Сүхбаатар дүүргээс 2014 оны тавдугаар сард 15, 17, 18 дугаар хорооны иргэдтэй уулзалт зохион байгуулж хог тээврийн хуваарийг хэлэлцүүлж батлуулсан билээ.
Иргэдээр хэлэлцүүлж баталсан хог тээврийн хуваарийг хэвлүүлж айл өрхөд тараахад бэлэн болсон бөгөөд хуваарийг 2014 оны 7 дугаар сарын 1-ний өдрөөс дагаж мөрдөнө.
Хог тээврийн хуваарийг гаргаж, дагаж мөрдснөөр иргэд хог хаягдлаа тогтсон өдөрт ачуулж хэвших, ил задгай хууль бус хог хаягдал багасах, хороо, иргэд, хог тээвэрлэгч байгуулагын уялдаа холбоо сайжирч иргэдийн эрүүл цэвэр орчин амьдрах нөхцөл бүрдэх юм.
Хог тээврийн хуваарь мөрдөн ажиллах тал дээр дүүргийн Дэд бүтэц, тохижилтын хэлтэс, Хороодын Засаг даргын ажлын алба, төрийн бус байгууллагууд хяналт тавьж ажиллахаар боллоо.
Гэр хорооллыг
Орон даяар явагдаж буй Элсэлтийн
Багахангай дүүргийн МоАХ-ны салбар зөвлөлөөс жил бүр уламжлал болгон зохион байгуулдаг хөлбөмбөгийн нээлттэй тэмцээн энэ сарын 21-нд болно. Иргэдийн чөлөөт цагийг зөв зохистой өнгөрүүлэх, хөлбөмбөгийн спортыг хөгжүүлэх, МоАХ-ны үйл ажиллагааг сурталчилан дэлгэрүүлэх зорилготой тус нээлттэй тэмцээнд Багахангай дүүрэгт үйл ажиллагаа явуулдаг аж ахуйн нэгж, байгууллага, нийслэлийн есөн дүүргийн МоАХ-ны салбар зөвлөлөөс баг бүрдүүлж оролцох юм. Нэг баг нь 20-иос дээш насны 13 хүний бүрэлдэхүүнтэй байна. Хөлбөмбөг сонирхогч иргэдийн дунд зохион байгуулж буй энэ тэмцээнд лигт тоглодог болон хөлбөмбөгийн спортын зэрэг цолтой тамирчдыг оролцуулахгүй гэдгийг зохион байгуулагчид анхаарууллаа. Эхний дөрвөн байр эзэлсэн багийг цом, алт, мөнгө, хүрэл медаль, өргөмжлөл, мөнгөн шагнал хүлээж буй. 
“Засгийн газар жил бүр тайлан бичдэг бус хүмүүс эдийн засгийн өсөлтийн үр дүнг мэдэрдэг хэлбэр рүү орох нь Тогтвортой хөгжлийн гол философи” гэж УИХ-ын гишүүн С.Дэмбэрэл тодорхойлов. Дарга нарын амны уншлага болсон Мянганы хөгжлийн зорилт хэмээх үг ээлж халаагаа өгөх цаг хаяанд иржээ. Учир нь Мянганы хөгжлийн зорилтыг үндсэндээ хэрэгжүүлж дууссан гэж дэлхийн нийтээр үзээд 2015 оноос хойшхи хөгжлийн зорилтуудаа тодорхойлох ажил өрнөж буй. Тогтвортой хөгжлийн зорилт хэмээх шинэ нэр томъёо гаргаж ирж байна. 2015 оноос хойшхи хөгжлийн асуудал Монголд айлчилж буй НҮБ-ын Хөгжлийн хөтөлбөрийн орлогч захирал Хаолянь Шугийн ярианд олонтаа дурдагдаж, НҮБ-ын хөгжлийн хөтөлбөрийнхний гол сэдэв болжээ. Энэ сэдвээр Үндэсний зөвлөлдөх уулзалт НҮБ-уудын байранд боллоо. “Тогтвортой хөгжилд жижиг дунд бизнесийн оруулах хувь нэмрийг нэмэгдүүлэх нь” сэдэвт хэлэлцүүлэгт оролцсон Хаолянь Шу “Эдийн засгийн өсөлт дангаараа утга төгөлдөр бус. Монгол Улс олборлох үйлдвэрээсээ ихээхэн хамааралтай явж ирсэн байдлаасаа салахын тулд эдийн засгийг солонгоруулах, давуу талаа зөв ашиглах хэрэгтэй. Хотжилтын үр дүнд хотын ядуусын тоо ихсэх болсон. Нийгмийн ийм асуудал бий болж байгааг Монгол Улс анхаарч үзэх учиртай. Тэгш бус байдлыг арилгахад анхаарах ёстой. Тогтвортой хөгжлийг бий болгоход төр, хувийн хэвшил аль аль нь чухал үүрэгтэй” хэмээн тэмдэглэв.
Засгийн газрын 18-ны өдрийн хуралдаанаар “Буянт-Ухаа 1 хороололд иргэдээс захиалга авах журамд өөрчлөлт оруулсан” гэж Засгийн газрын хэвлэлийн албанаас мэдээллээ. Уг журмын 6.5-д “ Хэрэв орон сууц худалдан авсан этгээд нь орон сууцны үлдэгдэл төлбөрийг төлөхөөр банк, банк бус санхүүгийн байгууллагаас ипотекийн зээл авах тохиолдолд зээлийн гэрээний үүргийн гүйцэтгэлийг барьцаа хөрөнгөөр хангуулах тохиолдолд журмын 4.3, 6.4 дүгээр заалтууд хүчингүй болно” гэж нэмлээ.
Цагийн хуваарьт өөрчлөлт оруулах талаар байгууллага, аж ахуйн нэгж, иргэдээс ирүүлсэн санал, хүсэлтийн дагуу Нийслэлийн Засаг дарга “Худалдаа үйлчилгээний газруудын цагийн хуваарьт өөрчлөлт оруулах” тухай А/505 дугаар захирамж гаргалаа. Захирамжаар автозамын дагуу байрлах худалдаа, үйлчилгээний газрын ажиллах цагийн хуваарьт өөрчлөлт орсон байна.
Монголчууд бид эртнээс ийн ярьдаг байлаа. Дэлхийн хамгийн эртний
Сири бол хэзээний баян тансаг, эд баялгаар умбаж ирсэн тэр имижээ алдалгүй өнөөг хүрсэн Арабын
Сирийн газрын тосны нөөцийг тогтоох судалгааны ажил 1980-аад оны
Харилцаа холбооны зохицуулах хорооноос Монгол Улсад “Дугаартайгаа шилжих үйлчилгээ” (Number Portability)-г нэвтрүүлэх боломжийн талаар суурь судалгаа хийж дүгнэлт, санал боловсруулан ажиллажээ. Дугаартайгаа шилжих үйлчилгээ гэдэг нь хэрэглэгч үйлчилгээ авч байгаа оператор компаниа өөрчлөх тохиолдолд одоогийн ашиглаж буй дугаараа солихгүйгээр үргэлжлүүлэн ашиглах боломжийг олгодог үйлчилгээ юм байна. Өөрөөр хэлбэл хэрэглэгч нэг оператор компанийн бүртгэлээс гарч өөр оператор компанийг сонгон шинээр хэрэглэгч болох үедээ шилжин очиж буй үйлчилгээ эрхлэгчээс дугаар авалгүйгээр одоо ашиглаж буй хуучин дугаараа шилжүүлэн хэрэглэх боломжтой болох ажээ.Энэхүү боломжийг бий болгохын тулд Ерөнхий сайд Н.Алтанхуяг өчигдөр Харилцаа холбооны тухай хуульд нэмэлт өөрчлөлт оруулах тухай хуулийн төслийг УИХ-ын даргад өргөн барьсан байна. Энэ асуудлыг УИХ-ын байнгын хороо болон чуулганы нэгдсэн хуралдаанаар хэлэлцэнэ.