Category: гадаад

АНУ-ын Ерөнхий прокурор Меррик Гарланд Массачусетс муж дахь АНУ-ын Агаарын үндэсний гвардийн 102-р тагнуулын албаны ажилтан 21 настай Жек Тейшераг Пентагоны нууц баримт бичгүүдийг задруулсан хэрэгт сэжиглэн баривчилсан болохыг баталжээ. Үүнээс өмнө Пентагоны хэвлэлийн төлөөлөгч генерал Пэт Райдер хэвлэлийн бага хурал хийх үеэрээ мэдээлэл цацагдсан нь “санаатай гэмт хэрэг” гэж мэдэгдэж байсан юм.

Баривчлах ажиллагаанд хуягт машин хэрэглэн сэжигтэнгийн гэрт нь очсон хэд хэдэн хууль сахиулагчид оролцсон байна. Сэжигтэн гараа өргөн ямар ч эсэргүүцэлгүйгээр бууж өгсөн байна. Зургаас харахад Тейшейра улаан шорт, подволк өмссөн байжээ.

Өмнө нь Америкийн хэвлэл мэдээллийн хэрэгслээр Украины дайн болон бусад олон улсын асуудлаарх Пентагоны олон тооны баримт бичиг задрагдсан тухай шинэ нарийн ширийн нийтэлсэн юм. “Вашингтон Пост” сонинд тус цэргийн баазын залуу ажилтан онлайн тоглоомын чатаар найзуудтайгаа нууц файлуудыг хуваалцаж байсан тухай мэдээлжээ. Мөн пүрэв гарагт Нью-Йорк Таймс сонины сэтгүүлчид тэр хүний нэр, албан тушаалыг олж чадсан гэж мэдэгдэв.

Нийтлэгдсэн нууц баримт бичгийн хамгийн сүүлийн хэсэгт НҮБ-ын Ерөнхий нарийн бичгийн даргын Украины дайнд ямар хандлага гаргасныг болон Африкийн зарим удирдагчдын тухай мэдээлэл ил болсон. Гутерриш ямар ч үнээр хамаагүй тохиролцоонд хүрэхийг эрмэлзэж, Оросын ашиг сонирхлыг хангахад бэлэн байсан

Өмнө нь мэдэгдээгүй байсан бүтэц дэлхийн гүнд байгааг Австралийн судлаачид илрүүлжээ. Судлаачид шинэ бүтцийг “хамгийн дотоод цөм” гэж нэрлэсэн байна. Энэ нь бөмбөрцөг хэлбэртэй төмөр, никелийн нийлмэл хайлш бөгөөд судлаачдын үзэж буйгаар дэлхийн эртний түүхийн нууцыг агуулж байгаа гэнэ.

Эрдэмтэд манай гарагийн дотоод бүтцийн чичирхийллийн долгионы тархалтыг судлах явцдаа энэхүү нуугдмал давхаргыг илрүүлжээ. Ийм чичиргээнд нэг л удаа дүн шинжилгээ хийдэг байсан өмнөх судалгаанаас ялгаатай нь энэ удаад чичирхийллийн “доргиог” таван удаагийн давтамжтай тандан судалснаар өмнө нь мэдэгдээгүй байсан шинэ мэдээллүүдийг олж илрүүлсэн байна.

Энэхүү судалгаа нь дэлхийн дотоод цөмийг судлах шинэ аргыг нээж байна гэж судалгаа хийсэн эрдэмтэд үзсэн байна. Дэлхийн хамгийн дотоод энэхүү цөм дотор гарагуудын дотоод бүтэц өөрчлөгдөхөд нөлөөлсөн сансрын эртний үйл явцын шинж тэмдгүүд агуулагдаж байгаа гэж эрдэмтэд таамаглаж байгаа ажээ.

Судалгааны явцад олж авсан шинэ мэдээлэл нь дэлхийн соронзон орон хэрхэн үүссэнийг тайлбарлахад тус дөхөм болно гэж судлаачид мөн онцолжээ. Соронзон орон нь манай гараг дээр амьдрал оршин байх тохиромжтой нөхцөл бүрдэхэд асар их үүрэг гүйцэтгэдэг. Учир нь соронзон орон нь дэлхийн гадаргууг огторгуйн цацрагаас, түүнчлэн амьдралын үндэс болсон далай тэнгисийг дэлхийгээс сансар луу “нисэн одохоос” хамгаалдаг гэж “Nature Communications” сэтгүүлдбичигджээ.

Г.АМАРСАНАА

БНХАУ-ын Төрийн зөвлөл болон Цэргийн төв хороо үндэсний батлан хамгаалах хүчнээ бэхжүүлэх, хүчирхэг зэвсэгт хүчнийг бий болгох институцийн баталгааг хангах зорилгоор цэрэг татлагын журмаа шинэчилжээ. Нийт 11 бүлэг, 74 заалт бүхий шинэ журам нь илүү өндөр мэргэшсэн цэргүүдийг элсүүлэх, цэрэгт татах журмыг стандартчлах, оновчтой болгох, системийн үр ашгийг дээшлүүлэхэд чиглэсэн аж.Энэхүү журам нь 2023 оны тавдугаар сарын 1-нээс мөрдөгдөж эхэлнэ.

Г.АМАРСАНАА

Кувейтийн мэдээний нэгэн вэбсайт хиймэл оюун ухаан ашиглан виртуал хөтлөгч бүтээсэн байна. Олон нийтэд түүнийг танилцуулах ажиллагаан дээр уг виртуал хөтлөгч “Намайг Федха гэдэг. Би хиймэл оюун ухаанаар бүтээгдсэн Кувейтийн анхны мэдээний хөтлөгч. Та нар ямар төрлийн мэдээ сонирхож байна? Та нарын саналыг сонсъё” гэж хэлсэн 13 секунд үргэлжилсэн энэхүү танилцуулга Кувейтийн нийгмийн сүлжээний гол сэдвүүдийн нэг болсон байна. Хиймэл, виртуал хөтлөгч ташаа мэдээлэл түгээж болзошгүйгээс гадна яваандаа хүний ажлын байрыг орлох аюултай гэж иргэд шүүмжлэлтэй хандаж байгаа аж.

Хар пиджак өмсөн, толгойдоо алчуур зүүгээгүй шаргал үст Федха нэртэй эмэгтэй хөтлөгчөөр ирээдүйд цахим мэдээ уншуулахаар төлөвлөж байгаа аж. Федха гэдэг нь эртний Кувейтээр мөнгө гэсэн утгатай бөгөөд роботыг мөнгөлөг, металлаар хийдэг учир роботтой адилтгаж хөтлөгчийг Федха гэж нэрлэсэн гэнэ.

Г.АМАРСАНАА

АНУ, Филиппин улсууд цэргийн томоохон хамтарсан сургуулилалт эхлүүлсэн байна. Энэ удаагийнх хоёр улсын хооронд жил бүр зохион байгуулагддаг “Balikatan” цэргийн сургуулилалтын түүхэнд хамгийн томд тооцогдож байгаа бөгөөд 17 600 цэрэг оролцоно. Энэ нь БНХАУ Тайванийн ойролцоо томоохон цэргийн сургуулилалт хийсэнтэй холбоотой хийгдэж байгаа юм байна.

Энэ оны хоёрдугаар сард АНУ, Филиппин улсууд батлан хамгаалахын салбарт хамтран ажиллах шинэ гэрээ байгуулсан. Тус гэрээгээр Филиппины арлуудад тэнгисийн цэргийн дөрвөн бааз шинээр байгуулахаар болсон байна. Филиппин болон Зүүн өмнөд Азийн эргэн тойрон дахь усан замууд нь худалдаа, наймааны хамгийн ачаалалтай замуудын нэг бөгөөд Хятадтай усан хилийн маргаантай байдаг.

Өнгөрсөн долоо хоногт АНУ-ын Төлөөлөгчдийн танхимын дарга Кевин Маккарти Тайванийн Ерөнхийлөгч Цай Ин Венийг хүлээн авч уулзсаны хариуд БНХАУ Тайванийн эргэн тойронд сөнөөгч онгоц болон нисэх онгоц тээгч хөлөг онгоцоо байршуулах томоохон сургуулилалт хийсэн юм.

Австралид Лейборист нам 2022 оны тавдугаар сард засгийн эрхэнд гарснаас хойш сэргээгдэх эрчим хүчний салбарт 11 төсөл хэрэгжүүлэхийг зөвшөөрсөн нь өмнөх засгийн газрынхаас хоёр дахин өссөн үзүүлэлт болж байгаа талаар тус улсын Эрчим хүч, усны асуудал эрхэлсэн сайд Таня Плиберсек мэдэгджээ.Лейрорист нам уур амьсгалын бодлогоороо хувийн хэвшил, хөрөнгө оруулагчдад “тодорхой орчин нөхцөл” бүрдүүлж өгсний дүнд дээрх өсөлт гарчээ. Тус намньАвстралийннүүрстөрөгчийндавхарислийнялгарлыг 2030 онгэхэд 2005 оныхоос 43 хувиарбууруулж, улмаар 2050 онгэхэдялгарал, шингээлтийнзөрүүгтэглэхамлалтөгөөдбайгааюм.

Т.Плиберсек “Бид засгийн газраа байгуулснаасаа хойших 10 сарын хугацаанд сэргээгдэх эрчим хүчний салбарт 11 төсөл хэрэгжүүлэхийг зөвшөөрөөд байна. Өмнөх засгийн газрын үед мөн хугацаанд таван төсөлд л зөвшөөрөл олгоод байсан” гэж “ABC” радиод ярилцлага өгөх үеэрээ хэлжээ.“2030 он гэхэд сэргээгдэх эрчим хүчний эзлэх хувийг 82 хувьд хүргэх зорилт тавиад байгаатай холбоотойгоор ийм төсөлд хөрөнгө оруулах хүсэлтэй бизнес эрхлэгчид олширч байна” гэж тэрбээр ярьсан байна. Мөнодоогоорсэргээгдэхэрчимхүчний 90 гаруйтөсөлТ.Плиберсекийнзөвшөөрлийгхүлээжбайгааажээ.

Г.АМАРСАНАА

БНСУ шинэлэг технологиудыг эзэмшиж, эдийн засгийн өсөлтийг дэмжихийн тулд 2030 он гэхэд хагас дамжуулагч, цэнэг хураагуур, атомын эрчим хүчний үйлдвэрлэл зэрэг аж үйлдвэрийн гол салбаруудад 13.5 их наяд вон/10.23 тэрбум ам.доллар/-ы хөрөнгө оруулалт хийнэ гэж тус улсын Аж үйлдвэрийн яаммэдэгдэв.

Засгийн газраас аж үйлдвэрийн 11 томоохон салбарт 40 судалгаа, хөгжлийн төсөл хэрэгжүүлж, 2027 он гэхэд 6.2 их наяд вон, 2030 он гэхэд нэмж 7.3 их наяд воны хөрөнгө оруулалт хийхээр төлөвлөж байна гэж Худалдаа, аж үйлдвэр, эрчим хүчний яамнаас мэдэгджээ. Эдгээр салбарт хагас дамжуулагч, дэлгэц, цэнэг хураагуур, гол түүхий эдүүд, дэвшилтэт үйлдвэрлэл, ухаалаг робот, шинэ үеийн атомын эрчим хүч үйлдвэрлэх, шинэ эрчим хүч зэрэг багтах ажээ. Төлөвлөгөөний хүрээнд тус яам “Hyundai Motor”, “POSCO Holdings”, “Samsung Display” зэрэг есөн компани болон холбогдох дөрвөн байгууллагатай хамтын ажиллагааны санамж бичигт гарын үсэг зуржээ.