХК-иас урсгал засварын ажил хийж байгаа учир цахилгааныг хэсэгчлэн хязгаарлаж байгаа. Өнөөдөр цахилгааны түр хязгаарлалт хийх газруудыг хүргэж байна.
Чингэлтэй
10.00-11.00 10-р хороо Дэнжийн 1, 3, 24, 34-39, 43, 45, 46, 49, 50, 52, 54-68, 71, Жаргалантын 24, 25, 30, 31, Яргайтын 18-23-р гудамж, тэр орчимд,
10.00-18.00 1, 4-р хороо, Бт Хл, 13-16, 16/1-р байр, Өгөөж, Цахиур трейд, Ундецим, Урлах эрдэм, Даймонд, Ди Жи Эс, Ньюмитик, Нийслэлийн Эмэгтэйчүүдийн зөвлөл, Барилга Корпораци, Монгол Токио Техникал, Гоёл Хийц, Топ бэйс, АБЖЯ, Цагаан мөрт, Тэнгэрлэг Орчин, Дүрслэх Урлагийн Музей, ЗГБНЗ /Барилгын яам/, ХХБанк, БХХС-ын эмнэлэг, НЦГазар, Тагнуулын Ерөнхий газар, УБ хотын банк, Үндэсний түүхийн музей, ХЗДХЯ /МШУТ/, ХЗҮХүрээлэн, ШШГЕГазар, ЭЦГазар, Монгол банк, УМБГазар, УЕПГазар, ЭХТАрхив, БОХЯ тооцоолон бодох төв, УНДЕГазар, ЗХУТөв, НТЗ-ны 4-р байр, тэр орчмын хэрэглэгчид
10.30-17.30 13, 14, 15, 16-р хороо Сурагчийн 24-33, 43-47, Жаргалантын 1-6, 40, 47, 48, Булагийн 20, 22, Хайлаастын 20, Жаргалантын 41-73-р гудамж
11.30-12.30 12-р хороо Булагийн 2, Сурагчийн 20, 42-46, Хайлаастын 11-14, 16-18, 20-р гудамж тэр орчмын хэрэглэгчид
13.00-14.00 11, 12-р хороо Нуурын 22, 23, Булагийн 1-6-р гудамж тэр орчимд
Баянгол
10.30-18.00 1, 4-р хороо 2-р хороолол 3-12, 19, Т3-60-р байр, тэр орчимд
Хан-Уул
10.00-18.00 11-13-р хороо Туул тосгоны эмнэлэг, Түмэн шувуут, CFC групп, Малын удмын сан, 26-р сургууль, 144-р цэцэрлэг, Ажлын алба, АТС-47 орчимд
Сонгино-хайрхан
10.30-17.00 12, 13-р хороо 1-р хороолол 1, 2, 10, 11-р байр, 104-р цэцэрлэг, 36-р сургууль, Глоб центр, Халиун толгой эмнэлэг, тэр орчимд 12.30-13.30 9, 24-р хороо Шороотын ам, Баруун Салааны зуслан тэр орчимд 14.30-15.30 4, 26-р хороо Алтан-Овоо 2-28, ИН 9, МТЗ 9-р гудамж орчмын хэрэглэгчид
Налайх
10.00-17.00 Городок Гандан ам
Төв аймаг
09.30-16.00 Алтанбулаг, Баян-Өнжүүл сумын хэрэглэгчид 10.00-17.00 Баянцагаан сумын хэрэглэгчид
Нийслэлийн ИТХ-ын Тэргүүлэгчдийн ээлжит хуралдаанаар иргэдэд гэр бүлийн зориулалтаар газар өмчлөх үйл ажиллагааг цахим хэлбэрээр зохион байгуулах журмыг хэлэлцэнэ.
Цахим хэлбэрээр 52 байршилд газар өмчлүүлэхэд бэлэн болсон ч хэрхэн зохион байгуулах журмаа хэлэлцээгүй байсан учраас өнөөдрийг хүртэл хойшлоод байсан юм.
Мөн хуралдаанаар ашиглалтын шаардлага хангахгүй болсон нийтийн зориулалттай орон сууцны барилгыг дахин төлөвлөн барилгажуулах журам, жижиг дунд үйлдвэрийг хөгжүүлэх сан байгуулах, дүрмийг батлах тухай асуудлыг хэлэлцэх юм байна. Нийслэлийн ИТХ-ын хуралдаан 10:00 цагт НЗДТГ-ын А танхимд болно.
Нийслэлийн Нийтийн тээврийн газар маргаашнаас эхлэн зуслангийн долоон чиглэлд их багтаамжийн болон микроавтобус явуулахаар төлөвлөсөн байна. ы Их багтаамжийн буюу том оврын автобус нь Гүнт-Жигжид-Тэнгис кино театр, Гоодой-Тэнгис кино театр, Баянбулаг-Тэнгис кино театр чиглэлд явна. Харин бага багтаамжийн буюу микроавтобус нь Долоон буудлаас-Майхан толгой, Яргайтын богино, Яргайт, Хуурай мухарын чиглэлд үйлчилэх ажээ. ы Эдгээр зуслангийн чиглэлд явж буй автобусаар том хүн 600, хүүхэд 200 төгрөгөөр зорчих юм байна.
Олон улсын хөрөнгө оруулагчид болон дотоодын бизнес эрхлэгчдийг оролцуулсан “Бизнесийн дээд хэмжээний уулзалт”-ыг 2014 оны 6 дугаар сарын 19-21-нд Улаанбаатарт зохион байгуулна.
Эдийн засгийг эрчимжүүлэх 100 хоногийн хүрээнд Монголын эдийн засгийн форумаас санаачлан зохион байгуулж байгаа энэ чуулга уулзалтад оролцохоор гадаадын 50 гаруй банк болон хөрөнгө оруулалтын компани саналаа ирүүлжээ.
Уулзалтын төлөөлөгчдийг хөрөнгө оруулалт шаардлагатай байгаа төслүүд, бүтээн байгуулалтын ажлуудтай газар дээр нь танилцуулахаар төлөвлөжээ. Хөрөнгө оруулагчид Тавантолгойн цахилгаан станц, Эгийн голын усан цахилгаан станц, Төмөр зам зэрэг мега төслүүдэд ач холбогдол өгч байгаагаа мэдэгдэж байна. Бизнесийн дээд хэмжээний уулзалт нь Монгол Улсыг олон улсад сурталчлах, шинэ бүтээн байгуулалтын талаарх үнэн бодит мэдээллийг өгөх, хөрөнгө оруулалтын гэрээ хийгдэх бодит нөхцөлийг бүрдүүлнэ гэж үзэж байна.
Энэ оны тавдугаар сарын 31-нийг хүртэл авто тээврийн татвар, автозам ашигласны төлбөрийг хураах ажил нийслэлийн хэмжээнд болсон бөгөөд авто тээврийн болон өөрөө явагч хэрэгслийн татварыг 13,5 тэрбумийг төвлөрүүлнэ гэж төлөвлөснөө давуулан биелүүлж 13,9 тэрбум, авто зам ашигласны төлбөрт 4,3 тэрбумийг хураана гэж төлөвлөснөөс 3,5- тэрбумийг, агаарын бохирдлын төлбөрт 588 сая төгрөг хураахаас 588 сая 603 мянган төгрөгийг хураасан байна. Дээрх татварыг төлөөгүй бол зургадугаар сарын 10-24 хүртэл Замын цагдаагийн газраас шалгалт явуулж 25 мянга хүртэлх төгрөгөөр торгох гэнэ. Түүнчлэн энэ жилээс гурвалжин наалтыг ашиглахыг болсон бөгөөд зөвхөн үүнээс 66 сая төгрөгийн хэмнэлт хийсэн байна.