Нийслэл хотын ногоон байгууламжийн арчлалт хамгаалалтын ажлын хүрээнд нийт 5.8 тэрбум төгрөг төсөвлөгдсөн. Нийслэлийн төвийн зургаан дүүргийг хамарсан нийтийн эзэмшлийн гудамж талбайн ногоон байгууламжийн арчилгаа, нөхөн сэргээлт, хамгаалалтын ажил нь жилийн дөрвөн улиралд явагддагаараа онцлогтой.
Тухайлбал ногоон байгууламжийн нэгдсэн тооллого, цэнэг усалгаа, мод хэлбэржүүлэлт, хортон шавьжнаас урьдчилан сэргийлэх шохойдолт зэрэг ажлуудыг “Нийтийн үйлчилгээний Улаанбаатар нэгтгэл” ОНӨААТҮГ-ын ногоон байгууламжийн цэцэрлэгч, инженерүүдээс бүрдсэн 168 хүн агротехнологийн дагуу графикт хугацаанд нь гүйцэтгэсэн. Дөрөвдүгээр сараас мод суулгах ажил эхэлсэн бөгөөд Нийслэл хотод анх удаа 400 мянга гаруй мод, бут сөөг тарьсан юм. Үүнээс гадна ногоон байгууламжийн арчлалтын хамгийн чухал хэсэг нь байнгын усалгаа байдаг аж. Иймд 24 цагийн турш хоёр ээлжээр тусгай зориулалтын 12 машинаар өдөр бүр усалгааны ажил гүйцэтгэж байгаа гэнэ.
Мөн өнгөрсөн жил нийслэлчүүдийн сэтгэлд ихээхэн нийцсэн нэг наст цэцэг суулгах ажил Энхтайваны өргөн чөлөө, Ард Аюушийн өргөн чөлөө, Чингисийн өргөн чөлөө, Нийслэл хүрээ өргөн чөлөө зэрэг гол гудамжуудад хийгдэж байна. Мөн 22-н товчоо, Долоон буудал, Үйлдвэрчний эвлэлийн гудамж зэрэг захын гудамжуудад суулгах гэнэ. Энэ жил цэцэгжүүлэлтэд нийт 500 сая төгрөг зарцуулж байгаа бөгөөд эх орны хөрсөнд үрслүүлж, ургуулсан нэг наст цэцэг суулгах ажээ.
Сүүлийн үед Хятад улсаас оруулж ирж байгаа мотоцикль чанарын шаардлага хангахгүй байна, хүмүүс осолдож амиа алдаж буй талаар мэдээлэл их цацагдах болсон. Үүнтэй холбогдуулан МХЕГ Зам тээврийн яам, Замын цагдаагийн газар, Гаалийн ерөнхий газар зэрэг байгууллагуудтай хамтран импортоор оруулж ирж байгаа мотоцикль болон иргэдийн гомдол энэ төрлийн тээврийн хэрэгслийн дугаар олголт, ашиглалтын талаар судалгаа хийжээ. 
Л.Гүндсамбуу
Монгол Улс, ХБНГУ дипломат харилцаа тогтоосны 40 жилийн ойг тэмдэглэн өнгөрүүлэх хүрээнд 2014 оны өнгөрсөн ням гарагт Берлин хотын “Хоппегартен” морин тойруулгын цэнгэлдэхэд Монгол Улсын нэрэмжит морин уралдааны өдөрлөг болжээ. Монгол Улсын Засгийн газрыг төлөөлж УИХ-ын гишүүн, Батлан хамгаалахын сайд, Монголын морин спортын холбооны Ерөнхийлөгч Д.Бат-Эрдэнэ тус арга хэмжээг албан ёсоор нээсэн байна. Тэрээр нээлтийн үгэндээ Монгол Улс, ХБНГУ хоорондын иж бүрэн түншлэлийн харилцаа өргөжин хөгжиж байгаад сэтгэл хангалуун байгаагаа илэрхийлж, монголчуудын түүх, соёл, ахуй амьдралд морины онцгой байр суурийг дурдаж, уралдаанд оролцож буй морьдын хурд, уяа сойлго нь сайхан байх, ирсэн үзэгчдэд сайхан наадахыг хүсэн ерөөжээ.
Тус арга хэмжээнд Гадаад харилцааны сайд Л.Болд, Хууль зүйн сайд Х.Тэмүүжин, Германы Бундестагийн гишүүд, Холбооны Ерөнхийлөгчийн Тамгын газар, Холбооны Канцлерын ХЭГ, Холбооны Гадаад хэргийн яам, болон бусад яамдын төлөөлөл, Дойчэ Баан, Дойче Банк, Луфтханза зэрэг хоёр орны төр, засаг, хувийн хэвшлийн өндөр түвшний төлөөлөгчид хүрэлцэн ирж өргөнөөр оролцлоо.
Берлин хотын зүүн урд байрлах “Хоппегартен” морин тойруулгын цэнгэлдэхийн ногоон талбайд хүрэлцэн ирсэн 10.000 гаруй үзэгчдийн дунд ХБНГУ-д болон Европын бусад улс орнуудад оршин сууж байгаа Монгол Улсын иргэд монгол үндэсний дээл хувцастайгаа морилон ирж, наадмын уур амьсгалд гэр бүл анд нөхөдтэйгээ хамтдаа өнгөрөөв. Тэдгээр үндэсний урлагийн уран бүтээл, уран зургийн үзэсгэлэнгээ гаргаж, үндэсний үйлдвэрлэлийн бүтээгдэхүүн, хоол хүнсний өргөн худалдаа явуулж, эх орныхоо үндэсний уламжлал, урлаг соёл, зан заншил, хөгжил дэвшлээс таниулан сурталчиллаа.
Зургаан насны морь уралдсан наадамд 1000 метрийн гол уралдаанд Л.Ж. Ройтерскигийн уясан, Шведийн Вант Улсын иргэн Омар Зававийн халзан хээр “Алкохуац” морь түрүүлж наадамчин олныг баясгасан байна. Түүнчлэн монгол жокей Г.Баярсайхан удаа дарааллан айрагдаж хүрэлцэн ирсэн монголчуудаа баярлуулжээ.
Улаанбаатарчуудын уур уцаарыг ихээр бардаг зүйл бол замын бөглөө нийтийн тээвэр хоёр. Уг нь нийтийн тээврийнхэнд тусгай зам гаргаж өгсөн ч тээврийн хэрэгслүүд урдуур нь дайрч, замын бөглөө үүсгэдэг. Үүнээс болж хотоор нэг сүлжилдэн явж байгаа автобус дүүрэн хүн ажил төрлөө алдаж, алтан цагаа үрж байна. Иймд орлогын хойноос, цагт туугдсан автобусны жолооч нар замын чөлөөгөөр галзуу юм шиг давхиж осол аваар гаргах нь олонтаа. Нийслэлийн иргэн бидний амьдрах орчин, амьд явах баталгаа болсон нийтийн тээврийг хотын удирдлагууд бодлогоор түвэггүйхэн шийдчих боломжтой гэсэн. Гадны улсуудын жишгээс харахад манайх шиг ийм нийтийн тээвэртэй газар хаа ч байхгүй. 
Сүхбаатар дүүргийн 15 дугаар хорооны нутаг дэвсгэр Ар хустай, Шадивлан орчимд гэрэл, цахилгаангүй амьдардаг 200 өрх, хамгийн хүндрэлтэй байгаа цахилгааны асуудлыг шийдвэрлэж өгөх хүсэлтийг нийслэлийн Засаг даргын Хот байгуулалт, хөрөнгө оруулалтын асуудал хариуцсан орлогч С.Очирбатад тавьжээ.
Гаалийн ерөнхий газрын харьяа
Хятад болон Монголын хооронд дипломат харилцаа тогтоосны 65 жилийн ой энэ онд тохиож байна. Мөн 2014 оныг тус хоёр улс найрамдлын солилцооны жил болгосон юм. 1994 онд хоёр улс найрсаг харилцаа, хамтын ажиллагааны тухай гэрээ байгуулснаас хойш хэдийн 20 жил өнгөрчээ.
Нийслэлийн Аялал жуулчлалын газрын урилгаар БНХАУ-ын аялал жуулчлалын салбарын төлөөлөгчид Улаанбаатар хотод ирээд байна.