Category: гадаад

Өнгөрсөн сарын 16-нд осолдож 300 хүүхдийн амийг авч одсон Өмнөд Солонгосын «Севол»  онгоцны осолдсон шалтгааныг тогтоожээ. Онгоц чиглэлээ огцом өөрчилсний улмаас осолдсон хэмээн албаныхан мэдээлсэн байна. Тус улсын “Yonhap” мэдээллийн агентлагт нийтэлснээр «Севол»  хөлөг арлын ойролцоох нарийн хоолойгоор өнгөрч явахдаа 15 градусын огцом эргэлтийг хийсэн аж.  Ингэснээс онгоц хазайн хажуугаараа унан живсэн байна.

 Тус онгоц зургаан мянга гаруй тоннын усан эзлэхүүнтэй байжээ. Гэсэн ч даацнаасаа хэтэрсэн ачаа ачсан байсан тул тэнцвэрээ сэргээн тогтоож чадалгүй, мөн тэнцүүлэлтийн савнууд нь усаар дүүрээгүй байсан тул хурдан живсан гэнэ. “Хөлгийн ахмад болон бусад гишүүд хөлөг тэнцвэрээ эргүүлэн тогтооход илүү их цаг зарцуулна гэдгийг мэдэж байсан. Тэд замдаа гарахын өмнө зохих заавар авсан” гэж мөрдөн байцаагчдын нэг хэлсэн байна. Осол гарах үеэр хөлгийн ахмад онгоц осолдохыг аль хэдийнэ мэдээд хэргийн газраас зугтсан. Харин туршлага муутай гурав дахь туслах, жолооч хоёр огцом эргэлт хийсэн аж. 

Уг  зүтгүүр онгоцоор 476 зорчигч, багийн гишүүд явсан юм. Зорчигчдоос 281 хүн амиа алдсан нь баталгаатай болсон ба 23 хүн сураггүй болсноор тооцогдож байна.

Э.Номин

Бангладешийн Менгхна голд 150 зорчигчтой хөлөг онгоц осолдсон тухай бид мэдээлсэн билээ. Хамгийн сүүлд авсан мэдээллээр хүчтэй салхи салхиж, аадар бороо орсноос осолдсон байна. Нас барагсдийн тоо 22-д хүрч 100-аад хүн сураггүй хэвээр байгаа гэнэ. 

АНУ-ын Ерөнхийлөгч Б.Обама Нью-Йорк хотноо 2001 оны есдүгээр сарын 11-нд болсон үйл явдалд зориулсан музейн нээлтэд оролцлоо. Хоёр ихэр цамхагийг нурах үед амьд гарсан иргэд болон тэр үед ажиллаж байсан аврах багийнхан зэрэг хүмүүс нээлтийн ажиллагаанд хүрэлцэн очсон байна. 

“Аль-Каида” бүлгийнхэн Дэлхийн худалдааны төвийн байр руу халдсан явдлын улмаас 3 мянган хүн нас барсан билээ.

Бангладешийн нийслэл Дакки хотын ойролцоо орших Менгхна голд 150 зорчигчтой хөлөг онгоц осолдсон байна. Хүчтэй бороо орж байсны улмаас усан онгоц хөмөрсөн бөгөөд аврах багийнхан тусламж үзүүлж байгаа гэнэ. Хамгийн сүүлд авсан мэдээллээр найман хүнийг  уснаас гаргаж авсан тухай мэдээллээ. Орон нутгийн Цагдаагийн газрын даргын мэдэгдсэнээр хөлөг онгоц усанд живсэн тул аврах ажиллагаанд нэлээд хүндрэл учруулж байгаа гэнэ.

Бүгд Найрамдах Турк Улсын Маниса мужид нүүрсний уурхайд дэлбэрэлт болж олон хүний амь эрсэдсэнд Бүгд Найрамдах Турк Улс өнөөдрөөс орон даяар 3 хоногийн гашуудал зарлаад байна.
Үүнтэй холбогдуулан Монгол Улсын Засгийн газрыг төлөөлж Гадаад харилцааны дэд сайд Д.Ганхуяг Турк Улсын Элчин сайдын яаманд хүрэлцэн очиж  эмгэнэл илэрхийллээ.
Мөн Гадаад харилцааны сайд Л.Болдоос Бүгд Найрамдах Турк Улсын Гадаад хэргийн сайд А.Давутолуд эмгэнэл илэрхийлж захидал хүргүүлжээ.

Өмнөд Солонгост осолдсон “Sewol” хөлгийн ахмад Ли Жүн Сеок болон ахлах инженер, түүний нэг, хоёрдугаар орлогчийг хүн амины хэрэгт буруутган яллаж буйгаа мөрдөн байцаах ажиллааг явуулж буй ахлах прокурор Ян Жүн Жин мэдэгджээ. Хэрэв тэднийг шүүхээс гэм буруутай гэж үзвэл бүх насаар нь хорих ажээ. Мөн хөлөг онгоцны 11 ажилтанг аюулгүй ажиллагааг хангаж чадаагүй гэдэг үндэслэлээр яллахаар болжээ. Дөрөвдүгээр сарын 16-нд болсон дээрх ослоор 284 зорчигч амиа алдаж, сураггүй алга болсон 20 гаруй хүнийг одоо болтол хайсаар байна.

Өмнөд Хятадын тэнгис дэх маргаантай газар нутагт Хятадын тал өрөмдлөгө хийснээс билээ. Үүний улмаас сүүлийн өдрүүдэд Вьетнамд Хятадыг эсэргүүцсэн арга хэмжээ нэлээд эрчимээд байгаа. Вьетнамын өмнөд нутагт байдаг Хятадын төмрийн үйлдвэр рүү мянга гаруй Вьетнамын иргэн дайран оржээ. Энэ үеэр 20-иод хүн амь үрэгдсэн тухай мэдээллээ.Түүнээс гадан тус улсад үйл ажиллагаа явуулдаг Хятадын 20-иод компани байр руу дайрсан байна.

Ю.Дэлгэр

Туркийн Сома хотын ойролцоох уурхайд дэлбэрэлт гарсан тухай мэдээлсэн билээ. Хамгийн сүүлд авсан мэдээллээр үүий улмаас 270 хүн амь үрэгджээ. Туркийн Засгийн газрын тэргүүн Р.Тайипа нөхцөл байдалтай танилцахаар хэргийн газар очсон билээ. Гэтэл цугларсан хүмүүс Ерөнхий сайд машин руу чулуугаар нүүлгэжээ.Үүнтэй холбогдуулан өчигдөр Анкара болон Стамбул хотноо эсэргүүцлийн цуглаан болж Засгийн газрыг огцрохыг шаардсан байна. Туркт уурхайд дэлбэрэлт болсонтой холбогдуулан тус улсад гурван хоногийн гашуудал зарлажээ.

Ю.Дэлгэр

Канадын нэрт дуучин Жастин Биберийг тойрсон дуулиан дахин дэгджээ. Энэ удаад Лос-Анжелес хотын цагдаагийн хэлтэст нэгэн эмэгтэй хандаж түүнийг утсыг нь дээрэмдэхийг завдсан гэв. Энэ талаар хотын цагдаагийн газрын төлөөлөгч Розарио Эррер мэдэгдэхдээ дээрмийн хэрэгт буруутган Ж.Биберийн эсрэг хавтаст хэрэг нээн шалгаж эхэлсэн гэнэ. Хохирогчийн ярьснаар Ж.Бибер нэгэн зугаан цэнгээний төвд мини гольф тоглож байхдаа бусдын эдэд халдсан гэжээ. Тухайн үед бүсгүй 13 настай охиныхоо хамт дуучинтай мэндлэхээр ойртох үедээ цүнхнээсээ гар утсаа гаргасан аж. Гэхдээ дуучны зургийг авахыг бодоогүй гэнэ. Гэтэл гар утсыг нь харсан дуучин утсаа өг гээд зургаа арилгахыг шаардсан гэнэ. Харин эмэгтэй татгалзсан хариу хэлэхэд Ж.Бибер цүнхийг нь шүүрэн авчээ. Хатагтай утсаа авахыг оролдсон ч тэрээр гараас нь мултлаад авчээ.  Эмэгтэйн утас блоклогдсон байсан гэнэ. Харин уурандаа бахардсан дуучин түүнийг элдэв үгээр доромжилсон аж.  Уг хэрэг охиных нь нүдэн дээр болсон тул айж балмагдсан охин нь уйлсан гэнэ.  Харин дуучин охин руу эргэн харж, ойр тойрны хүмүүс рүү хашгичиж эхэлсэн ч хамгаалагчид нь тайвшруулахыг оролдсон байна.
Он гарсаар тэрээр нэг бус удаа хуулийнхтай орооцолдох болсон билээ. Тухайлбал, хөршийнхөө байшин руу бөмбөг шидэж танхайрсан хэргийнхээ төлөө тэрээр 20 мянган ам.долларын төлбөрт унасан гэдэг. Мөн Флорида мужид согтуу байдалтайгаар жолоо барьж байгаад баригдсан. Цагдаа нар түүнийг зогсоох үед тэрээр бичиг баримтгүй байсны сацуу эсэргүүцэл үзүүлсэн гэх. Канадын дуучинг мөн төрөлх хотод нь лимузины жолооч руу халдсан гэх хэргээр бас буруутгаж байгаа юм байна.  

Өнөөдөр орой Каннын олон улсын кино наадам эхэлж албан ёсоор нээлтээ хийх юм. 67 дахь удаагаа болж буй уг наадам нь 12 хоног үргэлжлэх бөгөөд нээлтээ Францын найруулагч Оливье Даанагийн  “Монакогийн гүнж” киноогоор хийх гэнэ.  Уг бүтээлийг Оскарын шагналт нэрт жүжигчин, Монакогийн гүнтэй гэр бүл болсон Грейс Келлигийн амьдралаар сэдэвлэн хийжээ. Гол шагналын  төлөө дэлхийн 11 орноос ирүүлсэн 18 кино өрсөлдөх юм. Энэ жил шүүгчдийн бүрэлдэхүүнд Францын жүжигчин Кароль Буке, Америкийн жүжигчин Уиллем Дефо, Мексикийн жүжигчин Гаэль Гарсиа Берналь, Өмнөд Солонгосын жүжигчин Чон До Ен нар оржээ.

Ю.Дэлгэр