Энэтхэгийн Махараштра мужийн Малин сууринд хөрсний нуралт болж, 21 хүн амиа алджээ. Гамшигт нэрвэгдсэн нутагт аврах багийнхан ажлаа үргэлжлүүлсээр байна. Хамгийн сүүлийн мэдээгээр энэхүү байгалийн гамшигт 150 хүн сураггүй болжээ. Аврах багийнхан нуранги дороос долоон хүнийг гаргасны дунд 25 настай эмэгтэй зургаан сартай хүүхдийнхээ хамт аврагдсан байна. Бүсгүйн гэр хөрсний нуралтад дарагдсан байжээ. Аврагчид байшингийн дээврийг ховхлох үед эмэгтэй хүүхдээ чанга тэвэрсэн байсан гэнэ. Хөрсний нуралт хүмүүс ид унтаж байхад буюу үүрээр болжээ. Тус улсын онц байдлын албаны мэдээлснээр гамшигт 40 орон сууц өртжээ. Энэтхэгт зун цагт ширүүн бороо үргэлжлэн орсноос хөрсний нуралт үүсэх явдал элбэг аж.
АНУ-ын “Орбис” нисдэг нүдний эмнэлэг нь манай оронд энэ жил долоо дахь удаагаа хүрэлцэн ирж, Монголын нүдний эмч, профессорууд, сувилагч нарын дунд нүдний тусламж үйлчилгээний чанарыг сайжруулах эрчимжүүлсэн сургалтыг амжилттай зохион байгуулжээ. Энэ талаар тус эмнэлэгийн захирал Ахмед Гома, Хойд Азийн салбар хариуцсан захирал Жорж Смит болон ЭМЯ-ны нүдний салбар зөвлөлийн дарга Ж.Баасанхүү нар дэлэгрэнгүй мэдээлэл өглөө. 
БНАСАУ-ын уран хатгамалч Чэ Жон Сүний уран бүтээлийн бие даасан үзэсгэлэн “Blue Moon” арт галерейн үзэсгэлэнгийн танхимд маргаашнаас нээлтээ хийх гэж байна. Үзэсгэлэн энэ сарын 5-н хүртэл үргэлжлэх аж. Эдгээр хатгамалууд нь хатгамал гэхээсээ илүү уран зураг, фото зураг адил амьд харагддаг, үнэхээр нарийн чимхлүүр ажил орсон бүтээлүүд юм. Хүний хөрөг зургийг ч үнэхээр амьд мэт хатгадагаараа онцлогтой. Уг урлагаар солонгос эмэгтэйчүүд маш эртнээс хичээллэж, үндэсний урлаг болтол хөгжүүлж чаджээ. 
Албаны эх сурвалжийн мэдээлснээр Энэтхэгийг баруун хэсэгт Мумбай хотын ойролцоо Малин тосгонд хүчтэй борооны улмаас хөрсны гулгалт үүсэж хамгийн багаар бодоход 150 магадгүй үүнээс ч олон хүн очих боломжгүй тусгаарлагдаад байна. Одоогийн айдлаар хохирлын мэдээ гараагүй байгаа ч 30-40 байшин нурсан, нурангинаас 2 хүнийг авран, 8 хүний цогцос гаргасан тухай Махараштра мужийн захирагч Сүрэ Жадхав мэдэгдсэн байна. Хөрсны гулгалт болсон муж руу 50 яаралтай тусламжийн машин, 200 сайн дурынханыг илгээсэн байна.
АНУ-ын Конгрессын танхимын гишүүд тус улсын Ерөнхийлөгч Барак Обамаг эрх мэдлээ урвуулан ашигласан, улс орны хууль тогтоомжийг зөрчсөнд буруутгаж, түүнд хариуцлага тооцох тогтоолыг дэмжжээ. Конгрессийн төлөөлөгчдийн танхимын 225 гишүүн дэмжсэн санал өгсөн бол, 201 нь эсрэг байр суурьтай байжээ.
Украины зүүн нутгийг мэдэлдээ аваад буй Оросын талыг дэмжигчид Нидерланд болон Австралийн шинжээчдийн “Боинг 777”онгоц осолдсон газар руу нэвтрүүлэхээр боллоо. Энэ тухай Донецкийн бүгд найрамдах улс гэгчийн Ерөнхий сайд А.Пургин мэдэгдэв. Тус бүс нутагт зэвсэгт мөргөлдөөн гарсаар байгаа тул олон улсын шинжээчид ослын газар очих боломжгүй байсан юм. 
АНУ-ын Батлан хамгаалах яамны албан ёсны төлөөлөгчид өчигдөр мэдэгдэл хийлээ. Түүндээ Хойд Солонгосын эрх баригчдад хандан дэлхий дахиныг цөмийн зэвсэгээр сүрдүүлэхийн оронд ард иргэдээ олигтойхон хооллохыг зөвлөөд “Хойд Солонгосын ард иргэдэд хэрэгтэй зүйлийг хийх цаг нь болсон. Эрх баригчид нь олон түмнээ хооллож, боловсрол олгоход илүү их цаг зориулж, бүх хүч чадлаа дайчлах болсон” гэв. Үүний өмнөх өдөр БНАСАУ-ын Цэргийн улс төрийн зөвлөлийн тэргүүн мэдэгдэл хийхдээ АНУ нь Солонгосын хойгийн байдлыг тогтворгүй болгож байна хэмээн буруутгасан юм. Үүний хариуд Пентагоны албан ёсны төлөөлөгч ийнхүү мэдэгдэл хийжээ. 
Энэ оны гуравдугаар сарын 8-нд 239 зорчигчтой Малайзын агаарын тээврийн “МН370” нисэх онгоц Куала Лампураас Бээжингийн чиглэлд нисэх замдаа сураггүй алга болсон. Онгоц алга болсоноос хойш өнөөг хүртэл Энэтхэгийн далайн 60 мянган км квадрат талбайд хайсан ч ямар ч ул мөр олж чадаагүй юм. Тиймээс Малайзын ерөнхий сайд Нажиб Разак эрлийн ажлыг зогсоож буйгаа мэдэгдлээ. Тэрээр “Алга болсон онгоцыг олох найдвар тасарлаа. Бид боломжтой бүгдийг ашиглан, байж болох бүх газраар хайсан. Надад харамсалтай байна. Онгоцонд зорчиж байсан иргэдийн гэр бүлийнхэнд эмгэнэл илэрхийлье” гэв. Нийт 90 сая долларын зардал гарган хайгуулыг үргэлжлүүлнэ гэж мэдэгдэж байсан ч талаар өнгөрсөн бололтой. Нэгэнт эрлийг зогсоосон болохоор зорчигчдыг нас барсанд тооцож, ар гэрийнхэнд нь нөхөн төлбөр олгох юм. 
Төв аймгийн Баянчандмань сумын нутаг дэвсгэрт байрлах н.Мөнхбаатар захиралтай “Моn egg”компанийн 70 мянга гаруй өндөглөгч тахиа энэ сарын 26-ны шөнө бүтэж үхсэн байна. Энэ нь тухайн өдөр хүчтэй, дуу цахилгаантай бороо орсны улмаас тус компанийн тог тасарч, дохиолол нь ажиллаагүйгээс болжээ.
Жүжигчин Лэндсэй Лоханд Лос Анжелос дахь гэрийнх нь хаягаар гүрвэл явуулсан тухай “www.hollyscoop.com” мэдээллээ. Жүжигчин бүсгүй өчигдөр “New York Times” сонинд ярилцлага өгөх үеэрээ ийнхүү ярьжээ.