Гэлмаа нарыг хамба цолтон болгохыг зөвшөөрөх шийдвэрийг Английн сүм гаргалаа. Үндэсний ассамблейд гишүүдийн гуравны хоёр хувийн саналаар ийм шийдвэр гаргасан байна.
Анхны эмэгтэй хамбыг энэ оны сүүлээр томилж магадгүй.
Хоёр жилийн өмнө үүнтэй адил саналыг батлахаас татгалзаж байжээ. Харин энэ саналыг эсэргүүцэгчдийн үзэж буйгаар, эмэгтэй хүмүүсийг хамба болгох нь Библийг “үгүйсгэсэн хэрэг” аж.
Английн сүмийн тэргүүн хамба Жастин Уэлби энэ шийдвэрийг сайшаажээ. Тэрбээр дэлхийн 80 сая орчим англикан сүмийн удирдагч юм.
Энэ шийдвэрийг гаргасан өдөр бол Английн сүм болон эрх тэгш байдлын хувьд “түүхэн өдөр” гэж Британийн Ерөнхий сайд Дэвид Камерун хэлэв.
Канад, Австрали болон өөр зарим улсад эмэгтэй хүмүүс хамбаар ажиллахыг хэдийн хүлээн зөвшөөрсөн билээ.
Умард Солонгосын зүүн эрэг дэх Солонгосын Ардын армийн 171 дүгээр анги Япон тэнгис рүү тийрэлтэт сумаар буудсан хээрийн сургуульд Батлан хамгаалах хорооны дарга, удирдагч Ким Чен Ун өөрийн биеэр оролцож гал нээх тушаал өгсөн байна. Буудлагын үр дүнд тэрээр сэтгэл хангалуун байж, “Солонгосын ардын армийн дайчид дайсанд хүчтэй цохилт өгөхөд бэлэн байна” гэж үнэлжээ. Ким Чен Уныхаар бол БНАСАУ-д дайсагнагч хүчнүүд сүүлийн үест “социалист улс орныг нь боомилж хүчирхийлэх гэсэн оролдлогоо бүр ил тод явуулах” болжээ. Тэрээр “Ганцхан БНАСАУ-ын ард түмэн цэцэглэн хөгжиж байгаа орноо байгуулах их үйлсээ үргэлжлүүлж, эх оронч үзлээр хүмүүжсэн солонгосын арми улс орноо найдвартай батлан хамгаалж байна” гэснийг хэвлэлүүд иш татжээ. 
7-р сарын 12-нд Оросын Новосибирск хотод гэнэт ийм хүчтэй мөндөр орсон байна. Голын эрэг дээр амарч байсан хүмүүс ихэд сандарчээ.
Ливийн Триполи хотын нисэх онгоцны буудал тийрэлтэт зэвсгийн халдлагад өртсөний уршгаар нэг хүн алагдаж, зургаан хүн шархаджээ. Мөн 12 онгоц халдлагад өртсөн байна. Ливийн удирдагчид 2011 онд дарангуйлагч Муаммар Каддафийг засгийн эрхнээс түлхэн унагаснаас хойш өөр хоорондоо тэмцэлдэх болсон юм. Дээрх халдлагын дараа онгоцны буудлаас бүх ажилчдыг гаргаж, нислэгүүдийг түр хугацагаар хойшлуулаад байна. Триполигийн олон улсын онгоцны буудал нь Ливийн тээврийн гол шугамаас 30 километрийн зайтай оршдог. Тус улсын хоёр дахь том онгоцны буудал болох Бенгазийг хоёр сарын турш хаагаад байгаа бөгөөд одоо зөвхөн Мисрата үйл ажиллагаа явуулж байна. Ливиэс Европын холбооны улсууд руу нислэг үйлдэхгүй байгаа ажээ. Харин НҮБ-ын ажилчид Тунисын хилийг дамжин, тусгай хамгаалалттайгаар Ливиэс явжээ. 
Арван жил ажиглагчйн статустай байсан Монгол Улс Еврази болон Зүүн Азийн улсуудаас бүрдсэн Шанхайн хамтын ажиллагааны байгууллагын (ШХАБ) бүрэн эрхт гишүүн болж магадгүй гэж БНХАУ-ын Гадаад харилцааны сайд Ван И мэдэгдлээ.
Шинэ бүтээгдэхүүн дөнгөж танилцуулагдан худалдаа нь эхлэх үед шинэ iPhone гар утас худалдаж авахад ямар ч хомсдол, хүрэлцээгүй байдал үүсэхгүй баймаар. Гэхдээ технологи, бизнесийн мэдээллийн Business Weekly сэтгүүлийн Тайвань улсад хэвлэгдэн гардаг хувилбарт өгүүлснээр Apple компани iPhone 6 ухаалаг гар утасныхаа эхний багцыг маш олон тоогоор үйлдвэрлэхээр төлөвлөж байгаа гэнэ. Тус сэтгүүлд бичсэнээр бол Apple компани шинэ ухаалаг утсандаа 68 сая захиалга хүлээн аваад байгаа гэжээ. Энэ нь уг гар утасны өмнөх хувилбар болох iPhone 5-ын худалдаа эхлэх үеэс бараг 2 дахин их хэмжээний тоо юм байна.
Өмнөд Солонгосын Samsung нь Хятадын Dongguan Shinyang Electronics компанитай хамтран ажиллаж бүтээгдэхүүнийхээ зарим эд ангийг авдаг юм байна. Харин саяхнаас хамтын ажиллагаагаа түр зогсоосон тухайгаа мэдэгдлээ. Учир нь Нью-Йорк дахь олон улсын хүний эрхийг хамгаалах “China Labour Watch” байгууллагаас Хятадын компани насанд хүрээгүй хүүхдийг ажиллуулдаг тухай мэдээлсэн байна. Тиймээс хэрвээ энэ үнэн болох нь батлагдах юм бол Samsung нь Хятадын компанитай цаашид хамтран ажиллахгүй гэдгээ мэдэгджээ. 
Оросын тэрбумтан Андрей Гончаровский Их Британид хамгийн үнэтэйд тооцогддог харшийг худалдан авлаа. Лондон хотын баячууд амьдардаг дүүрэгт байрладаг“Hanover Lodge” нэртэй харш нь 120 сая фунт стерлинг буюу 205,5 сая ам.долларын үнэтэй юм. А.Гончаровский нь сүүлийн гурван жилд Лондонгийн хөрөнгийн бирж дээр ийнхүү дөрөв дэх үл хөдлөх хөрөнгө худалдан авлаа. Олон түмэнд төдийлөн танил бус Оросын тэрбумтан нь түүний хэрхэн хөрөнгөжсөн нь ихэд сонирхол татахуйц хэмээн бичжээ.
Израилийн нисэх хүчин бямба гаригт Газын зурвасыг бөмбөгдөх үеэр таван хүн амиа алдсан ба өмнөх цохилтуудаар 16 хүн үрэгджээ. Газын зурваст сүүлийн хоногуудад нийтдээ 21 палестин амиа алджээ. Сүүлчийн бөмбөгдөлт нь Газаас Нетивот хотыг палестинчууд пуужингаар буудсаны хариу байсан бөгөөд пуужингийн довтолгоонд хоёр израиль хүн шархаджээ.