Category: нийгэм

Баянзүрх дүүрэгт “Сайн өдөр” зах ажиллахаар болжээ. Тодруулбал, тус дүүргийн ЗДТГ-ын өмнөх талбай, Жуковын талбай, Торгоны зам дэлгүүрийн өмнөх талбай болон Сансарын тунелийн талбай гэх дөрвөн цэгт ирэх наймдугаар сарын 02-ны өдрөөс 11 дүгээр сарын 01-нийг хүртэл долоо хоног бүрийн бямба, ням гаригт дүүргийн “Сайн өдөр”-ийн зах ажиллахаар болсон байна. Үндэсний үйлдвэрлэлээ дэмжих, иргэд, худалдан авагчиддаа ченжгүй худалдан авалт хийхэд нь зориулж, дүүргийн Засаг дарга Д.Пүрэвдаваа “Сайн өдөр” зах ажиллуулах захирамж  гаргажээ.

Ирэх бямба гаригийн 09.00 цагаас эхлэн долоо хоног бүрийн хагас, бүтэн сайнд дээрх дөрвөн байршилд гарах асар бүхий захад худалдаа үйлчилгээ хийх иргэдийн бүртгэлийг дүүргийн ЗДТГ-ын Нийгмийн хөгжлийн хэлтэст авч байгаа юм байна. Тус хэлтэст бүртгүүлсэн үндэсний үйлдвэрлэл эрхэлдэг, эх орны хөрсөндөө тарьсан хүнсний ногоо тариаланчид болон сүү, сүүн бүтээгдэхүүний худалдаачид “Сайн өдөр”-ийн захад худалдаа хийхдээ ямар ч түрээс, шимтгэл төлөхгүй аж. Харин тухайн долоо хоногийн бямба гаригийн өглөө хамгийн түрүүнд ирсэн иргэд хамгийн сайн байрлалд зогсож худалдаа эрхлэх боломжийг авах эрхтэй гэдгийг зохион байгуулагчид онцлов.

Ингэснээр хэрэглэгчид үндэсний үйлдвэрлэлийн бүтээгдэхүүнээ үйлдвэрлэгчийнх нь гараас нэмэгдсэн бодит үнээр худалдан авах боломж бүрдэх юм байна.

ОХУ-ын Эрхүү мужид энэ сарын 27-нд болсон “Большой дрифт” наадамд монгол залуу амжилттай оролцож, шилдэг 16-д шалгарчээ.

Газар газраас цугласан 200 уран жолоодогч уг тэмцээнд ур чадвараа сорьсон байна. Монголын спорт автомашин сонирхогч залуусын төлөөлөл болсон н.Зоригтсайхан өөрийн“ Nissan Silvia S15” маркийн автомашинтай оролцжээ.

Тэрбээр шилдэг 16-гаас найм руу дэвших уралдаанд Оросын Максим Гроссмантай нэг гараанд таарч, ялагдан, тэмцээнээ өндөрлөсөн аж. Улмаар Гроссман илт давуу байдлаар ялалтаа цааш үргэлжлүүлсээр түрүүлжээ.

Дашрамд дурдахад, тэмцээний шилдэг дөрөвт багтсан оролцогчид бүгд эрхүүгийнх гэнэ.

НЗЦГ-ын Урьдчилан сэргийлэх хэлтэс нь ХАБХХ-ийн алба хаагч нартай хамтран урин дулаан цаг болсонтой холбогдуулан хөдөө орон нутгийг зорих иргэдийн хөл хөдөлгөөн нэмэгдсэнтэй холбоотойгоор Улаанбаатар хотоос Дархан, Эрдэнэт, Налайх, Багануур, Төв аймгийн нутаг Лүн, Баянцогт сумын чиглэлд зорчиж буй хот хоорондын зорчигч тээврийн үйлчилгээнд явж байгаа жолооч болон хөдөлгөөнд оролцогч нарын замын хөдөлгөөнд оролцож буй байдалд хяналт тавих зоригоор 24 цагаар хөдөлгөөнт эргүүлийн алба хаагчдыг ажиллуулж хяналт шалгалт хийхэд дараах зөрчил дутагдал илэрчээ.

Завхан аймгаас Улаанбаатар хот руу явж байсан 85-16 ЗАА дугаарын хот хоорондын зорчигч тээврийн автобусны жолооч Бат-Эрдэнэ нь \44 зорчигчтой\ хурд хэтрүүлсэн

1. Говь-Алтай аймгаас -Улаанбаатар хот руу явж байсан 03-51 ГАА дугаарын хот хоорондын зорчигч тэээврийн автобусны жолооч нь \39 зорчигчтой\ хурд хэтрүүлсэн

2. Улаанбаатар хотоос Говь-Алтай аймгийн чиглэлд явж байсан 15-80 ГАҮ хот хоорондын зорчигч тээврийн автобусны жолооч Нэргүй нь ээлжийн жолоочгүй

3. Улаанбаатар хотоос Архангай аймгийн чиглэлд явж байсан 96-09 АРХ дугаарын хот хоорондын зорчигч тээврийн автобусны жолооч Лхамаа нь жолооны үнэмлэхтэй боловч мэргэшсэн жолооны үнэмлэхгүй, ээлжийн жолоочгүй,

4. 68-20 ЗАА, 84-85 БНХ дугаарын хот хоорондын зорчигч тээврийн автобусны жолооч нар нь ээлжийн жолоочгүй замын хөдөлгөөнд оролцож явахад нь саатуулан Улаанбаатар хот руу буцаасан. Энэ нь иргэдийн ихээр чирэгдүүлж бухимдуулж байх тул дахин ийм зөрчил гаргахгүй байхыг анхааруулж байна.

Ажилдаа харицлагагүй хандаж буй албан тушаалтанд хариуцлага тооцох талаар албан мэдэгдэл шаардлагыг НЗЦГ-с хүргүүлсэн, хот хоорондын зорчигч тээврийн үйл ажиллагаа эрхэлдэг байгууллагуудад тавих хяналт шалгалтыг эрчимжүүлж тогтмол хяналт шалгалт тавьж зөрчлийг нэн даруй арилгах, гарч болзошгүй зам тээврийн осол хэргээс урьдчилан сэргийлж ажиллах, Монгол улсын Замын хөдөлгөөний аюулгүй байдлын тухай хууль, дүрмийг сурталчлах ажлыг зохион байгуулах шаардлагатай байна.

Мөн орон нутгийн замд илэрч буй гол зөрчил нь бүрэн бус тээврийн хэрэгсэлтэй хөдөлгөөнд оролцох, согтуугаар тээврийн хэрэгсэл жолоодох, хурд хэтрүүлэх, урсгал сөрөх, хүн тээвэрлэх журам зөрчих зэрэг зөрчил ихээр илэрч байгаад арга хэмжээ тооцон ажиллаж байна.

Орон нутгийн замд хийж буй хяналт шалгалтийг 8 сарыг дуустал тасралтгүй 24 цагаар хяналт тавьж ажиллах юм.

Иймд жолооч та бүхэн орон нутагт зорчих, орон нутгаас нийслэлийг зорих гэж байгаа бол МУ-ын Замын хөдөлгөөний аюулгүй байдлын тухай хууль, замын хөдөлгөөний дүрэм болоод бусад нийтээр дагаж мөрдөх хууль дүрмийн хэрэгжилтийг сайтар дагаж мөрдөхийг НЗЦГ Урьдчилан сэргийлэх хэлтсээс анхааруулж байна. 

Улаанбаатар хотод 200 орчим хөшөө, баримал байдаг бөгөөд Улаанбаатар хотын Захирагчийн ажлын албанаас баримал, хөшөө байрлуулах журмыг шинэчлэхээр болжээ. Ер нь хотын төвд газар авч барьсан хөшөө, баримлын 90 гаруй хувь нь зогсож буй төрхтэй, ямар ч утга санаа илэрхийлдэггүй, уйтгартай байдаг.

Үзэж харахуйц орчинтой хийсэн, жишиг баримлын томоохон жишээ нь Явуухулангийн хөшөө юм байна. Цаашид энэ жишгээр хөшөө баримал бүтээх шаардлагатай байгаа аж. 

Сүхбаатар дүүрэг, 1-р хороо Чойдогийн гудамж, Улсын нийтийн номын сангийн уулзвараас 1-р эмнэлэг хүртэлх авто замын өргөтгөл шинэчлэлтийн ажил 7 дугаар сард эхэлсэн.

Тус ажлын гүйцэтгэгчээр  “Ди Вай Кэй Би” ХХК шалгарсан бөгөөд  замын өргөтгөл шинэчлэлийн  ажлын хүрээнд Гадаад харилцааны яамны баруун урд талын авто замын уулзвараас Улсын 1 дүгээр төв эмнэлэг хүртэл хэсгийн тээврийн хэрэгслийн хөдөлгөөнийг 2014 оны 07 дүгээр сарын 31-ний 23 цагаас 2014 оны 08 дугаар сарын 16-ны 6 цаг хүртэлх хугацаанд түр хаахаар боллоо.

Энэ хугацаанд 141м газарт дулааны шугмыг шинэчлэн солиж, хучилтын хавтан хүчитгэх ажлыг хийх юм. Нийслэлийн замын сангийн хөрөнгөөр шинэчилж байгаа энэхүү замыг 2014 оны 10 дугаар сарын 30-нд ашиглалтад өгөх гэрээтэй юю байна.

Өнгөрсөн зургадугаар сарын 6-наас эхлэн  Толгойт өртөөнөөс Амгалан чиглэлд үйлчлэх “Railbus” үйлчилгээнд явж эхэлсэн. Гэвч үйлчилгээнд гараад сар гаруй хугацаа өнгөрсөн ч өнөөдрийн хүртэл үйлчлүүлэгчээ татаж чадаагүй байна. Тодруулбал нэг удаадаа 340 хүнд үйлчлэх боломжтой “Railbus”-аар өдөрт  30-40 хүн үйлчлүүлдэг тухай албаныхан мэдээлж байна. Ингэхдээ дандаа богино зайд буюу 500 төгрөгийн өртөгөөр нэг буудал яваад буудаг аж.

Иймээс энэхүү төмөрзамын автобус цаашид энэ хэвээрээ ажиллавал алдагдал хүлээхээр байгаа юм. Иргэд төмөр замын автобусанд суухгүй байгаагаа хэт өндөр төлбөрөөс нь болсон тухайгаа хэлж байна. Толгойтоос амгалан ортол нийтийн тээвэрт буюу автобусанд 500 төгрөг төлөн зорчиж байхад “Railbus”-аар зорчихдоо 3000 төгрөг төлөх шаардлагтай юм.

Эдийн засгийн байдал  хүндэрч эхэлсэн энэ үед 3,9 сая доллараар худалдан авсан энэхүү төмөр замын автобус нь автозамын түгжрэлийг сааруулж ажлын бүтээмжийг нэмэгдүүлнэ  хэмээж байсан ч энэ нь талаар өнгөрч байх шиг байна.  Иргэдийг 3000 төгрөгөөр зорчуулж байж ашигтай ажиллана хэмээн тооцоолсон албаныхан жирийн иргэдийнхээ амьдралын төвшинг түрүүлж судлах ёстой байж дээ. 

Нью-Йорк, Торонтогийн хөрөнгийн биржид бүртгэлтэй “Turquoise Hill Resources” компани Овооттолгой ордод үйл ажиллагаа явуулдаг “SouthGobi Resources”- ийн эзэмшлийн 29.95 хувиа “National United Resources Holdings”- т худалдах болсон тухай “The Wall Street Journal” мэдээлжээ.

Тодруулбал, Хонконгийн хөрөнгийн биржид бүртгэлтэй “National United Resources Holdings” компанид “SouthGobi Resources”-ийн 56.1 сая ширхэг хувьцааг нэгж бүрийг нь 0.455 канад доллараар худалдахаар болсон байна. Ингэснээр “Turquoise Hill Resources” компанийн “SouthGobi Resources” дэх эзэмшлийн хувь 56-аас бууран 26 болох (48.7 сая ширхэг хувьцаа) аж.

“National United Resources Holdings” нь “Turquoise Hill Resources” компанид 12.8 сая канад долларыг бэлнээр, үүнтэй тэнцэх үлдэх хөрөнгийг хувьцаа худалдан авснаас нэг жилийн дараа шилжүүлэх гэнэ. Дээрх үнэт цаасны арилжааг ирэх арваннэгдүгээр сарын 30-наас хойшлуулахгүйгээр хийхээр төлөвлөж буйг “Turquoise Hill Resources” мэдэгдэлдээ бичжээ.

Дашрамд дурдахад, “Turquoise Hill Resources” нь “Оюутолгой” төслийн 66 хувийг эзэмшдэг билээ. Тэгвэл “National United Resources Holdings” компани нь коксжих нүүрсний худалдаа, ложистик, хэвлэл мэдээллийн сурталчилгааны чиглэлээр үйл ажиллагаа эрхэлдэг байна. Овооттолгой орд БНХАУын хилээс ердөө 40 орчим км зайд байрладаг.

Мөн “SouthGobi Resources” нь манай улсад стратегийн байршилтай гэгддэг нүүрсний Заг сүүж, Сүмбэр, Цагаан толгойн орд эзэмшдэг юм. “SouthGobi Resources” компани нэгдүгээр улиралд 20.8 сая ам.долларын алдагдал хүлээснээ мэдэгдэж байлаа.

Эргэн сануулахад, БНХАУ-ын төрийн өмчит, хөнгөн цагаан үйлдвэрлэгч “Chalco” компани “SouthGobi Resources”- ийн нийт хувьцааны 60 хүртэлх хувийг 926 сая ам.доллараар (тухайн үеийн нэгж хувьцааны ханшаас 28 дахин илүү үнээр) худалдан авах хүсэлтэй байсан нь 2012 онд бүтэлгүйтсэн билээ.

Хөрөнгийн биржээр дамжин хийгддэг байсан Засгийн газрын үнэт цаасны арилжааг  2012 оноос эхлэн Монголбанкинд шилжүүлсэн. Харин өчигдөр Сангийн яамнаас Хөрөнгийн биржид чиглэл өгчээ. Ингэхдээ УИХ-ын 2013 оны 41 дүгээр тогтоолыг хэрэгжүүлэх үүднээс Засгийн газрын үнэт цаасны арилжааг Хөрөнгийн биржээр дамжуулахад зах зээлд оролцогч байгууллагууд бэлтгэгдсэн эсэх, програм хангамж, клиринг, төлбөр тооцоо, тайлан бүртгэлийг холбогдох хууль, журмын дагуу гүйцэтгэх боломжтой эсэхэд судалгаа хийж, ойрын хугацаанд эргэн танилцуулахыг Хөрөнгийн биржийн Гүйцэтгэх захирлын үүрэг гүйцэтгэгч Д. Ангарт даалгасан байна.

Мах  

“Баянзүрх”, “Хархорин”, “Хүчит шонхор” захуудад үхрийн мах кг нь 7500 төгрөг, “Номин” супермаркет болон “Меркури” хүнсний захад 9800 төгрөгийн үнэтэй зарагдаж байгаа бол хонины цул болон ястай мах 6500 төгрөгөөр, харин “Меркури” хүнсний захад 9500 төгрөгөөр худалдаалагдаж байна. Ямааны мах 6000 төгрөгийн үнэтэй бол адууны мах кг нь 5500-6500 төгрөгийн үнэтэй аж.

Гурил 

Энэ долоо хоногт нийслэлийн хүнсний томоохон зах, дэлгүүрт “Алтан тариа” кг гурилын үнэ дээд зэрэг нь 1100-1500 төгрөг, I гурил 900-1100 төгрөг, II гурил 750-1000 төгрөг. “Атар” талх хүнсний зах, дэлгүүрт 1000-1149 төгрөгийн үнэтэй байна. “Барс” хүнсний зах болон “Оргил” супермаркетад “Атар” талхыг хамгийн хямд буюу 1000 төгрөгөөр худалдаалж байна. Харин “Номин” супермаркетад хамгийн өндөр үнэтэй буюу 1149 төгрөгөөр худалдаалж байна.Зүссэн талх 1200 төгрөгийн үнэтэй байна.