Зуны улирал эхэлж, хөдөө гадаа явах хүмүүсийн тоо эрс өссөний зэрэгцээ, ослын хэмжээ ч ихэсчээ. Өнгөрсөн 12-ны өдөр л гэхэд Төв аймгийн Баян сумаас урагш 20 км-ийн зайд амины “Хонда Фит” маркийн автомашин “Ниссан Вингроуд” маркийн автомашинтай мөргөлдсөний улмаас есөн хүн нас барж, таван хүн гэмтсэн ноцтой зам тээврийн осол гарчээ. Хэргийг Налайх дүүргийн Цагдаагийн хэлтсийн мөрдөн байцаах хэлтэс шалгаж байгаа аж. Хохирогсдын найм нь газар дээрээ нас барснаас тав нь том хүн, гурав нь хүүхэд байжээ. Орон нутгийн замд амралт зугаалга, алба, амины ажлаар явахдаа тээвэрлэлтийн хэмжээг хэтрүүлэхгүй байх, хэт ядарсан үедээ жолоо барихгүй, согтууруулах ундаа хэрэглэхгүй байх, хамгаалах бүсээ зүүж, тээврийн хэрэгслийнхээ бүрэн бүтэн байдлыг ханган аюул эрсдлээс болгоомжлон хөдөлгөөнд оролцохыг Замын цагдаагийн газар, ЦЕГ-аас анхаарууллаа.
Э.Номин
Хүнсний аюулгүй байдлын тулгамдсан асуудлаар “Хүнсний тусгаар тогтнолын төлөө эвсэл” ТББ мэдээлэл хийлээ. Өнөөдөр иргэдийн дийлэнх нь чанарын шаардлага хангаагүй, хаанаас орж ирсэн нь тодорхойгүй хүнс хэрэглэж байгаа. Түүнчлэн дотооддоо үйлдвэрлэсэн хүнсний ногоо, сүү, сүүн бүтээгдэхүүнээ тэр бүрчлэн хэрэглэдэггүй. Малчид мах, сүү сүүн бүтээгдэхүүн болон хүнсний ногоогоо зарж борлуулах зориулалтын цэг байдаггүй гээд олон асуудал бий. Эдгээр асуудлыг нэн тэргүүнд шийдвэрлэх нь чухал хэмээн хэвлэлийн үеэр мэдээлсэн юм. Эл асуудлыг шийдвэрлэхийн тулд “Хүнсний тусгаар тогтнолын төлөө эвсэл” ТББ “Хүнс хөдөө аж ахуйн бодлогод хүний эрхийн хандлагыг нэвтрүүлэх” нь форум зохион байгуулжээ. 
Засгийн газрын тушаалаар 2011 онд Дотоодын цэргийн 804 дүгээр анги, Хилийн цэргийн дээд сургууль буюу Хилийн 0345-р ангиудыг нэгтгэн Дотоод хэргийн их сургуулийг байгуулж, улмаар 2012 оны Засгийн газрын 87 дугаар тогтоолоор Хууль сахиулахын их сургуулийг шинэчлэн байгуулснаар тус сургууль байлдааны хоёр тугтайүйл ажиллагаа явуулж эхэлжээ. 
Болив Улсын Санта Круз хотноо энэ сарын 14-15-нд Хөгжиж буй орнуудын “77+Хятад” бүлгийн дээд хэмжээний уулзалт боллоо. Тус бүлэг байгуулагдсаны 50 жилийн ойн хүрээнд зохион байгуулагдсан энэхүү уулзалтад Монгол Улсын Гадаад харилцааны дэд сайд Д.Ганхуяг тэргүүтэй төлөөлөгчид оролцов.
Даваа гариг бүрт болдог “Бүтээн байгуулалтын цаг” уулзалт Дулааны III цахилгаан станцад болж, тус станцын 50 МВт-ийн өргөтгөлийн нээлтийн ажиллагаанд Ерөнхий сайд Н.Алтанхуяг оролцлоо.
Суварга хайрханы тэнгэрийг тайх төрийн тахилгын ёслол Архангай аймгийн Цэнхэр суманд 2014 оны 6 дугаар сарын 13-нд боллоо. 
Улаанбаатар хот, Налайх, Багануур, Төв аймгийн орон сууц, үйлдвэр, аж ахуйн нэгжийн усны үйлчилгээний үнийг долдугаар сарын 15-ны өдрөөс нэмэхээр болжээ. Тодруулбал, Улаанбаатар хотын орон сууцны нэг өрх сардаа 2500 /хоногт 83/ Багануур, Налайх, Төв аймагт 1800 /хоногт 60/ төгрөг тус тус төлөх юм. 
Холбооны Бүгд найрамдах Бразил Улсад Дэлхийн хөлбөмбөгийн аварга шалгаруулах тэмцээн болж байгаатай холбогдуулан нийслэлийн нутаг дэвсгэрт 74 аж ахуйн нэгж тусгай зөвшөөрөлтэйгээр уртасгасан цагаар ажиллаж байна. Эдгээр аж ахуйн нэгж нь өглөөний 08 цаг хүртэл ажиллаж байгаа бөгөөд хуулийн дагуу 00 цагаас хойш бага градустай согтууруулах ундааг худалдан, борлуулна. Мөн үйлчлүүлэгчдийнхээ аюулгүй байдлыг хангаж, эмх замбараагүй байдал үүсгэхгүй байх үүрэг хүлээж байгаа юм. Нийслэлийн Цагдаагийн газраас уртасгасан цагаар ажиллаж буй аж ахуйн нэгжийн ойролцоо цагдаагийн эргүүлийг тогтмол гаргаж байна. Нийслэлийн Удирдах ажилтнуудын ээлжит шуурхай зөвлөгөөний үеэр дээрх мэдээлэлтэй холбогдуулан нийслэлийн Засаг дарга “Тэмцээн үзэж буй иргэдийн аюулгүй байдал, ойролцоо амьдарч байгаа оршин суугчдын тав тухыг алдагдуулахгүй байхад анхаарч, хяналт тавин ажиллахыг Нийслэлийн Цагдаагийн газарт үүрэг болголоо гэж Нийслэлийн Хэвлэл мэдээлэл, олон нийттэй харилцах хэлтсээс мэдээллээ.
Нийслэлийн Мэргэжлийн хяналтын
Нийслэлийн