Баруун Африкийн дөрвөн улсад тархаад байсан Эбола вирусын халдвар Бүгд Найрамдах Ардчилсан Конго тархаж эхэлсэн тухай албаны хүмүүс мэдэгдсэн байна. Одоогоор тус улсын баруун хойд хэсэгт хоёр хүн нас барсан тохиолдол бүртгэгдээд байгаа гэнэ.
Эбола вирусын тархалт урьд хожид байгаагүйгээр хурдацтай тархаж байгаа тухай ДЭМБ анхааруулж байгаа билээ. Мөн өнгөрөгч ням гарагт тус улсын Эрүүл мэндийн сайд Феликс Кабанжи Нумби нас барсан хоёр хүнээс гадна дахин хоёр хүний эбола вирусын халдвар авсан гэж мэдэгджээ. Тиймээс халдвар тархаад байгаа Боэнде хот орчмын 100 километр газарт хорио цээр тогтоосон аж.
Шинж тэмдгээрээ Эбола вирусийн хижигтэй төстэй геморрагийн өвчнөөр 70 орчим хүн Ардчилсан Конго улсад нас барсан тухай Reuters мэдээлэв.
АНУ-ын эрх баригчид Украины хэрэг явдлын улмаас Оросын эсрэг авсан хоригтоо дэлхийн янз бүрийн орнуудыг нэгтгэхийг хичээж байна.
Дэлхийн эрүүл мэндийн байгууллагаас Баруун Африкийн орнуудаар тархаж буй эбола чичрэг вирусын тархалт маш хурдацтай явагдаж буйг анхааруулжээ.
Украины зүүн нутаг дээгүүр нисч явсан 298 зорчигчтой онгоц осолдсон билээ. Түүнд сууж явсан Малайзын 20 иргэний цогцсыг өнөөдөр нутагт нь авчирчээ. Амстердам хотоос тусгай нислэгээр цогцсыг авчирахад эмгэнэл илэрхийлэх ёслол болж түүнд Малайзын хаан, түүний гэр бүлийнхэн болон Засгийн газрын гишүүд оролцжээ. Нас барагсдын дурсгалыг хүндэтгэх ёслол Малайзын Засгийн газрын тусгай харшид болж байгаа бөгөөд өнөөдрийг гашуудлын өдрөөр зарлажээ.
Дуучин Шакираг бусдын аяыг хулгайлж, хуулбарласан хэмээн Нью-Йорк дахь Холбооны шүүх үзэж, 100 мянган ам.долларын торгууль ноогдуулсан тухай “Ройтерс” агентлаг мэдээллээ. Дуучин бүсгүйн испани хэл дээр дуулсан “Loca” хэмээх дуу нь Доминиканы уран бүтээлч Рамон Ариас Вазкезын бүтээл мөн гэж шүүгч Элвин Хеллерштейн үзжээ.
ӨАБНУ нь хилээ хаасан тухайгаа мэдэгдлээ. Африкийн орнуудад эбола вирусын халдвар улам бүр газар авсаар байгаа тул урьдчилан сэргийлэх зорилгоор дээрх арга хэмжээг авсан байна. Түүнээс гадан Гвиней, Либер, Сьерра-Леон зэрэг орнуудын иргэдийг оруулахгүй тус улсад оруулахгүй гэнэ. Сүүлийн өдрүүдэд эбола вирусын улмаас нас барагсдын тоо нэмэгдсээр байна.
Ирак болон Левантын лалаын улс” бүлгийнхэн Америкийн сэтгүүлч Жеймс Фоулиг одоогоос хоёр жилийн өмнө Сирид баривчилсан юм. Гэтэл саяхан түүний толгойг тасдан хаяж буй дүрс бичлэгийг интернэтэд тавьжээ. “Америкт зориулсан илгээмж” нэртэй дүрс бичлэгийг шалгасны эцэст хуурамч биш гэдгийг нь тогтоосон байна. Бичлэгийн төгсгөлд түүний үхэлд Америкийн эрх баригчид буруутай хэмээн хэлүүлсэн аж. Америкийн сэтгүүлч Жеймс Фоулиг нас барсан гэдгийг түүний гэр бүлийнхэн баталсан гэнэ. Ийнхүү лалын бүлгийнхэн Америкийн сэтгүүлчийн амийг хороосонтой холбогдуулан Ерөнхийлөгч Б.Обама мэдэгдэл хийжээ.
Италид сургуулилт хийж байсан хоёр сөнөөгч онгоц хоорондоо мөргөлдөж осолдсон хэрэг гарчээ. Уг осол Марке мужийн Асколи хэмээх газраас 30 километрийн зайтай болсон бөгөөд осолдсон онгоцууд модтой ууланд унасны улмаас гал гарсан байна.
ОХУ-ын Ерөнхийлөгч В.Путин, Украины Ерөнхийлөгч П.Порошенко нар Белоруссийн нийслэлд уулзаж магадгүй гэнэ. Зарим эх сурвалжуудын мэдээлж байгаагаар энэ сарын 26-ны өдөр уулзах бололтой. Минск хотноо болох Гаалийн холбооны уулзалтад хоёр улсын төрийн тэргүүнүүд оролцох юм байна. Гэвч тэд энэ үеэр хэлэлцээ хийх эсэх нь одоогоор тодорхойгүй аж.