Category: зурхай

Аргын тооллын наймдугаар сарын 11, Буд гариг. Билгийн тооллын 3, Харцага одтой, цагаагчин туулай өдөр. Өдрийн наран 05:42 цагт мандан, 20:13 цагт жаргана.

Тухайн өдөр хонь, гахай жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй.

Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба угаал үйлдэх, мал аж ахуйн үйл, удирдлагын суудалд суух, хийморийн дарцаг хатгахад сайн. Газар хагалах, ус булгийн эх малтах, уул овоо тахихад муу.

Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод урагш мөрөө гаргавал зохистой. Балжиннямтай өдөр.

Аргын тооллын наймдугаар сарын 10, Ангараг гариг. Билгийн тооллын 2, Бага морь одтой, цагаан бар өдөр. Өдрийн наран 05:41 цагт мандан, 20:15 цагт жаргана.

Тухайн өдөр морь, нохой жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй.

Эл өдөр худалдаа арилжаа хийх, бизнес эхлэх, хүү сангийн эх хатгах, эд агуурс авах, зээл авах, арвижуулах, дэлгэрүүлэх үйлийг эхлэх, хараал, жатхыг буцаах, амилуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, гэр, байшингийн суурь тавихад сайн. Золиг гаргах, бумбын үйл, бэрийн үйлд муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод хойш мөрөө гаргавал зохистой.

Аргын тооллын наймдугаар сарын 9, Сумъяа гариг. Билгийн тооллын 1, Их морь одтой, шарагчин үхэр өдөр. Өдрийн наран 05:39 цагт мандан, 20:16 цагт жаргана. Тухайн өдөр тахиа, могой жилтнээ аливаа үйлийг хийхэд эерэг сайн.

Эл өдөр элдэв үйлд хянуур хандах хэрэгтэй ба ан гөрөө хийх, мал, адгуус муулах, лус тахих, мал арилжих, гэр бүрэхэд сайн. Цөөрөм байгуулахад муу.

Өдрийн сайн цаг нь бар, туулай, могой, бич, нохой, гахай болой.

Хол газар яваар одогсод баруун хойш мөрөө гаргавал зохистой. Тэрсүүд өдөр.

Үс шинээр үргээлгэх буюу засуулахад тохиромжгүй.

Аргын тооллын наймдугаар сарын 8, Адъяа гариг. Билгийн тооллын 30, Үнэг одтой, шар хулгана өдөр. Өдрийн наран 5:38 цагт мандан, 20:18 цагт жаргана. Тухайн өдөр луу, бич жилтнээ аливаа үйлийг хийхэд эерэг сайн.

Эл өдөр элдэв үйлд хянуур хандах хэрэгтэй ба ан гөрөө хийх, мал, адгуус муулах, лусыг тахих, хүүхэд үрчлэн авах, хур оруулах, дархны үйлд сайн. Улааны үйл, төлгө тавих, морь уралдах, сэтгэлд сэвтэй газар очиход муу.

Өдрийн сайн цаг нь хулгана, үхэр, туулай, морь, бич, тахиа болой.

Хол газар яваар одогсод зүүн зүгт мөрөө гаргавал зохистой.

Үс шинээр үргээлгэх буюу засуулахад тохиромжгүй

Аргын тооллын
наймдугаар сарын 7, Санчир
гариг. Билгийн тооллын 29,
Найралт эх одтой, улаагчин
гахай өдөр. Өдрийн наран
5:37 цагт мандан, 20:19 цагт
жаргана. Тухайн өдөр хонь,
туулай жилтнээ аливаа үйлийг хийхэд эерэг
сайн ба гахай, хулгана жилтнээ сөрөг муу
нөлөөтэй тул элдэв үйлд хянамгай хандаж, биеэ
энхрийлүүштэй. Эл өдөр гэмт хэрэг илрүүлэх,
гэм буруутныг шийтгэх, нялхсын хурим хийх,
сүм дуганыг сэргээх, огторгуйн үүдийг боох,
их хүмүүнтэй уулзахад сайн.

Газар ухах, худаг
гаргах, гөлөг тэжээх, балгадын суурь тавих, нохой
худалдан авахад муу.
Өдрийн сайн цаг нь үхэр, луу, морь, хонь,
нохой, гахай болой. Хол газар яваар одогсод зүүн
хойш мөрөө гаргавал зохистой.

Балжиннямтай
өдөр. Намрын уур орох улирал (15:45 цаг)-т
эхэлнэ.

Үс шинээр үргээлгэх буюу засуулахад
тохиромжгүй

Аргын тооллын наймдугаар сарын 4, Буд гариг. Билгийн тооллын 26, Гөрөөсөн толгой одтой, хөх бич өдөр.

Өдрийн наран 5:33 цагт мандан, 20:24 цагт жаргана. Тухайн өдөр хулгана, луу жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба сан тавиулах, угаал үйлдэх, бүжиг наадам хийх, цэцэрлэг байгуулах, урлан бүтээхэд сайн. Хувцас эсгэх, шинэ хувцас өмсөх, зөвлөгөөн хийх, сэтгэлд сэвтэй газар очиход муу.

Аргын тооллын
наймдугаар сарын 3.
Ангараг гариг. Билгийн
тооллын 25, харагчин
хонь өдөр. Өдрийн наран
05:31 цагт мандан 20:25
цагт жаргана.

Энэ өдөр
гахай, туулай жилтнээ
аливаа үйлийг хийхэд эерэг сайн ба бич,
тахиа жилтнээ сөрөг муу нөлөөтэй тул элдэв
үйлд хянамгай хандааж биеэ энхрийлүүштэй.

Эл өдөр гэмт хэрэг илрүүлэх, гэм буруутныг
шийтгэх, хишиг даллага дуудуулах, насан
бүтээл хийлгэх, мал худалдан авах, мал түгээх,
сахил санваар авах, хануур төөнүүр хийлгэх,
хийморийн дарцаг хатгахад сайн.

Өдрийн сайн цаг нь бар, туулай, могой бич,
нохой, гахай болой.

Үс шинээр үргээлгэх буюу засуулахад
тохиромжгүй.

Аргын тооллын
наймдугаар сарын 2.
Сумъяа гариг. Билгийн
тооллын 24, хар морь
өдөр. Өдрийн наран
05: 30 цагт мандан 20:27
цагт жаргана.

Тухайн өдөр
барь, нохой жилтнээ аливаа үйлийг хийхэд
эерэг сайн.

Эл өдөр ан гөрөө хийх, мал
адгуус муулах, угаал үйлдэх, тангараг
тавих, гэр байшингийн суурь тавихад сайн. Гэр бүрэх, хэрүүл тэмцэлд муу. Өдрийн сайн цаг нь хулгана, үхэр, туулай,
морь, бич, тахиа болой. Хол газар яваар одогсод хоыш мөрөө гаргавал зохистой.

Үс шинээр үргээлгэх буюу
засуулахад тохиромжгүй.

Аргын тооллын наймдугаар сарын 01, Адъяа гариг. Билгийн тооллын 23, Гоё хүүхэн одтой, цагаагчин могой өдөр. Өдрийн наран 5:29 цагт мандан, 20:28 цагт жаргана. Тухайн өдөр үхэр, тахиа жилтнээ аливаа үйлийг хийхэд эерэг сайн. Эл өдөр худалдаа арилжаа хийх, бизнес эхлэх, хүү сангийн эх хатгах, эд агуурс авах, зээл авах, арвижуулах, дэлгэрүүлэх үйлийг эхлэх, хараал, жатхыг буцаах, газар лусын зан үйл хийх, өр барагдуулах, гэр бүрэхэд сайн. Ургаа мод таслах, газрын ам нээх зэрэг үйлд муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод баруун хойш мөрөө гаргавал зохистой.