Португалын шигшээ багийн ахлагч Криштиану Роналду бэлтгэлдээ эргэн орсон талаар тус улсын хөлбөмбөгийн холбооноос албан ёсоор баталлаа. Улирлын төгсгөлд авсан гэмтлийнхээ улмаас багийнхаа хийсэн сүүлийн хоёр нөхөрсөг тоглолтонд оролцож чадаагүй тэрээр шигшээтэйгээ хамт анх удаа бүрэн бэлтгэлд оролцсон нь энэ ажээ.
“Түүний байр суурь багт маш чухал. Тэр бүрэн формтой байж, өөрийнхөө хамгийн сайн тоглолтоо гаргах нь багт маш хэрэгтэй. Роналду өөрөө ДАШТ-д сайн тоглохыг их хүсч байгаа нь гэмтлийн хурдан эдгэрэлтэнд ихээр нөлөөлж байна”
“Бид бүгд түүнийг багтаа эргэн ирсэнд их баяртай байна. Тэр бол багийн манлайлагч, лидер. Багаа амжилтанд хүрэхэд хөтлөх учиртай нэгэн” хэмээн шигшээгийн дасгалжуулагч Пауло Бенто хэлжээ.
Роналдугийн гэмтлийн талаар олон янзын мэдээллүүд сүүлийн үед гарч буй. Ганын нэгэн бөө түүнд хараал хийсэн учир ДАШТ-д оролцож чадахгүй хэмээн мэдэгдэж шуугиан тарьсан бол зарим эх сурвалжууд Роналдугийн гэмтэл хөнгөн ч гэсэн эрсдэл гаргахгүйн тулд тоглолтуудад оролцохгүй, өөрийгөө гамнаж буй гэгдэж буй юм.
Португалын багийн өөр нэг лидер Раул Мэйрэлэш мөн Роналдутай хамт багийн үндсэн бэлтгэлд хамрагдаж эхэлсэн бол Пепе болон Бето нар ганцаарчилсан бэлтгэл хийж байгаа аж.
“Дайны эрсдэлийн даатгал” нэрээр МИАТ компанийн үлэмж хэмжээний мөнгийг завшсан хэрэгтнүүд ял эдэлж байгаа билээ. Уг хэргийн толгойлогч Ч.Хоролсүрэн гэгч найман жилийн ял авсан ч одоогоор хоёр жил орчмын ялыг нь үүрээд байна. 
БНХАУ-д бэлхүүсний бүжгийн Дэлхийн аварга шалгаруулах тэмцээн болж өнгөрлөө. Тус тэмцээнд манай улсаас эх орноо төлөөлөн оролцсон Н.Баярмаа тэргүүн байрт шалгарсан байна. Тодруулбал, дэлхийн 200 орчим бүжигчин оролцсон уг тэмцээний орчин үеийн бүжгийн төрөлд оролцож алтан медаль хүртсэн байна. Мөн уламжлалт бүжгээр шилдэг тавд шалгарчээ.
НИТХ-ын Тэргүүлэгчдийн ээлжит хуралдаанаар ашиглалтын шаардлага хангахгүй болсон нийтийн зориулалттай орон сууцны барилгыг дахин төлөвлөн барилгажуулах журмыг хэлэлцэн баталжээ. Энэхүү хуралдаанаар нийслэлийн иргэдийг таван чиглэлээр орон сууцжуулах хөтөлбөрийг баталсан бөгөөд үүний нэг нь ашиглалтын шаардлага хангахгүй болсон хуучин орон сууцны барилгыг дахин төлөвлөж шинэчлэн барилгажуулах аж. Улаанбаатар хотын Ерөнхий төлөвлөгөөнд тусгасны дагуу 2016 он хүртэл 4600 айлын орон сууцыг дахин шинэчлэхээр төлөвлөжээ. Нийслэлийн нутаг дэвсгэрт өнөөдрийн байдлаар 535 орон сууцны барилга өндөр насжилттай, ашиглалтын шаардлага хангахгүй болсноос 210 барилгыг сайжруулан ашиглах боломжтой бол газар хөдлөлтөд тэсвэргү 325 орон сууцны барилгыг буулган дахин төлөвлөтөд оруулах шаардлагтай болсон байна. 
”ДЦС-3” ТӨХК-ийг үе шаттайгаар шинэчилж, Улаанбаатар хотын өсөн нэмэгдэж байгаа цахилгаан, дулааны эрчим хүчний хэрэглээг хангах, тасралтгүй, найдвартай ажиллах, зах зээлд өрсөлдөх чадвартай, өндөр хүчин чадалтай станц болгох зорилгоор Шинэчлэлийн Засгийн газар тогтоол гаргаж, “Дулааны III цахилгаан станц” ТӨХК-ны суурилагдсан хүчин чадлыг 50 МВт-аар өргөтгөхөөр шийдвэрлэсэн юм.
Засгийн газрын хэрэгжүүлэгч агентлаг – Хөрөнгө оруулалтын газар, МҮХАҮТ болон БНХАУ-ын ӨМӨЗО-ны Худалдааны танхимтай хамтран Монгол Улс болон БНХАУ-ын ӨМӨЗО хоорондын худалдаа, хөрөнгө оруулалтын хамтын ажиллагааг өргөжүүлэх зорилгоор “Монгол Улс – ӨМӨЗО Хөрөнгө оруулалтын чуулга уулзалт 2014” уулзалтыг 2014 оны 7 дугаарын сарын 2-4-ний өдрүүдэд МҮХАҮТ дээр зохион байгуулах гэж байна.