Хууль зүйн сайд Х.Тэмүүжингийн урилгаар БНХАУ-ын Хууль зүйн дэд сайд Жан Сүжүнь энэ сарын 26-27-ны өдрүүдэд Монгол Улсад айлчлах гэж байна. Айлчлалын үеэр хоёр улсын эрх зүйн шинэчлэл, хууль сахиулах байгууллагын тогтолцоо, хорих ангиудын үйл ажиллагааны талаар мэдээлэл солилцох юм байна. Мөн хууль, эрх зүйн салбарын харилцаа, хамтын ажиллагааг өргөжүүлэх, хоёр улс хооронд эрх зүйн туслалцаа харилцан үзүүлэх ажлыг эрчимжүүлэх, хийгээд хамтын ажиллагааг цаашид хөгжүүлэх боломж бололцооны талаар санал солилцоно. Түүнчлэн, Хууль зүйн дэд сайд Э.Эрдэнэжамъян, Жан Сүжүнь нар хоёр улсын Хууль зүйн яам хоорондын хамтын ажиллагааны санамж бичигт гарын үсэг зурах аж.
Category: гадаад
Өөрийгөө тунхагласан Луганск Ард улсын удирдлага бүс нутагт дайны онц байдал тогтоохоор шийдэв. Энэ тухай ЛАУ-ын тэргүүн, “ард түмний захирагч” гэгдэх Валерий Болотов мэдэгджээ. “Киевийн хунтын зүгээс байлдааны ажиллагааг эхлүүлсэнтэй холбогдуулан ийм арга хэмжээг авч байна. Манай хүмүүс хөнөөгдөж эхэллээ” гэж тэр хэлээд, бүх нийтийн дайчилгааг зарлажээ.
Тавдугаар сарын 22-ны өглөөнөөс эхлэн Рубежное, Лисичанск хотуудын районд тулаан болж байна. Украины армийн хуягт техникийн цуваа Луганск хотын зүг довтолгоон эхлүүлжээ. Пүрэв гаригт шилжих шөнө Зүүн өмнөдийн армийн сайн дурынхан Украины хуягт техникийн цуваанд довтлон, гурван хуягтыг эзлэн авсан байв. Киевийн мэдлийн арми самуунт мужуудыг ерөнхийлөгчийн сонгуулийн өмнө “номхотгохыг” оролдож байна. Луганск мужийн төвийн зүг 200 орчим цэргийн техникийн цуваа хөдөлсөн ба Луганск цэргийнхний довтолгоог хүлээж байгаа аж.
Казакстаны Калачи тосгонд нэгэн сонин хам шинж илэрчээ. Энэ нь олон хоногоор унтаад сэрдэггүй хам шинж бөгөөд одоогоор тосгоны 60 гаруй хүн халдварлаад байгаа юм байна. Тэд дээд тал нь зургаан хоног унтдаг байна. Ингэж олон хоног унтаад сэрэхдээ зарим нь түр ой санамжаа алддаг боловч хэсэг хугацааны дараа хэвийн байдалд ордог гэнэ.
Эрдэмтэд энэ сонин үзэгдлийг тун их гайхаж байгаа юм. Нутгийн иргэд үүнийг уул уурхайтай холбоотой гэж үзэж байгаа ажээ. Эрдэмтэд дээрх хам шинж илэрсэн хүмүүсийн цус, үс, хумс болон тухайн тосгоны ус хөрснөөс 7000 гаруй шинжилгээ авсан байна. Шинжилгээгээр хүнд металл, радио цацрагийн түвшин өндөр гарсан нь бактери вирус үржих шалтгаан болсон гэж үзэж байгаа хэдий ч дээрх хам шинжтэй ямар холбоотой болохыг тогтоож чадахгүй байгаа аж.
Хятадын шүүх нүүрс олборлолтын салбарт үйл ажиллагаа явуулдаг компанийн эзэн, бизнесмен Лю Ханд цаазаар авах ял оноосон байна. Түүнийг гэмт хэрэг үйлддэг бүлэг байгуулж хүний амь бүрэлгэсэн, хууль бусаар зэвсэг наймаалсан зэрэг хэргээр буруутгасан юм. Лю Хан, түүний дүү гээд нийтдээ 37 хүнийг баривчилж цаазаар авах, 11 жил хорих ял оноосон байна. Хятадын прокурорын газраас тус бүлгийг 1993 онд байгуулагдаж маш олон гэмт хэрэг үйлдсэн гэв. Лю Ханий хэрэг нь нэлээд дуулиан тарьсан бөгөөд Хятадын эрх баригчдын хээл хахуультай тэмцэх хүрээнд явуулж томоохон ажил аж.
Ю.Дэлгэр
Тайландад төрийн эргэлт болж зэвсэгт хүчний командлагч генерал Прают-Чан-Оча цэргийнхэн засгийн эрхийг авсан тухай мэдээллээ. Генерал Прают-Чан-Оча телевизээр мэдэгдэл хийхдээ улс оронд дэг журмыг тогтоож, улс төрийн шинэчлэл хийнэ гэв. Тайланд даяар хол хорио тогтоож өглөөний арваас таван цаг хүртэл улс төрийн арга хэмжээ зохион байгуулахыг хориглосон байна. Бүх радио, телевиз, кабелийн телевизүүдийн нэвтрүүлэгийг түр хугацаагаар зогсоожээ. Түүнээс гадна BBC, CNN, “Аль-Джазира” телевизүүдийг хориглосон байна. Таваас дээш хүн оролцсон улс төрийн хурал цуглаан хийхийг хориглож энэ журмыг зөрчсөн тохиолдолд 10000 бат буюу 300 ам.доллараар торгох юм байна Тайландын улс төрийн хүчнүүд хэлэлцээ хийж байсан билээ. Гэвч цэргийн засгийн эрхийг авсан тухай мэдэгдсэнэс хойш зогсчээ.
Ю.ДЭЛГЭР
Мансууруулах бодисын хууль бус захуудад, ялангуяа, Зүүн Ази болон Умард Америкт метамфетамин буюу “мөс” гэдэг нэгэн төрлийн мансууруулах бодисын хууль бус наймаа хүрээгээ тэлж байгаа тухай НҮБ-ын агентлаг мэдэгдлээ.
НҮБ-ын Мансууруулах бодис, гэмт хэргийн асуудал эрхэлсэн газар уржигдар буюу тавдугаар сарын 21-нд үнэлгээний тайлангаа танилцуулсан байна.
Уг тайланд дурдсанаар, метамфетамин гэх донтуулагч мансууруулах бодисыг Зүүн Ази болон Номхон далайн бүс нутгаас таван жилийн хугацаанд хурааж авсан тохиолдол 2012 онд гурав дахин өссөн байна.Тодруулбал, 36 тонн метамфетамин хурааж авчээ.
Үүний 45 хувийг Хятадаас, 30 орчим хувийг Таиландаас хурааж авсан байна.
Мөн Хятад, Филиппин болон Мьянмарт мансууруулах бодис үйлдвэрлэгч лабораториуд үйл ажиллагаа явуулж буйг уг тайланд дурджээ.
Харин 2012 онд Умард Америкаас 50 гаруй тонн метамфетамин хурааж авсан байна. Энэ нь өмнөх таван жилийнхээс ойролцоогоор тав дахин өссөн үзүүлэлт юм. Энэ мансууруулах бодисыг ихэвчлэн бусад улс руу хууль бусаар хилээр гаргаж байгааг тайланд тэмдэглэжээ.
Метамфетамины хэрэглээ цааш тархаж буйг зогсоохын тулд дэлхий нийтээрээ хяналт тавьж, гишүүн улсууд харилцан мэдээлэл солилцох шаардлагатай байна гэж НҮБ-ын албаны хүмүүс онцлон тэмдэглэлээ. Мөн хил залгаа орнууд, бүсийн орнуудын хуулийн байгууллага, хил галийн ажилчдыг сонор сэрэмжтэй үйл ажлаа хийж хууль бус наймааг таслан зогсоохыг уриалсан байна.
Òàéëàíäûí öýðýã àðìèéíõàí º÷èãäºð Çàñãèéí ãàçðàà õÿíàëòàíäàà àâ÷, òºðèéí ýðãýëò õèéëýý. Èíãýñíýýð Çàñãèéí ãàçàð ¿éë àæèëëàãààãàà ò¿ð çîãñîîãîîä áàéãàà àæ. Òàéëàíäûí àðìèéí çàõèðàã÷ Æåí Ïðàþò ×àí-î÷à º÷èãäºð îëîí íèéòèéí ìýäýýëëèéí õýðýãñëýýð ýíý òàëààð àëáàí ¸ñîîð ìýäýãäæýý. Òýä òºðèéí ýðãýëò õèéñíýýñ õîéø õî¸ð õîíîãèéí äîòîð óëñ òºðèéí ãîë õ¿÷í¿¿äòýé õýëýëöýý õèéõ àæ. Òàéëàíä óëñàä îëîí ñàðûí òóðø ¿éìýýí äýãäýæ, öýðã¿¿ä íü áàéëäààíû áýëýí áàéäàëä áàéãàà áèëýý.
Ý.Íîìèí
БНХАУ-ын Шинжаан-Уйгарын өөртөө засах орны нийслэл Үрүмчи хотын зах дээр дэлбэрэлт болсон тухай мэдээллээ. Үүний улмаас ойролцоогоор 31 хүн нас барсан бөгөөд чухам хичнээн хүн гэмтэж бэртсэн талаар одоогоор тодорхой мэдээлэл алга. Хотын төвын ойролцоо орших зах дээр моторт дугуйны жолооч хүмүүсийг дайрч дараа нь тэсрэх бөмбөг дэлбэрэлсэн хэмээн гэрчүүд ярьсан байна.
Ю.Дэлгэр
Өнөөдөр Санкт-Петербургийн олон улсын эдийн засгийн форумд эхэллээ. Уг арга хэмжээнд дэлхийн 146 томоохон компанийн тэргүүн, 62 орны төр засгийн тэргүүн, Оросын 450 томоохон компани оролцож байгаа юм. Тус форум нь гурван хоног үргэлжлэх бөгөөд өнгөрсөн жилийнхтэй харьцуулахад оролцогчдын тоо багассан аж. Энэ нь Украины байдлын улмаас ОХУ, АНУ, Европын орнуудын харилцаа нэлээд ээдрээтэй байгаатай холбоотой юм.
Украины Мариуполь хотод зэвсэглэсэн этгээдүүд нэг цагийн дотор гурван банк дээрэмдсэн байна. Хоорондоо 15 минутын зайтай дээрэм хийхдээ нийтдээ 50 мянган гривен буюу 145 мянган рубль дээрэмджээ. Гурван банк нь гурвуулаа Мариупол хотын төвд оршдог бөгөөд зэвсэглэсэн таван эрэгтэй дайран орж ирээд сүрдүүлэн мөнгийг авсан байна. Одоогийн байдлаар тус хотын ихэнх банкууд ажиллахгүй байгаа гэнэ.