Мексикийн Герреро мужийн цагдаагийнхан өнгөрсөн сарын 26-наас хойш сураггүй алга болсон 43 оюутны цогцосыг олсон юм. Тэдний цогцсыг Герреро хотоос 800 км-ийн цаана байрлах Мерижун мужаас олжээ. Оюутнуудын үхэлтэй холбоотойгоор тус улсын Ерөнхийлөгч Пена Нието мэдэгдэл хийлээ. Тэрбээр “Оюутнуудын үхэл намайг шоконд орууллаа. Тэдний үхлийг захиалсан гэмт этгээдүүдийг нэн даруй шийтгэхээ амлаж байна. Энэ үйл явдлын дараа Мексик улсын нэр хүн олон улсад уналтад орлоо” гэж хэлжээ.
Ерөнхийлөгч ийнхүү хэлснийхээ дараа орон даяар гашуудал зарлаж, амиа алдсан оюутнуудын гэр бүлд эмгэнэл илэрхийлсэн тухай “www.theguardian.com” мэдээллээ. Энэ долоо хоногийн эхээр цагдаагийнхан 15 оюутны цогцосыг эхэлж олсон бол өчигдөр үлдсэн 28 оюутны цогцосыг Мерижун мужийн Сарим хэмээх тосгоноос олсон юм. Амиа алдсан оюутнуудын 18 нь эмэгтэй байжээ. Өнгөрсөн сараас эхэлж тус улсын хэдэн мянган оюутнууд Засгийн газраа эсэргүүцэж, жагсаал зохион байгуулсан юм.
Испанийн нийслэл Мадрид хотын иргэд Баруун Африкийн таван оронд дэгдсэн эбола вирустай тэмцэхэд ДЭМБ, НҮБ дорвитой ажил хийхгүй байна хэмээн буруутгаж, эсэргүүцлийн жагсаал зохион байгуулжээ. Өчигдөр Либери улсад ажиллаж байсан Испани сувилагч залуу халдвар авсан нь тогтоогдсон юм. Энэхүү үйл явдлын дараа хотын оршин суугчид эсэргүүцлээ илэрхийлжээ. Жагсагчид “Дэлхийн олон орон эболатай тэмцэхийн тулд хангалттай хэмжээний мөнгийг хандивлаж байгаа. Харамсалтай нь энэхүү мөнгийг ДЭМБ туршилтаар эм гаргахад зарцуулж, шаардлагагүй зүйлд хэтэрхий их хэмжээний мөнгийг төсөвлөж байна” гэсэн байна.
Колумбийн хойд нутагт Гуачака хотоос холгүй Сьерра-Невада ууланд шашны баярын арга хэмжээний үеэр 11 хүн аянганд ниргүүлэн нас баржээ. Амь үрэгдсэд бүгд Колумбийн уугуул иргэд болох вива үндэстэн аж. Түүнээс гадна 15 хүн түлэгдсэний улмаас Санта-Марта хотын эмнэлэг хүргэгдсэн байна. Нэгэн омгийн 60-аад хүн уулан дахь дээврийг нь далдуу модны навчаар бүрсэн сүмд цугларсан байжээ. Гэтэл байшин аяганд ниргүүлснээс хүний амь эрсэдсэн аж. 
Хятадын Хэнань мужийн Пиньюй хэмээх газар нэгэн гэмт этгээд гадаа тоглож байсан хүүхдүүд рүү халдсан хэрэг гарчээ. Гартаа хутга барьсан тэрээр дөрвөн хүүхдийг шархадуулсан тухай мэдээллээ. Гудамжинд явж байсан хүмүүс түүнийг барьж авч цагдаа нарт хүлээлгэн өгсөн байна. Хохирогчын хоёрынх нь биеийн баййдал нэлээд хүнд байгаа бөгөөд эмчлүүлж байгаа гэнэ. 
Америкийн “NBC” телевизийн сэтгүүлч, гэрэл зурагчин Ашока Мукпо Либери улсад сурвалжлага хийж байхдаа эболагийн халдвар авсан нь илэрчээ. Тэрбээр энэ сарын 3-нд халдвар авсан нь тогтоогдож, Либери улсад эмчлүүлж байсан юм. Тэгвэл сэтгүүлч залууг АНУ-ын эрүүл мэндийн ажилчид тусгай онгоцоор тээвэрлэж Нью Йорк хотод авчирсан тухай “www.dailymail.co.uk” мэдээллээ.7Сэтгүүлчийн ээж Диана Мукпо “Хүүгийн минь бие хэвийн байгаа гэсэн. Тэгэхдээ би нүдээрээ хараагүй л байна. Хүүгээ хэр зэрэг өвдсөн гэдгийг нь мэдэхгүй байна. Хүү минь үхэлд хүрэх аюултай эбола туссан нь “NBC” телевизийн удирдлагуудын буруу. Эбола дэгдсэн Гвиней, Нигер, Сьерро-Леон, Либери улс хилээ хаасан байсан. Тэгтэл хүүг минь эболагийн голомт руу илгээсэн” гэж хэлжээ.7Ашока Мукпо өнгөрсөн сар Гвиней улсад сурвалжлага хийж байгаад энэ сарын эхээр Либери улсад ирсэн аж. Мөн Мукпотой хамт явсан зураглаач залууг шинжилгээнд хамруулжээ. Түүний шинжилгээний хариу хараахан ирээгүй байгаа гэж ДЭМБ-аас мэдэгдэв.
Тайландынхаан 86 настай Пхумилон Адульядет мэс засал хийлгэн цөсөө авахуулсан байна. Өнгөрсөн баасан гаригт тэрээр эмнэлэгт хэвтэж өчигдөр ордондоо буцаж иржээ. Засгийн эрхийг хүчээр авч Засгийн газрыг тэргүүлэх болсон Прают Оча-Чан хааны эмнэлэгт байхад нь эргэсэн байна. Тайландын хаан Пхумилон Адульядет нь 1946 онд хаан ширээнд заларсан юм. 
Японы Кюшю арал дээр бямба гаригт шилжих шөнө “Фанфон” хар салхи нүүрлэснээс 20 мянган өрх цахилгаангүй болсон байна. Энэхүү байгалийн гамшигт нэг хүн бэртсэн бол өөр нэг хүн сураггүй болжээ. Мөн хар салхи нүүрлэсэнтэй холбогдуулан дотоодын 150 орчим нислэгийг хойшлуулж, галт тэрэгний хуваарьт өөрчлөлт оруулсан байна.Цаг уурчдын мэдээлж буйгаар өчигдөр орой Фанфон далайн шуурга нь Японы төв нутгийг дайрчээ. Тус улсын нийт 47 мужийн 11-д түгшүүр зарлаад байна.Хар салхи 45 м/с-ийн хурдтай байгаа аж. Японы Үндэсний цаг уурын удирдлагын газрын мэдээлснээр уулархаг дүүрэгт хөрсний нуралт, үер усны гамшиг нүүрлэж болзошгүйг анхааруулжээ. “Фанфон” хар салхи нь энэ улиралд Номхон далайд нүүрлэсэн 18 дахь шуурга юм. Байгалийн гамшгийн улмаас “Формула-1” автомашины уралдааны дэлхийн аваргын 15 дахь удаагийн уралдаан тасалдахад хүргэсэн байна.
Нэрт дуучин Леди Гага нууцаар хуримласан талаар “Ройтерс” агентлаг мэдээлэв. Тэрбээржүжигчин Тэйлор Киннитэй бямба гаригт Итали улсад нууцаар хуримласан гэнэ.Энэхүү мэдээллийг дуучны дотнын анд жүжигчин София Буш баталжээ. Хатагтай София”The Daily Mail” сонинд өгсөн ярилцлагадаа “Гага одоо жаргалтай байгаа. Найз минь хуримынхаа үеэр нулимсаа барьж чадаагүй. Би түүнийг их хүчирхэг, этгээд гэж боддог байсан. Найз маань хуриман дээрээ сахиусан тэнгэр шиг үзэсгэлэнтэй харагдаж байсан шүү” гэсэн байна.